AL SHABAB WAFANYA MAUAJI JIJINI MOGADISHU WATU 7 WAPOTEZA MAISHA WENGINE WAJERUHIWA

Takriban watu saba wamepoteza maisha katika shambulio la kuvizia lililotokea mjini Mogadishu nchini Somalia ambalo Kundi la Al Shabab limejigamba kuhusika. Kiongozi wa Polisi Ahmed Mumin amesema idadi hiyo inaweza kuongezeka kwani kuna waliojeruhiwa na wapo katika haloi mahtuti.

Gari lililokuwemo vilipuzi lililipuka katika pwani ya Lido karibu na makaa makuu ya idara ya ujasusi.

Msemaji wa Al Shabab Abu Musab amesema alshabab ndio walioendesha shambulio hilo dhidiya maafisa wa usalama na wanaimani kuwa miongoni mwa maafisa hao wa usalama wamepoteza maisha katika shambulio hilo

Kundi la Al Shabab lenye mafungamano na kundi la kigaidi la Al Qaeda limezidisha hujuma dhidi ya vikosi vya usalama tangu kufurushwa katika jiji la Mogadishu na vikosi vya Umoja wa Afrika Amisom Agosti mwaka 2011

SERIKALI YA DRCONGO YASEMA HAIWEZI KUMKAMATA OMAR AL BASHIR ANAYE SHIRIKI MKUTANO WA COMESA JIJINI KINSHASA

Viongozi wa Jumjuiya ya Kiuchumi ya Soko la pamoja ya nchi za Kusini mwa Afrika COMESA, wanakutana jijini Kinshasa nchini DRCongo katika mkutano uliozinduliwa na rais wa nchi hiyo Joseph Kabila, wakiwempo marais kadhaa wa jumuiya hiyo akiwemo Omar hassan al Bashir.

Kushiriki kwa Omar Bashir katika mkutano huo jijini Kinshasa kumezua utata jijini humo baada ya mashirika yanayo kadiriwa kufikia 90 kuitaka serikali ya DRCongo kumtia nfuvuni Omar Al Bashir anaye tsfutwa na mahakama ya uhalifu wa kivita ya ICC kufuatia makosa ya kivita yliotekelzwa katika Jimbo la Darfour.

Mbali na mashirika hayo, mahakama ya uhalifu wa kivita ya ICC imeitaka serikali ya rais Joseph Kabila kumkamata rais Bashir ambaye yupo chini ya waranti ya kukamatwa kutoka mahakama hiyo.

Serikali ya DRCongo imesema haiwezi kamwe kutekeleza jambo hilo.

RAIS WA MPITO NCHINI JAMHURI YA AFRIKA YA KATI CATHERINE SAMBA PANZA AIPONGEZA HATUWA YA KUONGEZA MUDA KWA KIKOSI CHA UFARANSA

 Rais wa mpito nchini Jamhuri ya Afrika ya Kati, Catherine Samba-Panza, amesema kuridhishwa na hatuwa ya raia wa Ufaransa kupitia wawakilishi wao bungeni na kwenye baraza la seneti kupiga kura ya kuidhinisha kuendelea kuwepo kwa majeshi ya Ufaransa nchini mwaka. Reuben Lukumbuka na maelezo zaidi.

Rais Catherine Samba Panza amempongeza rais wa Ufransa Francois Hollande kwa juhusdi anazo zifanya kuhakikisha usalama na utulivu vinarejea jijini Bangui na vitongoji vyake.

Kufuatia hatuwa hiyo rais Panza amelihutubia taifa jumatano hii ambapo amewatolea wito makundi yote ambayo bado yanamiliki silaha kujisalimisha kabla ya kuchukuliw ahatuwa kali.

Hapo jana bunge la Ufaransa limeidhinisha kuongezwa muda wa kuwepo kwa vikosi vya Ufaransa vilivyopo katika operesheni Sangaris nchini Jamhuri ya Afrika ya kati.

Hivi karibuni Catherine Panza aliomba muda wa uwepo wa vikosi hivyo nchini humo uongezwe kufuatia kuendelea kuripotiwa kwa vitendo vya mauaji ya kidini dhidi ya raia waumini wa kiislam.

Mbali na kuongezwa muda kwa vikosi hivyo vya Ufaransa, Wito umeendelea kutolewa nchini humo wa kuongeza idadi ya majeshi hayo pamoja na yale ya Umoja wa Afrika kutokana na kuongezeka kwa vitendo vya mauaji ya kuvizia.

UGANDA KUKOSA DOLA ZA MAREKANI MILIONI 485 BAADA YA KUIDHINISHA SHERIA INAYO WABANA WANANDOA WA JINSIA MOJA

Serikali ya Marekani imesema inapitia upya mkataba wa ushirikiano wake na serikali ya Uganda baada ya juma hili rais wa taifa hilo kupasisha sheria inayo wabana wanandoa wa jinsi moja licha ya rais Obama kumshinikiza kutofanya hivo.

Msemaji wa Ikulu ya Marekani Jennifer Psaki amessma Marekani ni moja kati ya wafadhili wakubwa wa serikali ya Uganda ambapo mwaka huu wa 2014 Uganda ilipokea msaada wa kitita cha dola milioni 485 ambazo kwa silimia kubwa husaidia katika sekta ya Afya.

Waziri wa mambo ya nje wa Marekani John Kerry amesema wanachokifanya kwa sasa ni kupitia upya mahusiano yao na Uganda ambayo sasa inaonekana kuwa kinara wa kuwanyima haki watu wanajinsia moja.

Wachambuzi wa siasa wanaonakuwa serikali ya Uganda ilikuwa inatarajia kuwa hilo litaftokea bila shaka wamejipanga kuziba hilo pengo.

THABO MBEKI MSULUHISHI WA MGOGORO WA SUDAN AWASILI JIJINI KHARTOUM

Msuluhishi wa Umoja wa Afrika katika mgogoro wa Sudani rais wa zamani wa Afrika Kisini Thabo Mbeki amewasili jijini Khartoum kwa ajili ya kusaidi kushinikiza mazungumzo ya amani karti ya serikali na waasi wa jimbo la Kordofan kabla ya kuanza kwa mazungumzo jijini Addis Ababa nchini Ethiopia.

Mazungumzo kati ya wajumbe wa serikali ya rais Omar hassan al Bashir na waasi wa jimbo la Kordofan yanatarajiwa siku ya Ijumaa mjini Addis Abeba nchini Ethiopia.

