VIONGOZI WA JUMUIYA YA AFRIKA MASHARIKI WAMEKUTANA JUMATANO HII JIJINI ARUSHA

Ma rais Jakaya Kikwete kushoto, Uhuru kenyatta kati, na Yoweri museveni kulia

Mwenyekiti wa Jumuiya ya Afrika Mashariki ambaye pia ni rais wa Kenya Uhuru Kenyatta ametoa wito kwa nchi wanachama kutekeleza maazimio yaliyokubaliwa katika miaka iliyopita ili kuimarisha Jumuiya hiyo.

Akizungumza katika Mkutano wa viongozi wa Jumuiya hiyo mjini Arusha Tanzania makao makuu ya Jumuiya hiyo, rais Kenyatta amesisitiza kuwa makubaliano yaliofikiwa ya matumzi ya sarafu moja mwaka uliopita ni mwanzo wa mafanikio ya Jumuiya hiyo na wananchi wa mataifa hayo kutengamana kwa urahisi

Kuhusu mzozo wa Sudan Kusini, rais Kenyatta amesema kuwa Jumuiya hiyo itafanya kila kilicho ndani ya uwezo wake kusaidia kurejesha amani lakini akatoa wito kwa pande mbili zinazozazana kuacha vita na kukubaliana.

Mazungumzo ya kujadili ombi la Sudan Kusini kujiunga kama Mwanachama wa Jumuiya hiyo yameahirishwa hadi mwezi Septemba mwaka huu. Mbali na rais Kenyatta viongozi wengine waliohudhuria mkutano huo ni pamoja na rais wa Tanzania Jakaya Kikwete, rais Uganda Yoweri Museveni, Makamu wa rais wa Burundi Prosper Bazombanza na Waziri Mkuu wa Rwanda Pierre Damien Habumuremyi.

UMOJA WA MATAIFA WAHOFIA KUTOKEA KWA MAUAJI YA KIMBARI NCHINI SUDANI KUSINI

Umoja wa Mataifa UN umesema unafanya kila jitihada kuzuia mauaji ya kimbari yalioshuhudiwa nchini Rwanda yasitokei nchini Sudani Kusini. Viongozi wa Umoja huo wametaarifu viongozi wa serikali ya Sudani Kusini na waasi wanaomtii Riek Machar makam wa rais zamani kuwa ndio wataoulizwa iwapo mauaji hayo yatatokea.

Mkuu wa tume ya haki za bindamau kwenye Umoja wa Mataifa Navy Pillay ambaye amezuru nchini Sudani Kusini wiki hii amesema hali iliopo nchini Sudani Kusini inatisha, na kuna kila dalili za kutokea kwa machafuko makubwa ambapo viongozi wa nchi hiyo na Jumuiya ya kimataifa hawaoni uzito wa hali iliopo.

mapigano kati ya majeshi ya serikali na waasi, wa Riek Machar yameanza kushuhudiwa tangu mwezi desemba mwaka jana na ambayo yamefuatiwa na mauaji yaneye misingi ya kikabila kati ya watu wa kabila la rais Salva Kiir la Dinka na lile na Nuer la Riek Machar

Navy Pillay ambaye amfanya ziara ya siku mbili nchini Sudani Kusini amesema machafuko ya hivi karibuni katika mji wa Bentui ambapo watu zaidi ya mia moja walipoteza maisha, ni kiashiria tosha cha hali mbaya ilipo nchini humo.

WANAHARAKATI NCHINI NIGERIA WAOMBA KUPEWA TAARIFA ZA WASICHANA WALIOTEKWA NA BOKO HARAM

Jeshi la Nchini Nigeria 

Wanaharakati nchini Nigeria wamepanga kuandamana kuelekea Bungeni kudai maelezo zaidi kuhusu wapi zimefikia hatuwa za kuwaokowa wasichana waliotekwa hivi karibuni na kundi la Boko Haram na kuwataka wanajeshi kuzidisha juhudi za kuwatafuta wasichana hao.

Mratubu wa maadamano hayo Hadiza Bala Usman ameliambia shirika la habari la AFP kwamba muhimu sio mpaka liwe kundi kubwa linaloa andamana, kubwa ni kufikisha ujumbe na kuhoji wapi walipo wasichana hao waliotekwa tangu April 14 na kundi hilo la Boko haram kaskazini mwa taifa hilo.

Lengo hasa la maandamano hayo kama ilivyoelezwa ni kuvunja ukimya wa seerikali kuhusu kutekwa kwa wasichana hao ambapo majuma mawili sasa hakuna anaye juwa wapi walipo wasichana wanakadiriwa kufikia 129 huku kukiwa na taarifa za kupelekwa nchini Cameroon na Tchad kuozwa kwa viongozi wapiganaji wa Boko Haram.

RAIS WA KENYA ASAINI SHERIATATA INAYORUHUSU NDOA ZAIDI YA MOJA

Rais wa Kenya Uhuru Kenyatta amesaini jumanne hii sheria tata inayoruhusu ndoa zaidi ya moja bila hata kupata idhini ya mke wa kwanza.

Kwa mujibu wa taarifa ya kutoka Ilkulu ya rais nchini Kenya, sheria hiyo ilipasishwa bungeni mwezi March iliopita ambapo wabunge waliodowa kizuizi au kipengamizi kwa mke wa kwanza kupinga mumewe kuwa na mke zaidi ya mmoja, kitendo ambacho kiliwafanya wabunge wanawake bungeni kupatwa na hasira na kuondoka bungeni wakati sheria hiyo ikipigiwa kura.

Kwa mujibu wa sheria hiyo ya Kenya, ndo ni muungano huru kati ya ya mwanaume na mwanamke na inwezakuwa ya mke mmoja au zaidi ya mmoja na inaweza kufanyika katika hatuwa tofauti za kijadi.

Hata hivyo sheria hiyo hairuhusu mwanamume kuwa na mume zaidi ya mmoja.

Muungano wa makanisa nchini Kenya NCCK unaozikutanisha kanisa zaidi ya 40, umepigan vikali sheria hiyo, huku shirikisho la mawakili wanawake likiahidi kuwasilisha kesi mahakamani.

