UJERUMANI KUENDELEA KUSHIRIKIANA NA TANZANIA KATIKA SEKTA MBALIMBALI

Serikali ya Ujerumani imesisitiza kuendelea kushirikiana na nchi ya Tanzania katika masuala mbalimbali ya kimaendeleo ikiwa ni pamoja na kuimarisha sekta ya usalama baina ya nchi hizi mbili.

Akizungumza jijini Dar es Salaam wakati wa ziara yake, rais wa Ujerumani, Joachim Gauck amesema kuwa nchi yake itaendelea kushirikiana na Tanzania katika shughuli mbalimbali za kimaendeleo kama ambavyo zimeendelea kushirikiana kwa miongo kadhaa hivi sasa.

Kwa upande wake rais wa Tanzania, Dr Jakaya Mrisho Kikwete, amesema kuwa Tanzania inajivunia kuwa na rafiki mzuri kama nchi ya Ujerumani na kwamba nchi yake itaendelea kushirikiana na taifa hilo.

Akizungumzia kuhusu usalama wa kikanda hasa tishio la ugaidi wa kundi la Al-Shabab la nchini Somalia pamoja na makundi Mengine, rais Kikwete amesema nchi yake imeendelea kubadilishana taarifa za kiintelijensia na maofisa usalama wa Ujerumani na kwamba wataendelea kufanya hivyo.