Msuluhishi wa Umoja wa Afrika Thabo Mbeki ambaye ni rais wa zamani wa Afrika Kusini anafanya ziara jijini Karthoum itayofuatiwa na mkutano wa tume ya pande tatu ya kimataifa ilioundwa katika mazungumzo ya amani mwaka 2011 kati ya serikali ya Kharthoum na kundi hasimu la waasi wa Kordofan.

Hayo yanajiri wakati pande hizo mbili husika na mzozo nchini Sudani zinajadili kuhusu pendekezo lililotolewa na msuluhishi wa Umoja wa Afrika juu ya usitishwaji mapigano utaoruhusu mashirika ya misaada kuwafikia mamia ya watu waliokwama katika eneo la machafuko na ambao wanahitaji msaada wa kibinadamu.

Usuluhisi ulitowa pendekezo hilo kwa nyakati tofauti kwa serikali ya Khartoum na waasi wa kundi la SPLM-N baada ya kuahirisha mazungumzo jijini Addis Abeba. Pande hizo mbili zinatuhumiana kutokuwa na nia thabiti ya kumaliza machafuko.

Mazungumzo kati ys Karthoum na waasi yanalenga kusitisha mzozo wa miaka mitatu katika eneo la Kordofan Kusini na Nile Bleu, mzozo uliowagusa watu zaidi ya milioni moja.

Hadi sasa haijulikani takwimu za watu walipoteza maisha katika majimbo ya Kordofan Kusini na Bleu Nile, lakini Umoja wa Mataifa unasema takriban watu milioni moja na nusu wameguswa na mzozo huo.

RAIS WA UGANDA YOWERI MUSEVENI ASAINI SHERIA TATA INAYO WABANA WATU WANAOJIHUSISHA NA NDOA ZA JINSI MOJA

Rais wa Uganda Yoweri Kaguta Museveni amesaini muswada tata unaopinga ndoa za watu wa jinsi moja, licha ya vitisho kutoka kwa mataifa ya Magharibi na Marekani kusitisha msaada na nchi hiyo iwapo atafikia hatuwa hiyo ya kusaini muswada huwa na kuwa sheria.

Akizungumza na waandishi wa habari muda mfupi baada ya kusani Muswada huo, rais Museveni amesema wanaojihusisha na vitendo hivyo ni wagonjwa, kwanini wasivutiwe na wanawake warembo waliopo, au wanaume ma handsame?

Muswada huo wa sheria uliyoidhinishwa katikati mwa mwezi wa desemba, unapinga mapenzi ya watu wa jinsi moja, na kuwalazimu watu kunyooshea kidole yeyote anaejihusisha na kitendo hicho.

Muswada huo ambao sasa utakuwa sheria, unatoa adhabu ya kifungo cha miaka 14 jela kwa wale watakaopatikana na hatia kwa mara ya kwanza.

Vifungo vya sheria vilivyozua utata, ambavyo vinatoa adhabu ya kifo kwa watu watakaorudi kushiriki kitendo cha watu wa jinsia moja, au mtu yeyote ambaye atapatikana ameshiriki kitendo hicho na mtoto wa kiume alie na umri ulio chini ya miaka 18, au anajitambua kwamba ameathirika na ukimwi, vifungo hivyo vilifutwa, lakini sheria hio bado inaendelea kukosolewa na wanaharakati wa haki za binadamu na mataifa ya magharibi.

MAJESHI YA SERIKALI NA WAASI WALAUMIWA KUTEKELEZA MAUAJI YA KIVITA NCHINI SUDANI KUSINI

Riek Machar kushoto na Salva Kiir maswaiba wa zamani ambao leo ni mahasimu

Waasi wanamtii makama rais wa zamani wa Sudani Kusini pamoja na majeshi ya serikali ya rais Salva Kiir yanatuhumiwa kutekeleza mauaji ya kivita katika vita vya kuiteka miji kadhaa nchini humo tangu Desemba 15 mwaka jana.

Kwa mujibu wa Ripoti ya Umoja wa mataifa vitendo vya ukiukwaji wa haki za binadamu vimetekelezwa na pande zote mbili nchini Sudani Kusini ambapo hivio karibuni wanawake na watoto wamebakwa wakiwa Hospitalini na kuuawa, huku wakimbizi wakiuawa makanisani walikokimbilia.

duru sahihi ambazo hazikupenda kutajwe kutokana na sababu za usalama, zimearifu kuwa mjini Malakal kuna maiti nyingi ambazo ziliachwa barabarani na ambazo zimekuwa zikiliwa na mbwa pamoja na ndege.

Siku ya alhamisi juma lililopita siku mbili baada ya mji wa Malakal kuanguka mikononi mwa waasi wanaomtii makama wa zamani wa rais Riek Mashar, shirika la madaktari wasiokuw ana mipaka lilikuwa la kwanza kuripoti kuhusu yaliojiri katika Hospitali ya chuo mjini hapo.

Wananchi wengi walikimbilia katika vituo vya Umoja wa Mataifa ambavyo vimepokea idadi kubwa ya watu waliokimbia makwao kufuatia usalama mdogo.

Miongoni mwa wakimbizi hao wanadai kuwa kumefanyika mauaji ya kikatili na ubakaji wa wagonjwa katika Hospitali.

Duru nyingine zimearifu kuwa wanawake wengi waliokuwa wamekwama katika Hospital mjini Malakal wamebakwa na kuuawa. Waasi wanaomtii Riek Mashar wanatuhumiwa kuwalenga watu wa kabila la rais Salva Kiir la Dinka wakati majeshi ya serikali yakituhumiwa kuhusika katika mauaji ya watu wakabila la Nuer.

WANAJESHI WA UMOJA WA AFRIKA RAIA WA TCHAD WAPOTEZA MAISHA NCHINI JAMHURI YA AFRIKA YA KATI

Wanajeshi wawili wa Tchad waliomo katika kikosi cha umoja wa afrika nchini Jamhuri ya afrika ya kati Misca, wamepoteza maisha jana Jumapili jijini Bangui wengine wawili wamejeruhiwa wakati wa makabiliano baina yao na waasi wa kikristo wa kundi la Anti Balaka.

Duru za jeshi za Umoja wa Afrika zimearifu kuwa wamajeshi hao walirusihiwa guruneti na waasi hao wa anti balaka, jana jumapili huku mwanajeshi mwingine akijeruhiwa katika mapigano mapya ya leo jumatatu.