Hata hivyo shirikisho la kimataifa la haki za binadamu pamoja na tume ya haki za binadamu nchini Kenya licha ya kukosoa sheria hiyo ambayo haikuweka kikomo kwa idadi ya ndoa, wamepongeza hatuwa hiyo iliofikwa kwakuwa inalazimisha ndoa zote kuorodheshwa na hivo kuwa kama kinga kwa wanawake

RAIS DOS SANTOS NDIYE RAIS ASIYEPENDA SAFARI NA SASA AZURU UFARANSA BAADA YA MIAKA 10 ILOPITA

Edouardo Dos Santos, eais wa Angola

Rais wa Angola Jose Eduardo Dos Santos anafanya ziara ya siku mbili hii leo nchini Ufaransa, ikiwa ni ziara ya kwanza kutekelezwa na kiongozi huyo kwa kipndi cha miaka kumi ikiwa na lengo la kuanzia ukurusa mpya na kati ya paris la Luanda baada ya kuripotiwa kashfa ya uuzaji wa Silaha kupitia kampuni ya angolaGate.

Dos Santos ambaye husafiri mara chache sana ugenini, ambapo ziara yake ya mwisho barani Ulaya ilikuwa nchini Ureno na Ujerumani mwaka 2009, amekutana na rais wa Ufaransa Francois Hollande na kujadili kile kilichotajwa na ofisi ya Ikulu ya rais jijini Luanda kufungua ukurasa mpya na Ufaransa.

Uhusiano kati ya Paris na luanda ulitiwa dowa mwaka 2000 baada ya kuwepo kwa taarifa za uuzaji wa silaha kutoka kampuni ya Angolage wakati wa vita vya wenyewe kwa wenyewe vilivyoanza mwaka 1975 hadi mwaka 2002.

Mahakama ya Ufaransa ilifikia kikomo cha kashfa hiyo mwaka 2011. Mbali na madhara hayo ya kidiplomasia, kashfa hiyo ilisababisha kukatishwa kwa mikataba ya ma kampuni kama vile shirika la ndege la Air France, kampuni ya mafuta ya Total.

Nchi hizo mbili zimeanza kurejesha tena uhusiano wake mwaka 2008 ambapo rais wa Ufaransa wa kipindi hicho Nicolas Sarkozy ambaye alionya kuwa muda umewadia wa kufungua ukurasa mpya na kusahau yaliopita.

Octoba iliopita waziri wa mambo ya nje wa Ufaransa Laurent Fabius akiongoza na ujumbe wa viongozi wa kampuni zaidi ya kumi na tano walizuru jijini Luanda na kusisitiza umuhimu wa Paris kufunguwa ukurasa mpya.

Waziri wa mambo ya nje wa Ufransa Laurent Fabius amemualika rais DAOS santos pamoja na viongozi wa ma kampuni ya Ufaransa katika jukwa la kibiashara ambalo limeandaliwa ikulu ya rais.

Ufaransa ni mfadhili nambari tatu nchini Angola na ubadilishanaji wa kibishara kati ya pande hizo mbili umefikia Euro milioni 680 katika mwaka 2012.

NAVI PILLAY JIJINI JUBA WAKATI HUU MAZUNGUMZO YAKIANZA NCHINI ETHIOPIA

Navy Pillay

Mazungumzo kati ya wajumbe wa serikali ya Sudani Kusini na waasi wanaomtii makam wa rais wa zamani Riek Machar yameripotiwa kuanza tena hapo jana jijini Addis Abeba nchini Ethiopia, yakiwa na lengo la kutafuta suluhu la kisiasa na maridhiano ya kitaifa.

Hatuwa hiyo ya pili ya mazungumzo ilianza tangu mwezi Februari, na kushindwa kufikia muafaka kutokana na madai ya waasi kutaka waachiwe huru wafungwa wanne walioshukiwa kutekeleza jaribio la mapinduzi ya serikali ya rais Salva Kiir.

Mazungumzo haya yanajiri wakati huu mjumbe wa Umoja Mataifa anaye husika na haki za Binadamu Navi pillay akiwa ziarani nchini Sudani Kusini kwa ajili ya kuomba uchunguzi wa mauaji dhidi ya watu zaidi ya mia moja walipoteza maisha na ambao serikali na waasi wamekuwa wakitupiana lawama kila mmoja akimtuhumu mwingine kuhusika.

WANAHABARI WA BURUNDI WAZUILIWA KUANDAMANA

Alexandre Niyungeko mkuu wa UBJ 

Polisi nchini Burundi, imewazuia waandishi wa habari waliokuwa wamepanga kufanya msafara wa amani wakati huu wakiandaa wiki mahususi kwa ajili ya sherehe za siku ya wanahabari ambayo huadhimishwa Mei 3 ya kila mwaka.

Lengo la maandamano hayo ilikuwa ni kukemea kwa kauli moja uvunjifu wa sheria za uandishi wa habari na uhuru wa wanahabari nchini humo

Kulingana na wanahabari nchini humo, msafara huo wa amani ulikuwa umepewa idhini na pande zote husika, hususan wizra ya mambo ya ndani ilikuwa imetowa taarifa kwa manispaa ya jiji lakini pia shirika la wanahabari pia UBJ lilimuandikia risala Mea wa jiji ambaye aliridhia msafara huo lakini wameseam hawaelewi kwanini msafara huo umesitishwa.

BALOZI WA SOMALIA NCHINI KENYA ATAKIWA KUTOWA UFAFANUZI KUHUSU OPERESHENI YA KUWAKATA WASOMALI JIJINI NAIROBI

Bunge la Somalia hii leo limepokea taarifa rasmi toka kwa balozi wake kwa nchi ya Kenya, kuhusu operesheni ya kiusalama inayoendelea kufanywa na vyombo vya Usalama nchini humo na kudaiwa kuwalenga raia wake.

Hapo jana utawala wa Mogadishu ulimwita nyumbani balozi wake, Mohamed Ali Nur kwa lengo la kutaka ufafanuzi kuhusu operesheni ya kiusalama inayoendelea kufanywa na vikosi vya Kenya na kudaiwa kuwanyanyasa rais wenye asili ya Somalia.

