WADAU WA ELIMU KUTOKA MAITAIFA ZAIDI YA 50 WAKUTANA JIJINI NAIROBI KUJADILI UBORA WA ELIMU

Kongamano la wadau wa elimu kutoka barani Afrika limefungulia rasmi na rais wa Kenya Uhuru Kenyatta jijini Nairobi.

Watalaam kutoka zaidi ya mataifa ya 50 wanakutana kujadili ubora na kiwango cha elimu barani Afrika na namna elimu inavyoweza kuboreshwa.

Mbali na maswala ya elimu, wadai hao wanajadili haki kwa watoto kupata elimu katika mataifa yote ya Afrika na mchango wa serikali kufikia malengo hayo.

Rais Kenyatta amewaomba walimu nchini Kenya, kuwa wavumilivu wakati huu serikali ikijitahidi kuhakikisha kuwa wanafanya kazi katika mazingira mazuri.

Zaidi ya walimu elfu 2 wanaofanya kazi katika Kaunti za Mandera, Garisa na Wajir wamekuwa wakiandamana jijini Nairobi kwa mwezi mmoja sasa wanakiishiniza serikali kuwaahamisha kutoka maeneo hayo yanayopakana na nchi ya Somalia kwa hofu ya usalama kutoka kundi la Al Shabab.