Kwa mujibu wa jenerali Martin Tumenta kamanda wa operesheni ya majeshi ya Misca, wanajeshi hao walikuwa wakitembea kwa mguu katika kata moja jijini Bangui kabla ya kurushiwa guruneti. Hata hivyo amesema kiongozi huyo kwamba wanajeshi hao walikuwa hawanaruhusa ya kutembea katika kata hiyo

Hayo yanajiri wakati hapo jana viongozi wa kundi la anti Balaka wanaozuiliwa katika jela kuu jiijini Bnagui walijaribu kutoroka bila mafaanikio baada ya kupata msaada kutoka kwa kiongozi wa jela hilo. Kulingana na taarifa iliotolewa na vikosi vya Misca jijini Bangui, wanajeshi wa Rwanda walikuwa makini na kuvumbua mpango huo.

WANANCHI WA UKRAINE WAGAWANYIKA JUU YA USHIRIKIANO NA UMLOJA WA ULAYA SIKU KADHAA BAADA YA KUONDOKA MADARAKANI KWA RAIS IANOUKOVICH

Wizara ya mambo ya ndani nchini Ukraine imetangaza hati ya kukamatwa kwa aliekua rais wa nchi hiyo Viktor Ianoukovitch, siku mili tu, baada ya bunge kupiga kura ya kumuondoa madarakani kutokana na maandamano yaliyosababisha mamia ya raia kupoteza maisha. 

Mgawanyiko umejitokeza nchini Ukraine baina ya wananchi baada ya rais Ianukovich kuondoka madarakani ambapo upande mmoja wanaunga mkono taiufa hilo kushirikiana na Umoja wa Ulaya na upande mwingine ukiounga mkono ushirikiano na urusi.

Hayo yanajiri wakati serikali ya Urusi ikikataa uhalali wa kiongozi wa sasa wa taifa hilo, wakati huu serikali ikitowa wito wa kukamatwa kwa aliyekuwa rais wa taifa hilo Victor Ianukovich na kuomba msada kwa mataifa ya fedha kwa mataifa ya magharibi.

Umoja wa Ulaya umeweka kando uwezekano wa kusaini mkataba na serikali mpya ambayo inaanda uchaguzi kabla ya wakati Mei 25, na kukumbusha kuwa msaada wowote wa kifedha utatolwa kwa masharti ya kufanyika mabadiliko ya kiuchumi.

Wakati huo huo mataifa jirani na Ukraine yametowa wito wa mazungumzo ya wananchi wa taifa hilo ili kumaliza tofauti zao, siku moja baada ya kuteiuliwa kwa uongozi mpya, huku mataifa hayo yakitowa wito wa kuitolea msaada wa kifedha Ukraine.

RAIS MOHAMED MORSI AWATOLEA WITO WAFUASI WAKE KUENDELEZA HARAKATI ZA MAPINDUZI

Rais aliyeondolewa madarakani na jeshi nchini Misri Mohamed Morsi, ametoa wito kwa wafuasi wake kuendeleza harakati zao za mapinduzi, wakati huu harakati za kudai kurejeshwa kwake madarakani zikipotelea katika sura ya ukandamizwaji mkubwa.

Rais Morsi ametoa wito huo wakati wa kesi yake kuhusu madai ya kuvunjwa kwa gereza na mashambulizi dhidi ya polisi, huku mahakama nyingine ikiwaachia huru maafisa sita wa polisi waliokuwa wakishutumiwa kwa kuwaua waandamanaji wakati wa mapinduzi uasi ya mwaka 2011 dhidi ya mtangulizi wake Hosni Mubarak.

Wakati huo huo, watu wenye silaha wameripotiwa kumwua afisa mwandamizi wa usalama ambaye alishiriki katika kuandaa ripoti dhidi ya viongozi wachama cha Muslim Brotherhood.

Kundi la Brotherhood bado linafanya maandamano ya kila wiki dhidi ya serikali licha ya ukandamizaji mkubwa ambao umesababisha vifo vya watu zaidi ya 1,400 tangu jeshi lilipompindua rais Morsi mwezi Julai, baada ya mwaka mmoja tu kukaa madarakani .

RAIS OBAMA KUKUTANA NA KIONGOZI WA TIBETI DALAI LAMA

Rais wa Marekani, Barack Obama, baadae hii leo anatarajiwa kuwa na mazungumzo na kiongozi wa kidini wa Tibeti, Dalai Lama anayeishi uhamishoni, mazungumzo ambayo yamepingwa vikali na utawala wa China.

Utawala wa Beijing uliiandikia barua ikulu ya Washington na kuitaka isitishe mpango wa rais Obama kuwa na mazungumzo na kiongozi huyo ambaye China inamtuhumu kama mhaini.

China inasema iwapo rais Obama atafanya mkutano na Dalai Lama hakika kutaathiri kwa sehemu kubwa uhusiano kati ya nchi hizo mbili.

Mara ya mwisho rais Obama alikutana na Dalai Lama mwaka 2011 hatua ambayo pia ilipingwa vikali na utawala wa Beijing.

DK PAUL SEMUGOMA MTETEZI WA NDOA ZA WATU WA JINSI MOJA NCHINI UGANDA APEWA HIFADHI NCHINI AFRIKA KUSINI

Kufuatia saa kadhaa za majadiliano kati ya mawakili na maofisa wa uhamiaji wa Afrika Kusini, hatimaye mahakama moja nchini Afrika Kusini, imemruhusu Dk Paul Semugoma raia wa Uganda kuishi na kufanya kazi nchini humo.

Juma hili mara baada ya kuwasili kwenye uwanja wa ndege wa Johannesburg, daktari huyo alizuiliwa kwa saa kadhaa na maofisa uhamiaji wa Afrika Kusini wakitaka kumpandisha ndege na kumrudisha nchini mwake kufuatia ombi la serikali ya Uganda.

Dk Pauli Semugoma aliondoka nchini Uganda kuhofia maisha yake kufuatia kuwa mstari wa mbele kuunga mkono ndoa za watu wa jinsia vitendo ambavyo wabunge wa Uganda wamepitisha sheria kali kuzuia watu kujihusisha na mapenzi ya aina hiyo.

Rais wa Uganda Yoweri Museverni wakati wowote kuanzia sasa tatia saini muswada huo na kuwa sheria ambapo mtu atakayepatikana na hatia atakumbana na kifungo cha maisha jela.