Waziri wa mambo ya kigeni wa Somalia, Mahad Mohamed Salad amesema hatua hii ni ya dharura kufuatia taarifa za kukinzana kuhusu operesheni hiyo ya kenya inayodaiwa kuwalenga raia wa Somalia pekee wanaotuhumiwa kuhusika na kutekeleza vitendo vya ugaidi nchini humo.

Operesheni ya vikosi vya usalama vya Kenya imekosolew akwa sehemu kubwa si tu na wanaharakati wa haki za binadamu bali hata wabunge wa upinzani na hasa wale wenye asili ya kisomali wanaodai operesheni hiyo inawalenga raia wa Somalia pekee na wamekuwa wakifanyiwa vitendo vya udhalilishaji.

KESI YA WATUHUMIWA WA MAPINDUZI KUFUTWA NCHINI SUDANI KUSINI

Waziri wa sheria nchini Sudani Kusini, amefahamisha kuwa ameomba vyombo vya sheria nchini humo kufuta kesi dhidi ya washukiwa wanne wa jaribio la mapinduzi na ambao wanachukuliwa kuwa watu wa karibu na Riek Machar aliyechukuwa uongozi wa uasi tangu mwezi Desemba mwaka jana.

Waziri Paulion Wanawilla amesema ili kutia kipao mbele swala la mazungumzo, maridhiano na uwiano baina ya wananchi wa Sudani Kusini, ameamuru kufuta kesi dhidi ya watuhumiwa hao wanne na ambao wataachiwa huru hii leo.

Kesi dhidi ya watuhumiwa wengine saba walioacha huru na kukabidhiwa serikali ya kenya mwishoni mwa mwezi Januari iliopita nayo pia inatakiwa kufutwa.

Hata hivo, waziri huyo amesema kesi dhidi ya Riek Mashar na watu wake wengine wawili ambo ni Taban Deng Gai gavana wa zamani wa jimbo lenye utajiri wa mafuta la Unity na Alfred Lado Gore waziri wa zamani wa mazingira na alikuwa mshauri wa rais Salva Kiir ambao ni viongozi waliopambana katika harakati za ukombozi wa taifa hilo na ambo wote wapo mafichoni.

Kesi dhidi ya wajumbe hao wanne ambao ni Pagan Amum katibu mkuu wa chama madarakani cha SPLM, Oyai Deng Ajak waziri wa zamani wa usalama, Ezekiel Lol Gatkuoh balozi wa zamani wa Sudani Kusini jijini Washington, pamoja na Majak D'Agoot naibu waziri wa ulinzi, ilizinduliwa tangu mwezi March iliopita.

MA RAIS WA TANZANIA, UGANDA NA AFRIKA KUSINI WAOMBWA KUINGILIA KATI MZOZO WA KISIASA NCHINI BURUNDI

Umoja wa vyama vya upinzani nchini Burundi usiokuwa na wawakilishi Bungeni, umewatumia ujumbe marais wa Tanzania, Uganda na Afrika Kusini kuwataka waingilia kati kuhusu hali ya kisiasa na Usalama nchini Burundi.

Mwenyekiti wa umoja wa vyama hivyo, Jacques Bigirimana amewaomba ma rais Jakaya mrisho Kikwete wa Tanzania, Yoweri Kaguta Museveni wa Uganda na Jacob Zuma wa Afrika Kusini kuwatuma wajumbe wao nchini humo kukutana na pande mbalimbali ili kujuwa hali halisi inayojiri kwa sasa nchini humo na kutowa ukweli kuhusu hali hiyo.

OBAMA AITUHUMU URUSI KUVUNJA MAKUBALIANO YA GENEVA KUHUSU UKRAINE

Rais wa Marekani Barack Obama ameituhumu Urusi kwa kutoheshimu makubaliano yaliofikiwa hivi karibuni jijini Geneva Uswisi kwa ajili ya kuutafutia suluhu mzozo wa Ukraine.

Tuhuma hizi za Obama zinakuja baada ya serikali ya Urusi kusema ipo tayari kuingilia kati mzozo wa Mshariki mwa Ukraine iwapo faida zake zitawekwa hatarini, hatuwa ambayo inakuja baada ya srikali ya Kiev kutangaza kuanzisha operesheni dhidi ya wanaharakati wanaodai mjitengo wa eneo hilo.

Kauli hii ya Urusi inakuja kuhatarisha zaidi hali iliopo wakati huu jumuiya ya kimataifa ikijaribu kulitafutia suluhu ya kudumu swala hilo.

Hali ya matumaini ilishuhudiwa baada ya kufikiwa makubaliano ya kimataifa jijini Geneva Uswisi, na sasa mvutano unaibuka upya kati ya Urusi na mataifa ya magharibi.

Waziri wa mambo ya nje wa Urusi Sergei Lavrov amesema iwapo faida zao zitashambuliwa kama ilivyokuwa katika eneo la Ossetie, haoni njia nyingine mbali na kujibu kwa kutumia sheria za kimataifa.

RAIS WA RWANDA PAUL KAGAME HUENDA AKABADILI KATIBA YA NCHI YAKE

Rais wa Rwanda Paul Kagame, amekuwa akiongoza mikutano katika vyuo mbalimbali nchini Marekani wakati huu wa maadhimisho ya kumbukumbu ya miaka 20 ya mauaji ya kimbari nchini Rwanda. akizungumza katika chuo kikuu cha Tuft cha Massachussetts ,rais Kagame ameulizwa kuhusu mustakabali wake wa kisiasa wakati huu muhula wake wa pili na wa mwisho ukielekea tamati kulingana na katiba ya Rwanda.

Serikali ya Washington inaomba uwepo wa uhuru wa kutowa maoni baada ya kutiwa nguvuni kwa watu kadhaa jijini Kigali hususan msanii Kizito Mihigo.

Akiulizwa iwapo Paul Kagame atawania uchaguzi au la mwaka 2017 na kubadili katiba? Rais Kagame amesema wananchi ndio wataoamuwa, kwa sasa inafaa kuiacha nchi na wananchi wake kujuwa nini wanataka, na hii ndio hatuwa kubwa muhimu. Kagame amesema tangu yupo madarakani amekuwa akiulizwa iwapo ataondoka madarakani, amesema yupo kwa ajili ya kusimamia maswala muhimu ya wananchi, wanyarwanda ndio waamuzi.

