KUNDI LA KIDINI NCHINI ETHIOPIA KUANDAMANA MWEZI HUU KUPINGA USHOGA NA USAGAJI

Kundi moja la kidini nchini Ethiopia limetangaza kuwa mwezi huu litafanya maandamano makubwa nchini humo kupinga vitendo vya ushoga na usagaji ambavyo wamesema vinaendelea kukua kwenye nchi za pembe ya Afrika.

Maandamano haya yameitishwa ikiwa imepita miezi kadhaa toka nchi za Uganda na Nigeria zipitishe sheria kali zinazokataza ndoa za watu wa jinsia moja wala vitendo vinavyohusiana na usagaji.

Mkuu wa muungano wa makanisa ya kikristo nchini humo, Dereje Negash amesema umoja wao utaitisha maandamano hayo mwezi huu kuunga mkono juhudi za Serikali kupinga vitendo hivyo nchini Ethiopia na kwenye nchi za pembe ya Afrika.