IKULU YA RAIS JIJINI MOGADISHU YAREJEA KWENYE UMILIKI WA VIKOSI VYA SERIKALI BAADA YA MAKOMANDO WA AL SHABAB KUSHAMBULIA

Hatimaye Ikulu ya Mogadishu nchini Somalia imerejea kwenye umiliki wa vikosi vya Serikali, kufuatia mashambulizi ya makomandoo wa Al-Shabab waliojaribu kuvamia ikulu ya rais.

Waziri wa ulinzi wa Somalia, Abdikarim Hussein Guled amewaambia wanahabari mjini Mogadishu kuwa baada ya saa kadhaa za makabiliano kati ya vikosi vya Serikali na wanamgambo hao wamefanikiwa kuwafurusha na kuilinda Ikulu ya rais Hassan Sheikh Mohamud.

Wanamgambo wa Al-Shabab walitumia magari kujitoa muhanga na kurusha maroketi kwenye Ikulu lakini hawakufanikiwa kuingia ndani, kufuatia ulinzi mkali uliopo kwenye Ikulu ua Mogadishu.

Umoja wa Mataifa UN umesema kuwa rais, Hassan Sheikh Mohamud hakujeruhiwa kwenye shambulio hilo, ambalo ni kubwa zaidi kuwahi kufanywa na wanamgambo hao kulenga Ikulu ya Mogadishu.

MKUU WA MAJESHI ZAMANI WA BURUNDI GODEFROID NIYOMBARE ATEULIWA KUWA BALOZI WA BURUNDI NCHINI KENYA

Kiongozi wa majeshi ya Burundi FDN zamani jeneral Godefroid Niyombare ambaye kwa sasa alikuwa anahusika na maswala ya safari kwenye ikulu ya rais wa Burundi ameteuliwa kuwa balozi wa Burundi nchini Kenya kuchukuwa nafasi ya Ezechiel Nibigira ambaye amererejea nchini Burundi kuhudumu kwenye idara ya uchukuzi wa majini na bandari.

MTOTO WA RAIS WA ZAMANI WA ZAMBIA ANDREW BANDA APINGA HUKUMU DHIDI YAKE NA ATAKATA RUFAA

Balozi na mtoto wa rais wa zamani wa Zambia, Rupia Banda, amesema atakata rufaa kwenye mahakama kuu nchini humo kupinga adhabu ya kifungo cha miaka mwili jela kwa makosa ya kupokea rushwa.

Andrew Banda ambaye mwishoni mwa juma lililopita mahakama mjini Lusaka ilimkuta na hatia ya matumizi mabaya ya ofisi wakati akiwa balozi na kumuhukumu kifungo cha miaka 2 baada ya kuabinika kuwa alipokea rushwa toka kwa kampuni moja ya Italia ili kushinda tenda ya ujenzi wa barabara.

Wakili wa Andrew, Milner Katolo amesema mteja wake hivi sasa ameachiwa kwa dhamana ya kwacha elfu 10 sawa na dola za marekani elfu 1 na 700 wakati huu akisubiri kusikilizwa kwa rufaa yake.

Andrew Banda ni miongoni mwa maofisa wa utawala uliopita ambao wamefunguliwa mashtaka ya rushwa kwenye kampeni iliyotangazwa na rais Michael Sata toka alipoingia madarakni mwaka 2011.

WANAHARAKATI NCHINI AFRIKA KUSINI WAWATEA RAIA WAWILI WA UGANDA WAIRUDISHWE NCHINI KWAO

Mashirika ya kutetea haki za binadamu nchini Afrika Kusini yameitaka serikali kutowarudisha nyumbani raia wawili wa Uganda, mmoja akiwa ni daktari na mwingine ni mwanaharakati wa kutetea ndoa za jinsia moja kuhofia usalama wao.

Daktari, Paul Nsubuga Semugoma hapo jana alijikuta akizuiliwa na maofisa wa uhamiaji wa Afrika Kusini baada ya kutolewa ombi na Serikali ya Uganda kutaka arejeshwe nyumbani yeye pamoja na mwanaharakati anayetetea ushiga nchini Uganda.

Semugoma amesema kuwa anahofia usalama wake iwapo atarajeshwa nyumbani kwakuwa amekuwa daktari wa kwanza kuwa mstari wa mbele kupinga sheria iliyopitishwa na bunge inayokataza ndoa za watu wa jinsia moja.

Wanaharakati wa Afrika Kusini wanadai kuwa kumekuwa na ongezeko kubwa la vitendo vya ukiukwaji wa haki za binadamu kunakofanywa na Serikali dhidi ya raia wanaotetea ushoga ama kukosoa Serikali.

MCHEZAJI WA KIMATAIFA RAIA WA UFARANSA OLIVIER GIROUD AKANA KWENDA NJE YA NDOA

 Mchezaji wa kimataifa raia wa Ufaransa Olivier Giroud amekanusha madai kwamba amejihusisha na mapenzi nje ya ndoa.

Baada ya kuomba radhi hadharani kufuatia gazeti moja nchini Uingereza kubaini kuwa mchezaji huyo ametoka kimapenzi na msichana mmoja.

Kupitia mtandao wa kijamii wa Twitter mshambuliaji huyo wa Arsenal amekiri kufanya kosa huku akisisitiza kwamba hajafanya mapenzi kinyume ya ndoa, Giroud amesema"Nikweli nimefanya kosa lakini sijafanya mapenzi nje ya ndoa yangu, inabidi mambo yawe wazi"

gazeti la The Sun liliandika kuwa Giroud mwenye umri wa miaka 27, ambaye ni baba wa familia alimuita mwanamitindo mmoja katika Hoteli ambako walikuwa wamepiga kambni wachezaji wa the Gunners siku moja kabla ya mechi yao na Cristal Palace ambapo walishinda mabao 2 kwa 0 Februari 2 mwaka huu wa 2014.

baada gazeti hilo lilichapisha picha ya mcehzaji huyo akiwa amevalia chupi, picha ambayo alipigwa na msichana huyo ambaye alikiri kuwa hajafanya mapenzi na mchdzaji huyo.

WAJUMBE WA BUNGE LA KATIBA NCHINI TANZANIA KUKUTANA LEO KWA MARA YA KWANZA JIJINI DODOMA

Kikao cha kwanza cha Bunge Maalumu la Katiba kinaanza leo mchana mjini Dodoma nchini Tanzania ambapo wajumbe zaidi ya Mia sita watakuwa na kazi ya kuandaa kanuni na taratibu ambazo zitatumika katika kumchagua mwenyekiti wa kudumu wa Bunge hilo.

