MATAIFA YA MAGHARIBI YAMUONYA RAIS ASAD KUWANIA URAIS

Bshar al Asad

Mataifa 11 ya magharibi yakiwemo yale ya jumuiya ya nchi za Kiarabu, yamemuonya rais wa Syria Bashar al-Asad kuhusu mpango wake wa kufanya uchaguzi mkuu, kwa kile wanachodai uchaguzi huo hautakuwa huru na haki.

Kwenye taarifa yao ya pamoja, nchi zinazojiita marafiki wa Syria wamemtaka rais Asad kutoandaa uchaguzi wowote wakati huu ambapo hali ya usalama hairidhishi nchini humo na badala yake kujikita katika mazungumzo ya kusaka suluhu nchini humo.

Haya yanajiri wakati huu mataifa Jirani na Syria yakieleza kuzidiwa na wimbi la wakimbizi wanaokimbia vita huku idadi yao ikielezwa kufikia zaidi ya milioni moja kwenye nchi ya Lebanon.