MASHARIKA YA KIRAIA NCHINI BURUNDI YAMTAKA RAIS NKURUNZIZA KUTOWANIA MUHULA WA TATU

Mashirika ya kiraia nchini Burundi juma hili yametoa wito kwa rais Pierre Nkurunzinza anayedaiwa kutaka kuongeza muda ili kumpa nafasi ya kuwania muhula mwingine watatu kwenye uchaguzi wa mwezi June mwaka huu, kuachana na mpango wake ili kuepusha vurugu zinazoweza kujitokeza.

Majuma mawili yaliyopita muungano wa mashirika ya kiraia zaidi ya 304 nchini Burundi yalizindua kampeni maalumu kupinga rais Nkurunzinza kuwania muhula mwingine wa tatu, ambapo waliandika barua ya siri kwa rais February 4 mwaka huu kumuomba asigombee tena kwenye uchaguzi ujao.

Viongozi wa mashirika hayo wanasema kuwa kutokana na kutojibiwa kwa barua yao, wataendelea kupiga kelele na kuwashawishi wananchi kutounga mkono uamuzi wowote wa Serikali utakaompa nafasi rais Nkurunzinza kuwania muhula wa tatu.