Upande wake mpinzani mkuu wa Rwanda Faustin Twagiramungu aishie uhamishoni nchini Ubelgiji amesema unapoulizwa swali unatakiwa kujibu ndio au hapana, lakini ukisema wananchi, unamaanisha kura ya maoni na kura ya maoni ni nini, hii inamaanisha katiba itabadilishwa. Amemalizia kuwa watu wanatakiw akujuwa kwamba hakuna upana wa kisiasa.

POLISI YA RWANDA YAPOKONYA KITUO CHA UTAMADUNI WA UFARANSA JIJINI KIGALI KWA KUTOHESHIMU MIPANGO MIJI

Polisi nchini Rwanda imepokonya ardhi ya kituo cha utamaduni wa Ufaransa kilichofungwa tangu April 16 mwaka huu. Manispa ya jiji la Kigali iliamuru kufungwa kwa kituo hicho kabla ya kutangazwa kupokonywa. Balozi wa Ufaransa jijini Kigali Michel Flesch amesema hatuwa hiyo imechukuliwa kwa tuhuma za kutoheshimu sheria ya mipango miji.

Mea wa jiji la Kigali Fidele Ndayisaba amefahamisha kuwa hatuwa hiyo imefuata sheria na ilianza miezi kadhaa iliopita na haina uhusiano wowote na msuguano wa kidiplomasia ulioshuhdiwa hivi karibuni wakati wa shewrehe za kumbukumbu ya miaka 20 ya mauaji ya kimbari nchini Rwanda baina ya mataifa haya mawili.

Balozi wa Ufaransa nchini Rwanda Michel Flesch amesema manispaa ya jiji imetaifisha majengo ya kituo cha utamaduni wa Ufaransa na tayari wamekabidhi kila kitu kwa serikali ya Rwanda. Flesch amesema Manispaa inasema hawakuheshimu sheria ya Mpango miji.

Balozi huyo wa Ufaransa jijini Kigali amesema kwa sasa wamesitisha kwa muda shughuli za kituo hicho wakati huu wakiendelea kulitafutia suluhusu swala hili.

Kituo hicho cha Ufaransa kilikuwa kimefungwa tangu mwaka 2006 na 2009 baada ya uhusinao wa Rwanda na Ufaransa kuwa mbaya, kabla ya kufunguliwa tena mwaka 2010 baada ya mataifa hayo mawili kutatu tofauti zao.

Mei wa jiji la Kigali amesema uwanja huo haukuheshimu sheria ya mpango miji, na kuongeza kuwa amri hii haikuikumba pekee jengo la umaduni wa Ufaransa, lakini pia majengo mengine.

INTAMBA MU RUGAMBA KUWASILI JIONI HII JIJINI DAR ES SALAAM KUMENYANA NA TAIFA STARS

Vijana wa timu ya taifa ya Burundi Intamba Mu Rugamba, wanasubiriwa leo jijini Dar Es Salaam kwa ajili ya mechi ya kirafiki na Tifa Stars itayopigwa April 26 kwenye Uwanja wa taifa jijini Dar es Salaam.

Didier Kavumbagu mshambuliaji anaekipiga katika Klabu ya Yanga pamoja na mshindi wa mabao katika ligi kuu ya Vodacom msimu uliopita Amisi Tambwe anaepiga soka ya kulipwa katika klabu ya Wekundu wa Msimbazi Simba, watajiunga na wenzao kwa ajili ya mechi hiyo.

Vijana wa Intamba Mu Rugamba watasimamiwa na makocha wasaidizi Niyungeko Olivier Mutombola pamoja na Ndayizeye Jimmy baada ya kocha mkuu Muholanzi Rainer Wilfried kuwa safarini.

Vijana wa Taifa Stars upande wao wamejiandaa vizuri kuwakabili ndugu zao Warudi.

Na hii ndio orodha ya wachezaji wa Intamba Mu Rugamba wataosuguana na Taifa Stars ya Tanzania:

1. ARAKAZA Mc ARTHUR / Flambeau de l'Est

2. BIHA Omar / Vital'o Fc

3. KIZA Fataki / LLB

4. RUGONUMUGABO Stéphane/LLB

5. HAKIZIMANA Issa / LLB

6. HARERIMANA Rashid /LLB

7. NDIKUMANA Yussuf Lule / LLB

8. MOUSSA Mossi / Vital'o Fc

9. NAHIMANA Shassir / Inter star

10. NDARUSANZE Claude / LLB

11. NZIGAMASABO Steve /Vital'o fc

12. SHABANI Hussein Tsabalala / Flambeau de l'Est

13. NKURIKIYE Léopold / Inter star

14. HAKIZIMANA Pascal / Flambeau de l'Est

15. Amissi Cédric / Rayon sport

16. Jumapili Idon / Vital'o Fc

17. Amissi Tambwe / Simba Sc

18. KAVUMBAGU Didier / Yanga Africans.

RAIS WA BURUNDI PIERRE NKURUNZIZA ZIARANI NCHINI SOMALIA NA JAMHURI YA AFRIKA YA KATI

Rais wa Burundi Pierre Nkurunziza amefanya ziara ya kikazi nchini Somalia hapo jana Jumanne April 22. Duru za Ikulu ya rais nchini Burundi zimearufu kuwa ziara hiyo inalenga kudumisha uhusiano baina ya mataifa haya mawili.

Baada ya kukutana kwa mazungumzo na mwenyeji wake wa Somalia Hassan Cheukh Mahmoud, Rais Nkurunziza amekutana na wanajeshi wa Burundi walioko nchini Somalia na kuwapongexa kwa kazi yao nzuri wanaoifanya nchini humo ya kurejesha amani na utulivu.

Nkurunziza amesema vikosi vya Burundi vinaipatia sifa nzuri nchi hiyo baada ya kuonyesha ukomavu katika shughuli za kurejesha amani na utulivu.

Baada ya ziara hiyo, rais Nkurunziza anaelekea nchini jamhuri ya Afrika ya Kati ambako atakutana na viongozi wakuu wa nchi hiyo.

