USO KWA USO LEO KATI YA POROSHENKO, POUTINE, MERKEL NA HOLLANDE KUHUSU AMANI NCHINI UKRAINE

Viongozi wa Ukraine, Urusi, ufaransa na Ujerumani wanakutana hii leo jumatano jijini Minsk katika mkutano unaonekana kuwa bahati ya mwisho ya kupatikana kwa suluhu ya mzozo wa kivita uliodumu kwa zaidi ya miezi kumi sasa na kugharimu maisha ya watu 5.300 mashariki mwa Ukraine. Mengi zaidi na Ali Bilali.

Mkutano huo unawaleta pamoja Angela Merkel, Francois Hollande, Petro Poroshenko na Vladimir Poutine ikiwa ni matokeo ya juhudi za Ufaransa na Ujerumani ambapo mwishioni mwa juma lililopita viongozi wa mataifa hayo walielekea Kiev na Moscu.

Hayo yanajiri wakati mapigano ya hapo jana yakigharimu maisha ya watu 37.

rais Poroshenko alipoingia madarakani aliahidi kumaliza machafuko na kurejesha kwenye himaya ya serikali miji iliojitenga na ambayo inakaliwa na waasi wanaodaiwa kuungwa mkono na Urusi. Viongozi katika mkutano huo wa Minsk nchini Belarusi wanataraji kupata makubaliano ya kusitisha vita bila masharti yoyote na kuondolewa kwa silaha nzitonzito kwenye uwanja wa mapigano.

Hapo jana wapiganai wanaodai mjitengo na Ukraine wamejadiliana kwa saa kadhaa jijini Minsk na wamjumbe wa kiev wakiwa pamoja na wawakilishi wa Urusi na wa jeshi la ulinzi wa bara la Ulaya OSCE. Waasi waho wamewasilisha mapendekezo yao ya kumaliza machafuko mashariki mwa ukraine.

Hata hivyo kulingana na muakilishi wa taifa lililojitanga na ukraine la Donetsk Denis pouchline ambae hakuweka wazi yaliomo katika mapendekezo hayo amesema bado ni mapema kuzungumzia usitishwaji wa mapigano.

Upande wake rais wa marekani Barack obama hapo jana amdwasiliana na rais wa Urusi Vladimir aPoutine pamoja na rais wa ukrainr Petro Poroshenko. Taarifa ya Ikulu ya marekani imesema kwamba iwapo Urusi itaendeleza uvamizi wake nchini Ukraine kwa kuwatuma wanajeshi wake, na silaha na hata kuwafadhili waasi, basi Athari kwa Urusi zitakuwa kubwa.