RAIS WA TANZANIA ASEMA UWEZO WA KULIPIA HUDUMA ZA UWAKILI NI KIKWAZO KIKUBWA KWA WASIOKUW ANA UWEZO

Rais wa Tanzania Jakaya Mrisho Kikwete amekiri kuwa kukosekana kwa msaada wa kisheria kwa wale wasio na uwezo wa kulipia huduma ya uwakili ni kikwazo kwa watu hao kupata fursa ya kupata haki.

Rais Kikwete ametoa kauli hiyo hii leo katika maadhimisho ya siku ya sheria yaliyofanyika jijini Dar es Salaam na kuratibiwa na mhimili wa mahakama na kuongeza kuwa kukosekana kwa msaada wa kisheria ni tatizo linalowakabili watu wengi.

Rais Kikwete amesema kuwa Serikali italifanyia kazi pendekezo hilo lililotolewa Mahakama ili kupanua fursa kwa watu wengi kupata haki ya kisheria na ikiwezekana serikali igharamie huduma za uwakili kwa watuhumiwa wasio na uwezo kifedha nje ya watuhumiwa wa makosa ya mauaji.