Burundi ni miongoni mwa nchi zilizotuma vikosi vya kurejesha amani nchini jamhuri ya Afrika ya Kati.

KUNDI LA AL SHABAB LATEKELEZA MAUAJI YA WABUNGE WAWILI KWA MUDA WA SIKU MBILI

Mbunge mmoja nchini Somalia amepigwa risase na kupoteza maisha papo hapo jijini Mogadishu, ikiwa ni siku moja baada ya kuripotiwa mauaji ya mbunge mwingine wa serikali katika mlipuko wa bomu iliotegwa katika gari lake, mauaji ambayo yametekelezwa na wanamgambo wa Al Shabab.

Abdiaziz Isak Mursal ameuawa jumanne karibu na nyumbani kwake katika kata ya Madina kusini mwa mji mkuu na watu wawili waliokuwa na silaha waliotimka baada ya kutekeleza mauaji hayo.

Duru za polisi zimethibitisha kuuawa kwa mbunge huyo aliepigwa risase na kupoteza maisha papo hapo.

Kundi la Al Shabab limejigamba kutekeleza shambulio hilo, na lile lilitokea jana siku ya Jumatatu dhidi ya mbunge Isak Mohamed Ali aliepoteza maisha huku mwingine Mohamed Abdi akujeruhiwa.

Msemaji wa kundi la Al Shabab Abdulaziz Abu Musab amesema wao ndio wanaohusika na matukio hayo dhidi ya wabunge wanaoendesha kazi kwa faida za wageni na kuwatumia ujumbe mzito wabunge wengine wa serikali ya Somalia.

Al Shabab wameahidi kumuawa mbunge mmoja baada ya mwingine.

RAIS WA ZAMANI WA SENEGAL ABDOULAYE WADE KUREJEA NCHINI APRIL 23 MWAKA 2014

Rais wa zamani wa Senegal Abdoulaye Wade anasubiriwa jijini Dakar hapo kesho April 23. Wade aliondoka nchini Senegal baada ya kuanguka kqwenye uchaguzi mkuu wa rais wa mwaka 2012. kurejea kwa Abdoulaye wade aliye tawala kuanzia mwaka 2000 hadi 2012, kumeahirishwa mara kadhaa lakini sasa imethibitishwa kuwa kesho anarejea nchini mwake, viongozi wa chama chake cha PDS wamethibitisha.

Abdoulaye Wade mwenye umri wa miaka 87 aliongoza Senegal kwa kipindi cha miaka kumi na miwili kabla ya kuanguka kwenye uchaguzi mkuu wa rais wa March 25 mwaka 2012 dhidi ya mpinzani wake Macky Sall ambaye alikuwa waziri wake mkuu kabla ya kuwa mpinzani.

Aliondoka jijini Dakar Julay mwaka 2012 na kuelekea kueshi jijini Versaille nchini Ufaransa pamoja na mkewe, na tangu hapo alikuwa bado hajarejea nchini mwake, lakini amekuwa akihudhuria katika vikao mbalimbali barani afrika na warabuni.

U.N YAOMBA UCHUNGUZI UFANYIKE KUHUSU MAUAJI YA RAIA WA SUDANI KUSINI

Umoja wa Mataifa umetoa wito wa kufanyika kwa uchunguzi kuhusu mauaji ya kikabila dhidi ya raia yaliyofanyika hivi karibuni na kusababisha mauaji ya mamia ya raia nchini humo.

Umoja huo wa Mataifa umesema kuwa tukio hilo ni baya kuwahi kutokea katika nchi hiyo inayokabiliwa na vita vya wenyewe kwa wenyewe katika mapambano baina ya majeshi ya Serikali na Waasi.

Waasi wanaoongozwa na Rieky Machar wanalaumiwa kwa mauaji hayo ingawaje kiongozi wa waasi hao amesema wapiganaji wake hawastahili kulaumiwa kutokana na mauaji hayo.

Watu zaidi ya mia moja walipoteza maisha katika jimbo lenye utajiri wa mafuta la Bentui lilioanguka mikononi mwa waasi mwishoni mwa juma lililopita baada ya mapigano na vikosi vya serikali.

MKURUGENZI WA BENKI KUU YA TAIFA NCHINI BURUNDI AKANUSHA TAARIFA ZA KUTEKETEA KWA BENKI HIYO

Majengo la benki kuu BRB, Picha kwa hisani ya Gazeti la Iwacu

Wananchi wa Bujumbura nchini Burundi wametiwa hofu na tukio la moto ulioshuhudiwa jana usiku katika maeneo ya benki kuu ya taifa BRB. Moto huo uliowaka na kuwashituwa wafanyakazi wa majengo jirani na benki hiyo na ndipo kuomba msaada wa kitengo cha polisi kinacho husika na kuzima moto ambacho kilifika kwa wakati.

Mkurugenzi mkuu wa Benki kuu ya taifa Ciza Jean ametuliza nyoyo na kusema moto huo ulisababishwa na wafanyakazi wenyewe wa benki hiyo ambao walikuwa wanatekekteza noti ambazo zimechakaa, jambo ambalo hufanyika mara nyingi.

Tukio hilo limewashtuwa wananchi wakaazi wa jiji la Bujumbura ambao walihofia na kukumbuka tukio la kuteketea kwa soko kuu la jiji la Bujumbura Januari 27 mwaka 2013

RAIS WA BURUNDI PIERRE NKURUNZIZA AKUTANA NA VIJANA WA KUNDI LA CHAMA TAWALA IMBONERAKURE

Rais wa Burundi Pierre Nkurunziza amekutana na wawakilishi wa kundi la vijana wa chama tawala CNDD-FDD Imbonerakure kutoka katika mikoa yote ya Burundi. Mkutano huo umefanyika siju ya Jumamosi ya juma lililopita katika Mkoa wa Ngozi.

