BARAZA LA USALAMA LA UMOJA WA MATAIFA LAONYA KUHUSU KUENDELEA KUZOROTA KWA HALI YA USALAMA JIJINI MOGADISHU

Kikao cha Baraza la Usalama la Umoja wa Mataifa

Baraza la usalama la Umoja wa Mataifa UN limeonya kuhusu kuendelea kuzorota kwa hali ya usalama mjini Mogadishu nchini Somalia kufuatia mashambulizi yanayotekelezwa na wapiganaji wa Al-Shabab.

Hapo jana balozi maalumu wa Umoja wa Mataifa kwa nchi ya Somalia, Nicholas Kay alilazimika kukatisha safari yake kuelekea mjini Mogadishu kufuatia kuonywa kuhusu usalama kwenye nchi hiyo.

Akiwahutubia wajumbe wa baraza la usalama la Umoja wa mataifa kwa njia ya video akiwa mjini Nairobi, Kenya, balozi Kay amewaambia wajumbe kuwa hali ya usalama nchini Somalia si yakuridhisha tena licha ya sehemu kubwa ya wanamgambo wa Al-Shabab kudhibitiwa.

Balozi Kay anataka hatua zaidi kuchukuliwa na Umoja wa mataifa kudhibiti hali ya usalama nchini humo.