Kikao hiki cha kwanzo kitaongozwa na Katibu wa Bunge la Jamhuri ya Muungano, Dk Thomas Kashililah na Katibu wa Baraza la Wawakilishi, Yahya Khamis Hamad, kazi kubwa itakayofanywa leo ni wajumbe wa Bunge hilo kupewa miongozo.

Kikao hicho kitaanza kwa kumchagua mwenyekiti wa muda miongoni mwa wajumbe 629 wa Bunge hilo na kazi yake kubwa itakuwa ni kuandaa kanuni na taratibu ambazo zitatumika katika kumchagua mwenyekiti wa kudumu wa Bunge hilo na kuanzisha mchakato wa vikao vyake.

Wito umekuwa ukitolewa kwa wajumbe hao kuweka maslahi ya wananchi na taifa mbele badala ya kuweka mbele msalahi yao binafsi na kuiboresha rasimu hiyo.

Hii ni hatua muhimu kwa wananchi wa Tanzania kuendelea kupata katiba mpya na hatma ya rasimu hiyo itabainika baada ya siku 70 ya wajumbe hao kuijadili na kuipitisha na baadaye raia wa Tanzania kuipigia kura ya maoni kuikubali au kuikataa.

WAKIMBIZI WA DRCONGO WALIOKUWA WAMEKWAMA HUKO BANGUI WAREJESHWA MAKWAO NA UNHCR

Shirika la Umoja wa Mataifa linalowahudumia wakimbizi duniani UNHCR limesema kuwa limefanikiwa kuanza zoezi la kuwahamisha wakimbizi kutoka nchini DRCongo waliokuwa wamekwama jijini Bangui Nchini Jamhuri ya Afrika ya Kati kuwapeleka hadi mji wa Zongo Upande wa DRC, karibu na Mpaka baina ya mataifa hayo mawili.

Mkuu wa Kitengo cha Habari cha Shirika hilo la UNCHR Jijini Kinshasa Céline Schmitt amesema wengi baadhi ya wakimbizi hao raia wa DRCongo walikimbia mapigano katika Mji wa Bangui, wakati kundi la wapiganaji wa Seleka walipofanya mapinduzi ya kijeshi, nao walisafirishwa kwa awamu mbili tofauti Kutoka Bangui hadi mjini Zongo, katika jimbo la Ikweta.

Msemaji huyo ameongeza kuwa awamu itakayofwata itakuwa ni kuwasafirisha wakimbizi hao hadi miji na vijiji vyao vya Libenge Huko DRC.

WATU WATATU WAFUASI WA CHAMA CHA UPINZANI CHA UPRONA NCHINI BURUNDI WATIWA NGUVUNI

Evariste Ngayimpenda na Charles Ntitije

Wafuasi watatu wa chama cha upinzani cha Uprona nchini Burundi wametiwa nguvuni jana jumapili wakati polisi nchini humo ikiendesha operesheni y kuwasambaratisha wafuasi wa chama hicho waliokuwa wamepnga kufanya mkutano wa chama.

Watu watatu wa chama hicho Uprona walioondoka serikalini pamoja na polisi wawili wamejeruhiwa katika purukushani hizo.

Mzozo kati ya chama cha rais wa nchi hiyo Pierre Nkurunziza CNDD-FDD na chama Uprona, unatishia hatuwa ya ugavi wa madaraka baina ya watu wa kabila la wahutu waliowengi na Watutsi waliowachache ambao kumekuwa na tabu kubwa ya maridhiano baina ya makabila hayo mawili baada ya kushudia mapigano ya wenyewe kwa wenyewe miaka kadhaa iliopita.

Wachambuzi wa siasa wanaokuwa mvutano huo wa chama tawala na chama Uprona unaweza kurudisha nyuma juhudi zilizopigwa hadi sasa katika kutafuta maridhiano kama anavyoeleza hapa Omar Khalfan mchambuzi wa siasa za kimataifa na muhadhiri katika chuo kikuu cha nchini Rwanda.

Polisi nchini humo iliwasambaratisha wafuasi wa chama Uprona waliokuwa wamekusanyika katika makao makuu ya chama Uprona ambako ulikuwa unafanyika mkutano wa kamati kuu.

Baada ya mvutano, polisi ililazimika kutumia nguvu kwa kuwanyuka viboko wafuasi hao na kutumia bomu za kutowa machozi ili kuwasambaratisha.

WANANCHI WA DRCONGO WATOFAUTIANA JUU YA HATUWA YA RAIS KABILA KUTOWA MSAMAHA KWA WAASI WA ZAMANI WA M23

Wananchi wa Jamhuri ya Kidemokrasia ya Kongo DRC wamegawanyika kuhusu uamuzi wa rais Josephu Kabila kutangaza msamaha kwa wapiganaji wa kundi la waasi wa M23 waliofurushwa mashariki mwa nchi hiyo mwezi December mwaka jana.

Kufuatia hatua hiyo wapo wananchi wanaounga mkono huku wengine wakionesha kuchukizwa na kitendo hicho kwa kile wanachodai waasi hao hawakupaswa kupewa msamaha kutokana na makosa waliyotekeleza.

Mary Robinson balozi maalumu wa katibu mkuu wa Umoja wa Mataifa UN kwa nchi za maziwa makuu, yeye anapongeza uamuzi wa Serikali ya Kinshasa kuwaachia huru waasi wa M23.

"Nimefurahishwa na Hili, nadhani ni kwa ajili ya kuhakikisha Amani ya kudumu inapatikana katika ukanda Huu Mzima. Pamoja na kundi la M23 tulipiga Hatua hadi kupata mafanikio makubwa ya Amani kuhusu masuala ya kijeshi na pia kwa kadiri tulivyokuwa wenye kuendelea na mazungumzo ya Kampala. Nimefurahi sana kuona Bunge la kitaifa limepasisha muswada wa Sheria ya msamaha, ninajua haikuwa rahisi Bali ni kwa Jina la Amani, ndio inatubidi kuendelea Mbele."

KUNDI LA AL SHABAB LAJIGAMBA KUTEKELEZA SHAMBULIO JIJINI MOGADISHU LILILO GHARIMU MAISHA YA WATU ZAIDI YA SITA

Kundi la wanamgambo wa Al Shabab, limejigamba kuhusika katika shambulio la bomu lililo gharimu maisha ya Watu sita na wengine kadhaa wamejeruhiwa katika shambulio hilo la bomu lililotegwa kwenye gari mjini Mogadishu nchini Somalia,.

