KIONGOZI WA KANISA KATOLIKI DUNIANI PAPA FRANCISCO ATIMIZA MWAKA MMOJA TANGU KUPEWA HATAMU YA UONGOZ

Kiongozi mpya wa kanisa Katoliki duniani Papa Francis hii leo anatimiza mwaka mmoja toka achaguliwa kushika nafasi hiyo, huku akijipatia umaarufu duniani kutokana na mabadiliko makubwa anayoyafanya ndani ya kanisa hilo.

Toka ameingia madarakani, Papa Francis amekuwa ni tofauti na viongozi wengine waliomtangulia, ambapo alikataa hata kuishi kwenye makazi yake ya kifahari ya mjini Vatican na badala yake anaishi kwenye nyumba moja ya kulala wageni jirani na makao makuu ya kanisa hilo.

Mbali na kuishi kwenye nyumba ya kawaida kiongozi huyu pia amekuwa ni mtu wa watu ambapo amekuwa akijichanganya na watu masikini, na wakati mmoja alitajwa kama moja kati ya watu maarufu duniani na gazeti la Forbes.

Wachambuzi wa masuala ya Theolojia wanasema kuwa kiongozi huyu ataendelea kuwa maarufu kutokana na kujaribu kufanya mabadiliko ya ndani ya kanisa ikiwa ni pamoja na kukabiliana na kshfa dhidi ya makasisi wake wanaotuhumiwa kuwafanyia vitendo vya udhalilishaji watoto.