Mkutano huu unakuja siku kadhaa baada ya kuwepo kwa taarifa za ugavi wa silaha kwa vijana hao wa chama tawala, taarifa iliozua msuguano baina ya Utawala wa Bujumbura na Umoja wa Mataifa

Kila Mkoa umewakilishwa na vijana 3 akiwepo pia mwenyekiti wa chama hicho Pascal Nyabenda. Watafiti wa mambo wanaonakuwa kikao hicho kitaza matunda kwani vijana kutoka chama hicho wanaweza kubadili mwenendo wao hasa katika kueshi na wengine kwa hali ya kawaida.

Baada ya kikao hicho mwenyekiti wa chama Cndd-Fdd, amewaambia waandishi wa habari kwamba kikao hicho kilikuwa katika ajenda ya program za chama hicho, lakini kwa vile kuna swala linazungumziwa kuhusu vijana, hivyo washiriki wamezungumzia kwa kina na kubadilishana kuhusu yanayojiri.

PAPA FRANCIS ATUMA UJUMBE MZITO DUNIANI

Kiongozi wa kanisa katoliki duniani Papa Francis katika ujumbe wake wa siku ya Pasaka, ameomba juhudi za kuwaunganisha watu waliohitilafiana zipewe kipao mbele hususan nchini Syria, jamhuri ya Afrika ya kati, Sudani Kusini na Venezuela na kusisitiza kuhusu unyonyaji, na kuwatupilia watu lakini pia kuhusu umasikini ambo umekithiri kwa kiasi kikubwa duniani.

Akihutubia mbele ya watu wanaokadiriwa kufikia laki moja na nusu mbali na wale waliokuwa wakifuatilia ibada hiyo ya misaa kupitia luninga mbalimbali , Papa Francis amefahisha kwamba siku kuu ya pasaka mwaka huu imesherehekewa tarehe moja na waumini wa kanisa la Arthodox.

Katika maombi yake Papa Francis amemuomba mwenyezi Mungu alainishe nyoyo za watu wanaohasiamiana katika mataifa ya Ukraine, Syria, Sudani Kusini, jamhuri ya Afrika ya kati na venezuela kukubaliana swala la ujenzi wa mataifa yao na kustaawisha amani. 

WAASI WA KIHUTU WA RWANDA WAILANI SERIKALI YA RWANDA KWA KUWAKAMATA WATU WANAOSHUKIWA KUPANGA NJAMA ZA KUYUMBISHA USALAMA

Rwandan musician Kizito Mihigo 

Kundi la waasi wa kihutu wa Rwanda waliopiga kambi nchini DRCongo FDLR wamelaani vikali hatuwa ya kukamatwa kwa watu wanaoshukiwa kupanga njama za kuyumbisha usalama wa Kigali ambao walikamatwa hivi karibuni.

Katika taarifa iliotolewa na kanali Willy Irategeka katibu mtendaji wa muda wa kundi la wapiganaji Abacunguzi, amesema serikali ya Rwanda imewatia nguvuni wale wote ambao hawataki kuungano na mpango wake uliokinyume kabisa na demokrasia na hivo kuwatia nguvuni msanii Kizito Mihigo na muandishi wa habari Cassien pamoja na askari aliye rejeshwa katika maisha ya kiraia Jean Paul Dukunzeumuremyi.

Serikali ya Rwanda inasema inaoushahidi kwamba watu hao watatu walikuwa wamepanga kutekeleza mashambulizi dhidi ya serikali wakishirikiana na kundi la RNC linalo husiana na Patrick Karegeya, kiongozi wa zamani wa idara ya ujasusi nchini Rwanda aliauwa mwanzoni mwa kwaka 2014 nchini Afrika Kusini.

Watu hao wanatuhumiwa pia kushirikiana na kundi la FDLR ambalo wafuasi wake wanatuhumiwa kushiriki katika mauaji ya kimbari yaliotekelezwa nchini Rwanda mwaka 1994.

SERIKALI YA BURUNDI YATOWA MUDA WA SAA 24 KWA AFISAA WA USALAMA KWENYE UMOJA WA MATAIFA KUONDOKA NCHINI HUMO

Paul Debbie, mshauri wa maswala ya Usalama kwenye Ofisi ya Umoja wa Mataifa nchini Burundi ametajwa kuwa mtu asiye hitajika nchini Burundi na kupewa muda wa saa 24 kuwa ameondoka nchini humo kuanzia April 17 2014. Taarifa hii imetolewa kupitia mtandao wa kijamii wa Twitter wa Ikulu ya Rais nchini Burundi.

Uamuzi huu unatolewa baada ya siku mbili zilizopita Serikali ya Burundi kuutaka Umoja wa mataifa nchini Burundi kuendesha uchunguzi wa kina na kutowa mwanga kuhusu tuhuma ziliztolewa na umoja huo zinazokituhumu chama tawala Tawala nchini humo kugawa silaha kwa vijana wakereketwa wa chama cha CNDD-FDD maharufu Imbonerakure.

Akikutana na mabalozi wenye makaazi yao nchini Burundi makam wa kwanza rais Prosper Bazombanza aliutaka Umoja wa Mataifa kutowa ushahidi kuhusu taarifa hiyo, la sivyo watachukuliwa hatuwa.

Wakati huo huo Fetus Ntanyungu mbunge kutoka chama tawala ch CNDD-FDD aliomba katika kikao cha Bunge kumtimuwa muakilishi wa katibu mkuu wa Umoja wa Mataifa nchini Burundi Parfait Onanga Anyanga wakati Bunge la taifa nchini humo lilipokuwa likijadili kuhusu Ofisi ya Umoja wa Mataifa nchini Burundi BNUB.

HATMA YA MTOTO WA RAIS WA ZAMANI WA SENEGAL ABDULAY WADE KARIM WADE KUJULIKANA KESHO ALHAMISI

Mahakama nchini Senegal itatowa uamuzi hapo kesho kuhusu hatma ya mtoto wa rais wa zamani wa nchi hiyo Karim Wade anaezuiliwa kwa muda sasa ni zaidi ya mwaka mmoja kwa tuhuma za kujitajirisha kwa njia zisizokuwa halali.

Waziri wa sheria nchini Senegal Sidiki kaba amewaambia wabunge kwamba Mahakama itatowa uamuzi wake juu ya hatma ya Karim wade na ndipo itajulikana iwapo kesi itakuwepo au la, kwakuw ajaji anaweza kuamuwa kuendelea kumzuia ili kuendeleza uchunguzi zaidi.

