KESI INAYOMKABILI RAIS WA KENYA UHURU KENYATTA ICC YAAHIRISHWA HADI OCTOBA 7 MWAKA HUU

Mahakama ya Kimataifa ya ICC imesema kesi dhidi ya rais wa Kenya Uhuru Kenyatta sasa itaanza tarehe 7 mwezi Oktoba mwaka huu.

Rais Kenyatta anashtakiwa na Mahakama hiyo kuchochea na kufadhili machafuko ya baada ya Uchaguzi Mkuu wa mwaka 2007 yaliyosabisha zaidi ya watu elfu moja kupoteza maisha.

Kesi dhidi ya Kenyatta ilistahili kuanza mwaka uliopita lakini kiongozi wa Mashtaka Fatou Bensuda aliiomba Mahakama kuahirisha kesi hiyo baada ya kuituhumu serikali ya Kenya kukataa kushirikiana na Ofisi yake kutoa taarifa za fedha za rais Kenyatta.

Majaji wa ICC wameitaka serikali ya Kenya kuwasilisha taarufa hizo kwa Ofisi ya Mwendesha Mashtaka ili kuendelea kwa kesi hiyo.