Polisi mjini Mogadishu wamethibitisha kutokea kwa shambulio hilo na kuongeza kuwa lilitekelezwa kwenye lango kuu la kuingia kwenye uwanja wa ndege wa mjini Mogadishu ambako pia kuna ngome ya vikosi vya majeshi ya kulinda amani ya Umoja wa Afrika AMISOM.

Kwa mujibu wa taarifa za awali za polisi zinasema kuwa, mtu aliyetekeleza shambulio hilo alipaki gari jirani na kituo ukaguzi cha kuingia kwenye uwanja wa ndege wa Mogadishu na wakati akikaribiwa kukaguliwa alijilipua na kusababisha vifo vya watu 6.

Mbali na eneo hilo kuwa ngome ya vikosi vya AMISOM pia ni jirani kabisa na ofisi za ubalozi wa Uingereza nchini Somalia pamoja na ofisi kadhaa za mashirika ya kimataifa ambayo yako nchini humo kukabiliana na wapiganaji wa kundi la Al-Shabab.

Mpaka sasa hakuna kundi lolote lililotangaza kuhusika kwenye shambulio hilo, ingawa kuna kila dalili kuwa huenda wapiganaji wa Al-Shabab wenye uhusiano na mtandao wa Al-Qaeda wakawa wamehusika na shambulio hilo kufuatia mashambulio yao ya hivi karibuni mjini Mogadishu wakilenga vikosi vya kulinda amani na raia.

MKUU WA MAJESHI KWENYE IKULU YA RAIS NCHINI MALI JENERALI YAMOUSA CAMARA ATIWA NGUVUNI

Kiongozi wa majeshi ya katika Ikulu ya rais nchini Mali jenerali Yamousa Camara ametiwa nguvuni jana baada ya kuhusishwa katika mauaji ya wanajeshi wa kofia nyekundu wafuasi wa rais wa zamani wa nchi hiyo Amadou Tounai Toure ATT. Miili ya wanajeshi 21 iliokotwa desemba 4 mwaka jana katika shimo la pamoja karibu na jiji la bamako

Duru za kishiria nchini Mali zimearifu kuwa Jenerali Camara ambaye ni waziri wa zamani wa ulinzi ametiwa nguvuni baada ya kuhusishwa na mauaji ya wanajeshi hao wa serikali ya zamani waliokutwa katika shimo la pamoja miezi mitano iliopita.

Wanaharakati wa kutetea haki za wanajeshi hao wamesema hii ni hatuwa ya kwanza na ukweli lazima uwekwe wazi juu ya mauaji hayo.

UTEUZI WA PROSPER BAZOMBAZA WAKOSOLEWA NA WANASIASA WA UPINZANI NCHINI BURUNDI

Hatuwa ya kuchaguliwa kwa Prosper Bazombaza kuwa makam wa kwanza wa rais wa Jamhuri YA Burundi na bunge la nchi hiyo, huenda ikahatarisha zaidi mzozo wa kisiasa uliopo nchini humo baina ya utawala wa nchi hiyo na chama cha UPRONA.

Prosper Bazombaza ambaye ni mfuasi wa chama Uprona, amechaguliwa jana na wagunge waliowengi kutoka chama cha CNDD-FDD, jumla ya wabunge 84 waliokuwa bungeni, 82 wamemkubali, huku wabunge wa chama chake ambao hawakuwa bungeni wamepinga uteuzi wake wakisema kwamba ni hujuma za chama tawala dhidi ya chama hicho Uprona.

Mzozo huo wa kisiasa baina ya chama tawala na mshirika wake wa karibu uliibuka tangu mwishoni mwa mwezi Januari baada ya jaribio la chama cha CNDD-FDD kumuweka mtu wa karibu wa chama hicho kwenye uongozi wa chama Uprona, hatuwa iliopingwa na aliyekuwa makam wa rais Bernard Busokoza ambaye alitumuliwa kwenye uadhifa wake.

Msemaji wa chama Uprona Bonaventure Gasutwa amesema hizi ni hujuma za chama tawala dhidi ya chama Uprona, na hii ni hatari sana kwa amani ya Burundi kwakuwa ni uvunjifu dhahiri wa katiba ya Burundi

Upande wake msemaji wa rais wa burundi Willy Nyamitwe amesema kulikuwa umuhimu mkubwa wa kupatikana kwa makam wa rais, hivo chama Uprona kiliwasilisha wagombea na tayari makam wa rais amepatikana vinginevyo mkangayiko katika siasa ni jambo la kawaida.

MKUU WA MISAADA KWENYE UMOJA WA MATAIFA UN VALERIE AMOS AUTAKA UMOJA HUO KUHARAKISHA SHUGHULI ZA KUTOWA MISAADA NCHINI SYRIA

Mkuu wa shirika la misaada ya kibinadamu la Umoja wa Mataifa Valerie Amos amelitaka Baraza la Usalama la umoja huo kuchukua hatua za haraka kuhakikisha misaada ya kibinadamu inafika kwa wakati kwenye maeneo yaliyoathiriwa na mapigano.

Valeria Amos amesema haikubaliki kuona serikali ya Damascus na makundi ya waasi yanaendelea kukika sheria kwa kukwamisha ufikishwaji wa misaada ya kibinadamu, huku akikiri kuwa changamoto bado ni katika zoezi hilo.

Wakati huo huo majadiliani baina ya wajumbe wa serikali ya Damascus na wapinzani yameendelea mjini Ganeva Uswisi, pande zote zimeendelea kutofautiana juu ya ajenda za mazungumzo.

Mpatanishi wa mgogoro huo Lakhdar Brahimi amesema mazungumzo hayo bado yana changamoto kubwa na itakuwa vigumu kusonga mbele bila kuafikiana.

RAIS WA AFGHANISTAN KAMID KARZAI AITAKA MAREKANI KUTOINGILIA MAMBO YA NDANI YA NCHI HIYO

Rais wa Afghanistan Hamid Karzai ameinyoshea kidole marekani na kusema kuwa haipaswi kuingilia mambo ya ndani ya nchi yake kwa kuwa ina mamlaka kamili.

Haya yamekuja baada ya Marekani kueleza kuchukizwa kwake na hatua iliyochukuliwa na mahakama nchini Afganstan kuwaachia huru wafungwa 65 wa kundi la Taliban hatua ambayo inavuruga uhusiano baina ya nchi hizo mbili.

Marekani imesema kuwa wafungwa hao hawakupaswa kuachiwa kwa sababu wanahusika na mauaji ya wanajeshi wa umoja wa kujihami wa nchi za magharibi, NATO na wanajeshi wa Afghanstan.