Karim Wade alitiwa nguvuni mwa kipindi cha miezi sita tangu April 17 mwaka 2013 jijini Dakar kwa kutuhumiwa kuwa na mali nyingi kinyume cha sheria, vikiwemo makampuni, ardhi, magari, ambavyo vinakadiriwa kuwa na thamani ya dola za Marekani Bilioni 1.6.

Karim Wade aliwahikuwa waziri wa utawala bora katika serikali ya baba yake ilioanguka katika uchaguzi mkuu uliomleta madarakani Macky Sall

JESHI LA SUDANI KUSINI LAKIRI KUUPOTEZA MJI MUHIMU WA MAFUTA WA BENTUI

Ajouter une légende

Jeshi la Sudani Kusini limekiri kupoteza mji wa muhimu wa mafuta wa Bentui uliorejea mikononi mwa waasi baada ya mapigano makali yalioshuhudiwa tangu kipindi kadhaa.

Bentiu mji mkuu wa jimbo la Unity, ni mji wa kwanza muhimu kutekwa na waasi wanaomtii aliekuwa makam wa rais wa zamani nchini humo Riek Machar baada ya mapigano makali yaliojiri mwishoni mwa mwaka uliopita ambapo vikosi vya serikali vilifaanikiwa kuwafurusha waasi katika miji muhimu.

Msemaji wa jeshi la serikali ya Sudani Kusini Philip Agueir amesema waasi wanaomtii Riek Mashar waliingia katika mji huo wa Bentiu tangu jana jioni baada ya majeshi ya serikali kuondoka na kuwatuhumu waasi kutekeleza mauaji ya kikatili dhidi ya raia wa kawaida.

Riek Mashar makam wa rais wa zamani ambaye ndiye kiongozi wa waasi

Waasi hao walikuwa wameuteka mji huo mwezi Desemba mwaka jana kabla ya kuupoteza na kurejea tena mikononi mwa vikosi vya serikali.

Msemaji huyo wa serikali amewatuhumu waasi kutekeleza mauaji Hospitalini, sokoni ma miskitini, taarifa ambazo imekuwa vigumu kuthibitisha.

SHUGHULI ZA BUNGE LA KATIBA NCHINI TANZANIA ZAENDELEA LICHA YA WABUNGE WA UPINZANI KUONDOKA UKUMBINI

Nchini Tanzania wajumbe wa bunge la Katiba kutoka vyama vya upinzani wameondoka bungeni jioni hii, baada ya kudai kuwa chama tawala kinahujumu juhudi za upatikanaji wa Katiba mpya.

Kiongozi wa chama cha CUF Profesa Ibrahim Lipumba ameongoza wajumbe hao kuondoka nje na kuwaacha wajumbe wa CCM wakiendelea kujadili rasimu hiyo kuhusu muundo wa serikali.

Lipumba amedai kuwa wapinzani wanabaguliwa katika mjadala huo na maoni ya wananchi hayapewi kipaumbele.

Lipumba amesikika akiwaita wabunge wa chama tawala kuwa ni Interahamwe"Kundi la wapiganaji wa Kihutu wa Rwanda wanaotuhumiwa kutekeleza mauaji ya Kimbari nchini Rwanda"

Lakini licha ya wabunge hao wa upinzani kuondoka ukumbini, Mjadala umeendelea bungeni  kuhusu muundo wa serikali ambapo chama tawala kinataka serikali mbili na wapinzani wanataka serikali tatu.

MKURUGENZI WA MBUGA LA WANYAMA LA VIRUNGA EMMANUEL DE MERODE KUPELEKWA BRUSELS KWA AJILI YA MATIBABU ZAIDI

Mkurugenzi mkuu wa mbuga la wanyama ya Virunga mashariki mwa DRCongo Emmanuel de Mérode anaendelea kupatiwa matibabu baada ya kushambuliwa na watu wenye silaha hapo jana, shambulio ambalo limelaaniwa vikali na pande mbalimbali.

Ferdinand Mihigo msemaji wa Hospitali Heal Africa ya Goma amesema Mkurugenzi huyo alipigwa risase begani, na amefanyiwa upasuaji na bado anaendelea kupatiwa matibabu.

Mkurugenzi huyo raia wa Ubelgiji mwenye umri wa miaka 43 mtetezi wa mazingira aliteuliwa kwenye uadhifa huo mwaka 2008 na sasa Ubalozi wa Ubelgiji jijini Kishasa umesema utamsafirisha kuendelea kupata matibabu jijini Brusels.

Watu wenye silaha walimvamia kiongozi huyo mbugani kwenye umbali wa kilometa zaidi ya thalathini na jiji la Goma mji mkuu wa Mkoa wa Kivu ya kaskazini ambako makundi mengi ya uasi yamekuwa yakihusika katika kuyumbisha usalama.

Waziri wa mambo ya nje wa ubelgiji Didier Reinders, katika Ujumbe alio uandika kupitia mtandao wa twitter, ameahidi kuwa serikali ya Ubelgiji itafwatilia kwa karibu hadi kuhakikisha waliohusika na shambulio hilo wanapatikana.

KIZUNGUMKUTI CHAENDELEA KUMKUMBA NICOLAS ANELKA

Akiwa katika harakati za kutafuta Klabu mpya tangu kuonyesha ishara iliochukuliwa kuwa ya kibaguzi dhidi ya wayahudi, mshambuliaji wa Ufaransa Nicolas Anelka ambaye alitajwa hapo awali kuelekea katika klabu ya Atletico Mineira ya huko Brazil, hatimaye viongozi wa klabu hiyo wamesema hawataki kumsajili mchezaji huyo kutokana na tabia yake ambayo sio ya kitaaluma.

