HOLLANDE NA MERKEL WANAIMANI YA KUUSULUHISHA MZOZO WA UKRAINE KWA NJIA YA KIDIPLOMASIA

 Kansela wa Ujerumani Angela Merkel na rais wa Ufaransa, Francois Hollande hii leo wanatarajiwa kuwa na mazungumzo na rais wa Urusi Vladmir Putin katika juhudi zao za kujaribu kusaka suluhu ya machafuko mashariki mwa nchi ya Ukraine, machafuko ambao Urusi inatajwa kuchochea.

Ziara ya viongozi hawa wawili mjini Moscow imekuja saa chache baada ya kufanya ziara kama hiyo nchini Ukraine ambako walikutana na rais Petro Poroshenko ambaye baada ya mazungumzo yao alidai yalikuwa yenye tija na yenye kutoa muelekea wa suluhu ya nchi yake.

Kansela Merkel amesisitiza imani yake ya kuwa mzozo wa mashariki mwa Ukraine unaweza kutatuliwa kwa njia za kidiplomasia kuliko kutumia nguvu za kijeshi kuumaliza.