WASANII WA DRCONGO WAPATA PIGO KUBWA KWA KUMPOTEZA MSANII KING KESTER EMENEYA

Msanii nguli wa Muziki wa Rumba nchini Jamhuri ya kidemokrasia ya Congo King Kester Emeneya amefariki mapema leo alhamisi asubihi katika Hospitali Marie Lannelongue jijini paris nchini Ufaransa.

Jean Emeneya Mubiala Kwamandu, Maharufu kama King kester Emeneya ambaye amezaliwa Novemba 23 mwaka 1956 mjini Kikwiti ambapo alisoma kwenye chuo kikuu cha Lubumbashi katika mwaka 1977 alijiunga na bendi ya Viva la Musica ambapo aliimba baadhi ya nyimbo zilizo msababishia kupata sifa tele na hivo kuwa msanii nyota katika mwaka 1980 na baadae akaunda bendi yake Victoria Eleyson Desemba 24 mwaka 1982.

Kwa mujibu wa duru za familia ya kiongozi huyo wa bendi ya Victoria Eleison alikuw amelazwa katika Hospitali moja huko Paris tangu mwezi Novemba kufuatia matatizo ya moyo . Kester Emeneya alikumbwa na mshtuko mkubwa wakati alipo pokea kifo cha Tabu ley Rochereau ambaye alikuwa swaiba wake.

Ma daktari wa Hospitali hiyo walimzuia kuondoka Hospitalini tangu kutoweka kwa Rochereau Novemba 30 mwaka jana na hivo kusalia Hospitanini hadi mapema jana alhamisi asubuhi Februari 13 ndipo amepoteza maisha 

SHIRIKA LA UNESCO LAPONGEZA JUHUDI ZA RADIO WAKATI DUNIA IKIADHIMISHA SIKU YA RADIO

Dunia hii leo inaadhimisha siku ya kimataifa ya Radio huku umoja wa mataifa ukisema kuwa bado kuna changamoto nyingi kuhusiana na usawa wa wanawake na wanaume katika vyombo vya utangazaji. Shirika la umoja wa mataifa la sayansi na utamaduni UNESCO limesema kuwa bado kuna kazi kubwa inayohitajika kufanywa ili kuhamasisha na kuleta usawa baina ya jinsia hizo mbili.

Hata hivyo UNESCO imenpongeza juhudi zinazofanywa na vyombo vya habari, hasa Radio kwa kuunganisha jamii, kuhamasiha raia kuzingatia amani, maendeleo, haki za binadamu na mengineyo.

“Radio ni sauti inayokwenda mbali”, amesema Irina Bokova, mkurugenzi mkuu wa shirika la Umoja wa Mataifa kwa ajili ya sayansi na utamaduni UNESCO.

Lakini mbali na hayo, amependekeza katika kuadhimisha siku hii ya kimataifa kuweko na jukumu la kumshirikisha mwananchi katika Radio, hasa akitoa mchango wake kwa manufaa ya kuendeleza jamii.

Irina Bokova, amepongeza mchango wa radio wakati nchi ya Haiti ilipokumbwa na majanga.

Kwa mujibu wa mkuu wa maendeleo ya vyombo vya habari na jamii wa UNESCO Mirta Lourenco, bado hakuna usawa katika vyombo hivyo vya utangazaji na mfumo dume unaendelea kutawala katika vyombo vingi.

UPINZANI WAANDAMANA NCHINI AFRIKA KUSINI WAKIPNGA UKOSEFU WA AJIRA

Wafanyakazi wa mgodi wa Marikana wakiwa mgomoni

Polisi nchini Afrika Kusini imeingilia kati makabiliano baina ya wafuasi wa chama tawala cha ANC na waandamanaji jijini Johannesburg walioandamana kupinga ukosefu wa ajira nchini humo.

Polisi ililazimika kutumia mabomu ya kutowa machozi kuwasambaratisha wafuasi wa muungano wa kidemkrasia ambao wanasema chama tawala nchini humo cha ANC kimeshindwa kutekeleza ahadi yake ya kuongeza ajira.

Waandamanaji hao walipanga kuandamana hadi kwenye makao maku ya chama hicho cha ANC jijini Johannesburg.

Hayo yanajiri wakati nchi hiyo ikiajiandaa kuelekea kwenye uchaguzi mkuu wa rais ujao April 

MA RAIS OBAMA WA MAREKANI NA HOLLANDE WA UFARANSA WAPONGEZANA KUHUSU USHIRIKIANO WAO

Rais wa Marekani Barack Obama amepongeza jitihada zinazofanywa na Serikali ya Ufaransa katika kusimamia upatikanaji wa amani na usalama wa dunia ikiwa ni pamoja na kupambana na vitendo vya kigaidi. Rais Obama amesema Ufaransa chini ya utawala wa Rais Francois Hollande imeonyesha ujasiri katika hatua za kushughulikia migogoro inayozikumba nchi mbalimbali duniani.

Katika mkutano wa pamoja wa na vyombo vya habari, ma rais hao wamepongezana kuhusu kudumisha mahusiano ya kihistoria wapofikia katika ushirikiano licha ya kuwepo kwa mambo kadhaa ambayo yamekuwa yakiwatofautisha.

Obama ameeleza kuwa ufaransa imejitoa kwa dhati kwenye migogoro ya nchi za Syria, Mali na Jamhuri ya Afrika ya Kati na changamoto inayotokana na mpango wa nyuklia wa nchi ya Iran amabayo imekuwa katika mvutano mkali na mataifa yenye nguvu duniani.

Katika hatua nyingine rais huyo wa marekani amesema kuwa Marekani itaendelea kuwa na ushirikiano mzuri na nchi za ulaya bila kubagua kwa kuwa nchi zote ni muhimu.

Kwa upande wake rais Francois Hollande amesema kuwa Ufaransa itaendelea kutoa ushirikiano kwa Marekani ili kushughulikia masuala yanayohusu amani, usalama na vita dhidi ya vitendo vya kigaidi.

JESHI LA UFARANSA JIJINI BANGUI LAWAONYA WAASI WA KIKRISTO WA ANTI BALAKA KWA KUENDELEA KUTEKELEZA MAUAJI DHIDI YA WAISLAM

Jenerali wa Majeshi ya Ufaransa katika Operseheni Sangaris nchini jamhuri ya Afrika ya Kati  Francisco Soriano amewatahadharisha waasi wa kikristo wa kundi la Anti Balaka jijini Bangui ambao wamekuwa kikwazo cha kupatikana kwa amani nchini humo kwa kuendeleza mauaji dhidi ya waislam.

