MARADHI YA SARATANI YAENDELEA KUWA TISHIO DUNIANI

Ikiwa leo ni siku ya kimataifa ya kupambana na maradhi ya saratani, shirika la afya duniani WHO, linasema kuwa jumuiya ya kimataifa inayo nafasi na uwezo mkubwa wa kudhibiti maradhi ya saratani ambayo sasa yameongezeka kwa kasi kwenye nchi zinazoendelea.

Huu ndio ujumbe unaotolewa hii leo na shirika la afya duniani wakati wa maadhimisho ya siku ya saratani duniani ambayo huadhimishwa tarehe 4 ya kila mwaka, ambapo kwa mujibu wa takwimu za shirika hili, asilimia 70 ambayo ni sawa na watu wanaokadiriwa kufikia milioni 8, hufariki kila mwaka duniani kutokana na maradhi haya na hasa kwenye nchi zinazoendelea.

WHO inasema kuwa iwapo hatua hazitachukuliwa mapema kudhibiti maradhi haya, idadi itaongezeka kutoka watu milioni 7 na laki 6 mwaka huu hadi kufikia watu milioni 9 kwa mwaka 2030.