SERIKALI YA MSUMBUJI YAWATAKA WATU WANAOISHI MAENEO YA KUSINI KUHAMA MAKWAO KUHOFIA MAFURIKO ZAIDI

Mamlaka nchini Msumbiji imewataka wananchi wanaoishi kwenye maeneo ya kusini mwa nchi hiyo hasa maeneo yaliyokumbwa na mafuriko, kuhama nyumba zao kuhofia madhara zaidi yanayoweza kutokea.

Tangazo la Serikali linatolewa wakati huu ambapo wananchi wa miji ya Fevereiro ambao wanaishi jirani na mto, Icomati wakikabiliwa na hali mbaya ya kibinaadamu kutokana na maeneo mengi kukumbwa na mafuriko.

Kitengo cha maafa nchini Msumbiji kimesema kuwa zaidi ya watu elfu sita wanaoishi jirani na eneo la mto Icomati wanakabiliwa na hali mbaya na kwamba wasipohama hara kwenye maeneo yao huenda wakakumbwa na mafuriko zaidi na kupoteza maisha.

Mpaka sasa hakuna madhara ya watu kupoteza maisha yaliyoripotiwa na serikali kutokana na mvua zinazoendelea kunyesha nchini humo.