POLISI JIJINI MOMBASA WAIMARISHA USALAMA BAADA YA KIFO CHA MUHUBIRI WA KIISLAM CHEIKH ABUBAKAR SHARIFF AHMED

Cheikh Abubakar Shariff Ahmed wakati wa uhai wake

Polisi kwenye mji wa Mombasa hii leo wameendelea kuimarisha usalama kwenye mji wa Mombasa kufuatia kuuawa kwa kiongozi wa dini ya kiislamu jana usiku na watu wasiojulikana, tukio ambalo limewashtua wengi.

Sheikh Abubakar Shariff Ahmed alikuwa ni moja kati ya viongozi waliokuwa wakimuunga mkono Osama Bin Laden na alikuwa kwenye orodha ya vikwazo vya Umoja wa Mataifa UN kwa tuhuma za kuwa mstari wa mbele kutoa msaada na mafunzo kwa vijana wa Kenya kujiunga na kundi la Al-Shabab nchini Somalia.

Hali ya utulivu iliripotiwa kwenye maeneo mengi ya mji wa Mombasa wakati huu kukiwa na hofu ya kiusalama hasa kwa vijana ambao walikuwa wafuasi wa karibu wa Sheikh Ahmed aliyefahamika pia kwa jina la Makuburi.

Kumeibuka maswali kuhusu ni nani hasa aliyehusika na kifo cha kiongozi huyu na kama ni muendelezo wa mauaji ya viongozi wa kidini waliomstari wa mbele kuunga mkono sera za Al-Shabab na Al-Qaeda nchini Kenya?