MAMLAKA NCHINI LIBYA ZAFAULU KUZUIA MELI YA KOREA KASKAZINI ILIOKUWA IKIJAZA MAFUTA KWENYE BANDARI ILIO CHINI YA MIKONO YA WAASI

Mamlaka nchini Libya zimesema kuwa wamefanikiwa kuizua meli ya mafuta ya Korea Kaskazini iliyokuwa ikijazwa mafuta kwenye bandari ya Al-Sidra, bandari ambayo inamilikiwa na kundi moja la waasi.

Hapo jana utawala wa Tripoli ulitangaza kuwa ungeingilia kati zoezi ambalo lilikuwa linatekelezwa na waasi hao kwa kile serikali inachodai kuwa waasi hao hawana haki ya kuuza mafuta na yeyote atakayefanya kinyume na hapo atakumbana na vikwazo.

Waziri mkuu wa Libya Ali Zeidan amethibitisha wanajeshi wa Serikali kuidhibiti Meli hiyo, na kwamba leo asubuhi wameanza kuisindikiza kuelekea bandari ya mashariki ambayo inamilikiwa na serikali na kwamba watu waote waliokuwemo kwenye meli hiyo watachukuliwa hatua za kisheria.

Hata hivyo waasi hao wamekanusha meli hiyo kuzuiwa na vikosi vya Serikali.