Kama ilivyokuwa ikitarajiwa, Mkurugenzi wa kiufundi wa Klabu ya Atletico Mineiro Eduardo Maluf amesema tabia ya nchezaji huyo sio ya kitaaluma ba hivo hawatokuwa naye tena katika klabu hiyo

Anelka kwa sasa yupo jijini Koweit katika shughuli za kidini aliachishwa kazi mwezi Desemba mwaka 2013 katika klabu ya West Bromwich nchini Uingereza kufuatia kuonyesha ishara ya ubaguzi dhifi ya wayahudi, ishara ilioanzishwa na mchekeshaji wa Ufaransa mwenye utata Diedonne na mbayo inayochukuliwa kuwa ni ya kibaguzi(Antisemite)

SERIKALI YA KENYA KUKABILIANA NA UGAIDI KWA KUWASAJILI UPYA RAIA WAKE KWA MFUMO WA KIELEKTRONIKI

Serikali ya Kenya imesema itawasajili upya raia wa nchi hiyo kwa mfumo wa Kieletroniki kama njiamojawapo ya kukabiliana na ukosefu wa usalama na kuwabaini wageni wanaoishi nchini humo kinyume na sheria .

Usajili huo utachukua muda wa miezi sita kuanzia mwezi wa sita na wakenya walio na vitambulisho watarudisha vitambulisho vyao vya zamani ili kupewa vipya vitakavyowatambulisha kikamilifu.

Polisi wameendelea kufanya msako jijini Nairobi na mjini Mombasa kuwasaka wahalifu na watu wanaoishi nchini humo bila vibali.

BUNGE NCHINI UGANDA LIMEANZISHA UCHUNGUZI KUHUSU TUHUMA ZA UZALILISHAJI KWA WANARIADHA WA KIKE

Bunge nchini Uganda limeanza kuchunguza tuhma za wanariadha wa kike nchini humo wanaodai walidhalalishwa kimapenzi na kocha wao.

Wabunge nchini humo wanasema kitendo hicho ni aibu ya kitaifa na wanataka ukweli kubainika ili hatua ichukuliwe.

Wanariadha hao wanadai kuwa walidhalalishwa na kulazimishwa kufanya mapenzi na kocha huyo wakati wa maandalizi ya mbo za nyika za bara Afrika zilizofanyika nchini humo mwezi uliopita.

Inadaiwa kuwa kocha huyo aliwaambia wanariadha hao kuwa ikiwa wanataka kukimbia haraka na kushinda mbio hizo ni lazima wafanye naye ngono.

WANAHARAKATI WAENDELEA KUSHIKILIA OFISI ZA JIMBO LA SLAVIANSK NCHINI UKRAINE

Kiongozi mmoja wa kundi la watu wenye kuunga mkono serikali ya Urusi katika jimbo la Slaviansk mashariki mwa Ukraine ametowa wito kwa serikali ya Urusi na rais Vladimir Poutine kuwapa msaada katika harakati zao wa kuipiga vita serikali yenye kuungwa mkono na Umoja wa Ulaya ya Kiev.

Viatcheslav Ponomarev amewatolea wito viongozi wa Urusi kuwalinda na harakati za Ukraine ambayo inampango wa kutekeleza mauaji ya kimbari dhidi ya wananchi ya Donbass mashariki mwa Ukraine.

Hayo yanajiri wakati vikosi vya serikali ya Kiev vikiwa havionekani katika eneo hilo, licha ya kutangazwa rasmi operesheni ya kupambana na magaidi ambao ni wanaharakati wanaounga mkono serikali ya urusi. Viatcheslav Ponomarev amethibitisha kuwa serikali ya Kiev imewatuma mamluki zaidi ya mia moja ili kulikomboa Jimbo la Slaviansk lililoanguka chini ya mikono ya wanaharakati hao tangu Jumamosi iliopita.

Tayari Urusi imelundika majeshi yake katika maeneo ya mpaka na eneo hilo, ambapo mfumo uliotumiwa kwa Crimea ndio unaohofiwa kutumiwa katika majimbo hayo ya Mashariki.

MUENDESHA MASHTAKA MKUU GARRIE NEL AIDHIHIRISHIA MAHAKAMA KWAMBA PISTORIUS ALISEMA UONGO

Bingwa wa mbio za Olympiki za Marathon upande wa walemavu Oscar Pistorius ameendelea kupata wakati mgumu mbele ya muendesha mashtaka mkuu ambaye anahakikisha kuwa utetezi wake kuwa maauaji ya mchumba wake mwaka uliopita 2013 yalifanyika kwa bahati mbaya, kwamba ni uongo.

Gerrie Nel ameimbia mahakama kwamba Pistorius alisema uongo kwamba alimuuawa mpenzi wake Revee Stenkamp kimakosa, na kwamba katika maelezo yake amekuwa akijikanganya katika muendelezo wa kesi hiyo iliosikilizwa leo kwa takriban saa moja na nusu kabla ya kuahirishwa wakati Pistorius alipo jitetea kuwa alihisi kuwa amevamiwa na jambazi kabla ya kufungua risase.

Bingwa huyo wa mbio za Paralympiki Oscar Pistorius ameendelea kujitetea kwamba hakujuwa kwamba ni mpenzi wake katika usiku huo wa siku ya wapendanao na hivo kufungua mtuto wa bunduki.

Mvutano huo wa Oscar Pistorisu mwenye umri wa miaka 27 na muendesha mashtaka ulianza tangu jumatano juma lililopita. Pistorisu ambaye anaendelea kujitetea kutokuwa na hatia hana haki ya kumuuliza wakili wake katika hatuwa hii.

Hakuna anaye tambuwa ni kwa mud gani Garrie Nel ataendelea kupambana na Oscar kizimbani huku akiendelea kumuhoji maswali yaleyale na kumtuhumu kuchaguwa maneno na kumtaka akumbue vizuri tukio lilivokuwa.

Nel alionekana kuwavutia wengi mahakamani Juma lililopita wakati alipoonyesha namna gani Pistorius alivyo muuawa mpenzi wake, na kuonyesha kuwa Pistorius alikusudia kumuuwa mpenzi wake, na kuonyesha viashiria vya damu zilizoonekana chumbani hapo kabla ya kutokea mauaji hayo.

Iwapo itathibitishwa, Pistorius anaweza kuhukumiwa kifungo cha maisha jela au miaka 25 Jela.

SIKILIZA ALICHOKISEMA SAMANTHA POWER BAADA YA KUKUTANA NA RAIS NKURUNZIZA