GOODLUCK JONATHAN KUZUNGUMZA NA WAANDISHI WA HABARI

Rais wa Nigeria ambae pia ni mgombea kwenye kiti cha urais nchini humo Good luck Jonathan, anataraji kufanya kikao na waandishi wa habari hii leo kujibu maswali mbalimbali kutoka kwa wanahabari nchini humo.

Hayo yanajiri wakati Mwenyekiti wa tume ya Uchakuzi nchini Nigeria Profesa Athahiri Jega ameshinikizwa kuachia ngazi ikiwa ni siku chache tu baada ya kuahirishwa kwa uchaguzi huo ambao ulikuwa umepangwa kufanyika Februari mwaka huu na sasa umesogezwa hadi tarehe 28 mwezi March mwaka huu.

Uamuzi huo unakuja kufuatia kauli ya viongozi wa Usalama nchini humo kudaikuwa hawakuandaliwa kwa zoezi hilo.

Vyanzo vya kuaminika vinasema kuwa prof jega ameamuriwa na rais Good luck Jonathan ambae ni mongoni mwa wagombea kwenye uchaguzi huo mkuu kutoka chama cha PDP kwenda Likizo kuanzia mwezi March.