BALOZI WA MAREKANI UN SAMANTHA POWER AMTAKA RAIS NKURUNZIZA KUHESHIMU KATIBA YA BURUNDI

Balozi wa Marekani UN Smantha Power

Balozi wa Marekani Kwenye Umoja wa Mataifa Samantha Power amefanya ziara fupi nchini Burundi hapo jana na amekutana kwa mazungumzo na rais wa taifa hilo Pierre Nkurunziza ambapo alikuwa amemletea risala ya rais wa Marekani Barack Obama.

Power ambaye amepongeza Burundi kwa hatuwa yake ya kushiriki katika kikosi cha kulinda amani nchini Somalia, na hivi karibuni nchini Jamhuri ya Afrika ya Kati, amemueleza rais Nkurunziza kuhusu Marekani kuwa na wasiwasi kuhusu vitendo vya uvunjifu wa haki ya kujieleza kwa wananchi na wanasiasa ambavyo vinawakumba wanasiasa wa Upinzani, vyombo vya habari na mashirika ya kiraia.

Samantaha Power amemtaka rais Nkurunziza ambaye anataka kuwania muhula wa tatu licha ya katiba ya nchi hiyo kutomkubalia, kusitisha nia yake hiyo na kuheshimu katiba.