GASTON SINDIMWO AWATUHUMU WAPINZANI WAKE WA CHAMA UPRONA KUHUSIKA KATIKA JARIBIO LA KUMUUWA

Kiongozi mmoja wa chama cha upinzani cha Uprona nchini Burundi ameponea chupuchupu katika shambulio la guruneti lililotokea katika usiku wa jana kuamkia leo jumatatu, tukio ambalo linadaiwa kuwa ni ulipizaji kisase dhidi ya mzozo ulipo katika chama hicho. Chama Uprona kilijigawa makundi 2, Upande wenye wafuasi wengi kilijiondowa katika serikali kikipinga hatuwa ya serikali kuingilia kati katika taasisi zake za uongozi, huku upande mwingine ukionekana kuwa karibu zaidi na chama tawala cha CNDD-FDD.

Gaston Sindimwo mmoja kati ya viongozi wa chama Uprona kinachounga mkono serikali amesema alishambuliwa na guruneti wakati alipojaribu kutoka ndani mwake kwa lengo la kuchukuwa begi alilokuwa amecha ndani ya gari lake, ndipo vijana wawili ambao amesema walionekana kumlenga na kumrushia guruneti ya kwanza iliofuatiwa na nyingine ya pili.

Hata hivyo vigaye vya guruneti hizo ndivyo vilivyo mjeruhi mgomgoni na sasa anaendelea vizuri. Ameelekeza kidole cha lawama kwa upande mwigine wa chama hicho na kusema kwamba wao ndio wanaohusika na tukio hilo la kutaka kumuondowa duniani.

Upande huo wa chama Uprona uliojindowa serikalini umetupilia mbali tuhuma hizo. Kwa mujibu wa msemaji wa chama hicho Tatien Sibomana, kuuwa sio mingoni mwa sera za chama Uprona kwa kuwa hakuna faida yoyote kwani Chama cha CNDD-FDD kinaweza kumbadili mara moja. Tatien Sibomana ameitaka polisi nchini humo kutotumia fursa hii na kuanza kuwakamata watu kiholela kwa kuwashukia kuhusika na tukio hilo.

Mzozo ulioibuka katika chama Uprona moja kati ya vyama vyenye wafuasi wengi wa kitutsi na chama tawala cha CNDD-FDD chama cha uasi zamani chenye wafuasi wengi wa kabila la watutsi, unatishia shughuli za ugavi wa madaraka kati ya watutsi waliowachache na wahutu waliowengi ambapo mchakato wa maridhiano unasuasua tangu miongo kadhaa.

Wachambuzi wa maswala ya siasa wanaokuwa mzozo huu wa pande hizi mbili ni ishara tosha kwamba rais Nkurunziza yupo tayari kwa hali na mali kuwania muhula mwingine watatu katika uchaguzi wa mwaka 2015.