Katika mazungumzo yake na viongozi mbalimbali wa kidini hapo jana jijini Bangui, jenerali  Francisco Soriano amesema anti Balaka wamekuwa maaduwi wa amani nchini Jamhuri ya Afrika ya Kati.

Waziri wa Ulinzi wa Ufaransa Jean Yves Le Drian ambaye anafanya ziara katika nchi kadhaa barani Afrika kuzungumzia juu ya mzozo wa jamhuri ya Afrika kati amesema majeshi ya Ufaransa yataendelea kufanya kila jitihada kuhakikisha Amani inarejea nchini humo.

Le Drian, anasubiriwa jijini Bangui hii leo ambapo itakuwa ni ziara ya nne kufanywa na kiongozi huyo katika nchi hiyo tangu kuanza kwa machafuko ya kidini yaliosababisha vifo vya maelfu ya watu huku wengine wakilazimika kuyatoroka makwao.

Waziri Le Drian amesema lengo la Operesheni Sangaris ni kuhakikisha usalama unarejea na shughuli za kuwapokonya silaha wale wote wanaozimiliki kinyume cha sheria zinafanyika bila kuegemea upande wowote, huku kipindi cha mpito kinaendelea ili jamhuri ya Afrika ya kati iweze kupata amani ya kudumu.

Tahadhari hii ya jenerali Soriano  inakuja siku moja baada ya kutokea mauaji ya mbunge Jean  Emmanuel Njaroua ambaye aliuawa na watu wasiojulikana, ila wabunge wenzake wanawatuhumu waasi wa kundi la Anti Balaka kuhusika na mauaji hayo.

Siku ya Jumamosi mbunge huyo alizungumza na ya wabunge na kuonyesha dukuduku lake kuhusu mauaji yanayoendelea dhidi ya waumini wa kiislam

UMOJA WA ULAYA EU WAITAKA SERIKALI YA DRCONGO KUHESHIMU HAKI YA UPINZANI

Ujumbe wa Umoja wa Ulaya nchini jamhuri ya Kidemokrasia ya Congo, umeitolea wito serikali ya nchi hiyo juu ya heshima ya haki za upinzani, wito ambao umekuja siku mbili baada ya kutokea matukio ya kumzuia kiongozi wa upinzani Vital Kamerhe kusafiri kutoka Kinshasa kuelekea mjini Goma.

Katika taarifa iliotolewa na Umoja huo imesema wakati taifa hilo likijiandaa kuelekea kwenye uchaguzi wa madiwani, Mikoa, Wabunge na ule wa rais mwaka 2016, ni muhimu kwa serikali ya rais Kabila kuheshimu haki ya kujitetea haki ya upinzani na kutowa uhuru kwa wapinzani kutembelea maoeneo yote watakayo

Ujumbe huo wa Umoja wa Ulaya umesema unatiwa wasiwasi na hatuwa ya serikali kuwazuia wapinzani kutembelea maeneo watakayo, na hivi karibuni ni kuzuiliwa kwa rais wa chama cha UNC Vital Kamerehe ambaye amezuiliwa kuzuru mji wa Goma.

Vital Kamerhe ambaye alichukuwa nafasi ya tatu katika uchaguzi mkuu uliopita, wa mwaka 2011 na ambao upinzani ulilalamika kugubikwa na udanganyifu, alijikuta akizuiliwa kusafiri kuelekea mjini Goma siku ya Ijumaa na Jumapili ambako alipanga kuanzisha mpango wa kuhamasisha amani katika eneo hilo lenye kukumbwa na machafuko.

UPINZANI NA SERIKALI YA SYRIA WAENDELEA KUVUTANA KATIKA MAZUNGUMZO YA GENEVA USWISI

Wajumbe wa upinzani nchini Syria wanaoshiriki katika mazungumzo ya Geneva wameonya kuwa hawatarejea tena katika mazungumzo kama hakutakuwa na hatua itakayopigwa katik mazungumzo yanayoendelea sasa.

Wajumbe hao wamesema kuwa kutokuwepo kwa maendeleo katika mazungumzo hayo ni sawa na kupoteza muda kauli ambayo wamaeitoa mbele ya mjumbe wa usuluhishi wa umoja wa mataifa na nchi za kiarabu Lahkdar Brahimi.

Hayo yanakuja huku pande hizo mbili zikiendea kuvutana na kutupiana lawama kuhusu hatua ya kushambuliwa kwa wafanyakazi wa misaada wa umoja wa mataifa hivi karibuni mjini Homs.

Upinzani kwa upande wake unatupa lawama kwa majeshi ya serikali ya Bashar Al Assad kuwa ndiyo yalifanya mashambulizi hayo.

Kwa upande wake Serikali ya Syria imesema kuwa iko tayari kwa majadiliano yoyote ambayo yatasaidia kumaliza mgogoro wa nchi hiyo. 

POLISI NCHINI BURUNDI YAHOFIA KUONGEZEKA KWA IDADI YA WATU WALIOPOTEZA MAISHA KUFUATIA MVUA KUBWA

Idadi ya watu waliopoteza maisha katika mafuriko yaliotokea nchini Burundi huenda ikaongezeka kufuatia baadhi ya watu hadi sasa hawajulikani walipo.

Duru za serikali zimearifu kwamba watu zaidi ya 60 wamepoteza maisha kufuatia mafuriko hayo yaliosababishwa na mvua kubwa zilizo nyesha katika usiku wa Jumapili kuamkia Jumatatu.

Hapo jana waziri wa Usalama wa raia Jenerali Gabriel Nizigama alitaja idadi ya watu 51 ndio walipoteza maisha baada ya kuangukiwa na kuta za nyumba zao na wengine kupelekwa na maji, eneo lililoa athirika zaidi ni kaskazini mwa jiji la Bujumbura.

Msemaji wa shirika la msalaba mwekundu nchini Burundi Alexis Manirakiza amesema wamehesabu miili ya watu 60 waliopoteza maisha wengi wakiwa ni watoto bila hata hivyo kutaja idadi ya watoto hao.

Polisi nchini Burundi imesema Hii ni mara ya kwanza kutokea kwa maafa ya aina hii kutokana na mafuriko na hofu imetanda huenda idadi ya watu waliopoteza maisha ikaongezeka, kutokana na taarifa za mafuriko katika Miko mingine ya taifa hilo. Burundi wakati huu ipo katika msimu wake wa mvua.