ICC YATHIBITISHA KUWA NTAGANDA ANAKESI YA KUJIBU DHIDI YA MAUAJI NA UBAKAJI

Mahakama ya Uhalifu wa kivita ya ICC ambayo ilikutana jana ili kutowa uamuzi iwapo kiongozi wa zamani wa kivita mashariki mwa DRCongo Bosco Ntaganda ana kesi ya kujibu, na kumkuta na hatia ya kuhusika katika mauji ya kikabila kati ya mwaka 2002-2003 pamoja pia na ubakaji wa watoto.

Akizungumza mbele ya mahakama, muendesha mashataka mkuu wa ICC Fatou Bensouda amethibitisha kuwa Ntaganda anahusika na mauji ya kivita kufuatia ushuhuda wa binti mmoja alieingizwa jeshini na ambaye alibakwa mara kadhaa na wanajeshi wa Ntaganda wakati akipewa mafunzo.

Ajouter une légende

Ntaganda ambaye alipewa jina la Terminator kufuatia ukatili wake na kutokuwa na huruma ana tuhumiwa pia kutekeleza ubakaji na kufanya watumwa wa ngono wasichana wenye umri wa chini ya miaka 15. Fatou Bensouda ni muendesha mashtaka mkuu wa ICC.

Hata hivyo, upande wa utetezi unaendelea kusisitiza kuwa kiongozi huyo wa zamani wa waasi wa UPC hakuwa na maslahi yoyote kutekeleza mauwaji hayo kwa vile yeye sio wa kabila la Walema au walendu.

Ntaganda alijisalimisha mwenyewe mbele ya mahakama ya ICC March mwaka 2013 baada ya mambo kuwa mabaya kwake ambapo alikimbilia kwenye ubalozi wa Marekani jijini Kigali nchini Rwanda kabla ya kupelekwa Hegue.

Ntganda ana kesi ya kujibu dhidi ya Makosa ya kivita yaliotekelezwa na vikosi vya kundi la FPLC ambavyo Ntaganda alikuwa kiongozi.