BAN KI MOON AWALAUMU VIONGOZI HASIM NCHINI SUDANI KUSINI

Katibu mkuu wa Umoja wa Mataifa, Ban Ki Moon, juma hili amewatuhumu viongozi wanaohasimiana nchini Sudan Kusini, akidai kuwa wameweka mbele maslahi yao kuliko maslahi ya wananchi ambao waliwachagua na kuwaweka madarakani.

Kauli ya Ban anaitoa wakati huu ambapo rais Salva Kiir na mwenzake Dr Riek Machar wakishindwa kuafikiana kuhusu namna ya kugawana madaraka ili kumaliza mzozo wa kisiasa uliosababisha vita vya wenyewe kwa wenyewe nchini humo.

Kwenye taarifa yake, katibu mkuu Ban ameelezwa kusikitishwa na namna viongozi hao wanavyoshindwa kufikia suluhu ya kisiasa licha ya mara kadhaa kutiliana saini makubaliano ya kusitisha vita, ambapo ameongeza kuwa suluhu ya weza patikana nchini humo iwapo viongozi hawa wataweka mbele maslahi ya taifa na wananchi wao.