BUNGE LA NIGER LAIDHINISHA SHERIA YA KUTUMA MAJESHI NIGERIA KUPAMBANA NA BOKO HARAM

 Bunge la Niger limeidhinisha kwa kauli moja muswada wa sheria unaoruhusu kutumwa kwa manjeshi nchini Nigeria kwa ajili ya kupambana na kundi la wapiganji wa Boko Haram katika muktada wa uundwaji wa jeshi la kikanda juu ya kurejesha usalama katika eneo nzima la mto Tchad.

Kulingana na kauli ya mbunge wa upinzani Abdourahamane Chégou muswada huu umeidhinishwa na wabunge waote 102 waliokuwepo bungeni, kauli ambayo imethibitishwa pia na Mohamed Ben Omar, naibu spika wa bunge la Nigeria ambae ameongeza kuwa wanajeshi 750 watatumwa huko kwa ajili ya opersheni hiyo.

Wakati wa upigaji kura wa muswada huu, spika wa bunge Amadou Salifou amesema hatuwa hii inachukuliwa wakati mji wa Diffa kusini mwa Niger mpakani na Nigeria makombora yanayorushwa na kundi la boko Haram yaendelea kuanguka katika eneo hilo.

Niger inawatuma wanajeshi wake nchini Nigeria wakati huu mvutano wa kisiasa ukiendelea kutokota kutokana na hatuwa ya kuahirishwa uchaguzi kwa sababu za kiusalama, jambo ambalo upinzani umepinga. Mwenda Mbijiwe ni mchambuzi wa maswala ya Usalama anazungumzia kuhusu mashambulizi ya kundi hili la Boko Haram.

Kundi la Boko Haram kupitia kiongozi wake Abubakar Shekau amesema Nigeria Haina uwezo wa kulishinda kundi hilo, na kutishia kufanya mashambulizi zaidi katika nchi zinazotuma majeshi yake nchini Nigeria kwa ajili ya kukabiliana na wapiganaji wa kundi hilo.