JESHI LA SUDAN LATUHUMIWA UBAKAJI KATIKA JIMBO LA DARFOUR

Wanajeshi wa nchi ya Sudan wanatuhumiwa kuwabaka wanawake na wasichana zaidi ya mia mbili katika jimbo la Darfur mwaka uliopita, ikiwa ni tukio baya zaidi kuripotiwa na kwamba uchunguzi lazima ufanyike dhidi ya vitendo vya uhalifu wa kibinadamu, shirika la Human Right Watch limesema.

Katika ripoti yake yenye kurasa 48, Human Right Watch imeeleza kuguswa na namna ambavyo vikosi vya Serikali vimeshiriki katika kutekeleza uhalifu huu licha ya mara kadhaa utawala wa Khartoum kukanusha wanajeshi wake kuhusika kwenye tukio hilo la Mwezi October mwaka jana mjini Tabit.

Ripoti hiyo inasema kuwa wanajeshi walikuwa wakipita nyumba kwa nyumba wakipora mali, kuwapiga wakaazi, kuwakamata wanaume ambao walichukuliwa huku wanawake na wasichana wakibakwa kwenye nyumba zao, ripoti hii imeonesha.