BOKO HARAM LASHUKIWA KUTEKELEZA MAUAJI NA KULENGA MAKANISA

Watu kadhaa waumini wa kikrisoto wamepoteza maisha wakiwa kanisani na wengine wakati wakijaribu kutoroka hapo jana Jumapili katika shambulio linalo shukiwa kuwa limeendeshwa na wapiganaji wa kundi la Boko Haram.

Makanisa kadhaa yalilengwa na mashambulizi hayo ya watu walioshambulia kwa risase na bomu za kurusha wakiwa kwenye pikipiki wakati waumini wa kikristo walipo kuwa makanisani.

Shambulio la kwanza lilitokea katika kijiji cha Kwadakau kabla ya kuripotiwa pia katika vijiji vya Kwada, Ngurojina, Karagau na Kautikari, ambapo kundi la wanakijiji waliojitolea kwa ajili ya kujilinda walishindwa kabisa kudhibiti shambulio hilo

JENGO LA POROMOKA NCHINI INDIA ZAIDI YA KUMI WAPOTEZA MAISHA

zaidi ya watu 100 wanaarifiwa kukwama katika vifusi vya ghorofa ilioporomoka siku ya Jumamosi katika mji wa Chennei kusini mwa India ambapo watu zaidi ya kumi wamepoteza maisha

Wengi wa waliopoteza maisha ni wafanyakazi walikokuwa wakishiriki katika shughuli za ujenzi. Kiongozi mmoja nchini India amesema takriban watu 132 bado wapo chini ya vifusi ambapo wengi wao ni kutoka katika jimbo la Andhra Pradesh

Watu 26 pekee ndio ambao wameokolewa hadi sasa. Chanzo cha jengo hilo kuporomoka chaelezwa kuwa ni kutokana na hali ya hewa. Polisi imewatia nguvuni viongozi wawili wanaohusika na ujenzi wa jengo hilo.

HUUSENE HABRE ATIMIZA MWAKA MMOJA JELA

Mwaka mmoja umetimia tangu kutiwa kuzuizini kwa rais wa zamani wa Tchad Hussene Habre aliyekuwa akieshi ukimbizini nchini Senegali kwa kipindi cha miaka 23. katika juma lililopita kumekuwa na mvutano kati ya mahakama isiokuwa ya kawaida ya Afrika pamoja na serikali ya Tchad.

Hussene Habre alikamatwa tangu Juni 30 mwaka 2013 na kufunguliwa mashataka Julay 2 mwaka huo kwa tuhuma za kuhusika katika makosa ya kivita

Serikali ya Tchad ambayo ilichangia takriban Faranga bilioni 2 katika badgeti inayortumiwa na makahama ya Afrika, inaituhumu mahakama hiyo kuchelewesha kesi hiyo.

MIAKA 54 YA UHURU WA DRCONGO

Wananchi wa Jamhuri ya Kidemokrasia ya Kongo DRC hii leo wanafanya sherehe za kumbukumbu ya miaka 54 tangunchi hiyo ilipojipatia uhuru wake kutoka kwa mkoloni mbelgiji, sherehe ambazo zinajiri wakati huu wananchi wa taifa hilo wakikabiliwa na changamoto kem kem.

Hapo jana rais Josephu Kabila alitoa hotuba kuelekea siku hii ya leo muhimu kwa wananchi wa taifa hilo ambao wameendelea kushuhudia hali ngumu ya maisha pamoja na kuzorota kwa usalama kwenye eneo la mashariki mwa nchi hiyo.

Kwenye hotuba yake rais Joseph Kabila amelipongeza jeshi la nchi hiyo licha ya changamoto linazokabiliana nazo lakini limekuwa imara kulinda mipaka ya nchi yake dhidi ya wavamizi.

WAFANYABIASHARA WA BURUNDI WANAOTUMIA BANDARI YA DAR ES SALAAM WAPATA AHUENI

Waziri wa Burundi anayehusika na maswala ya Jumuiya ya Afrika Mashariki Leontine Nzeyimana amefahamaisha kwamba kwa sasa wafanyabiashara wanatumia bandari ya Tanzania kwa kusafirisha bidhaa zao kuelekea nchini Burundi watalipia dola za Marekani 152 badala la dola 500.

waziri huyo amesema muafaka umefikiwa kati ya Serikali za mataifa y Burundi na Tanzania baada ya majadiliano ya muda mrefu.

Waziri Leontine amesema hatuwa hii itawanufaisha sana wafanyabiashara na wanunuzi, kwani watalazimika kupiunguza bei ya bidhaa hizo.

KIONGOZI WA UPINZANI NCHINI KENYA RAILA ODINGA AKANUSHA CORD KUHUSIKA NA MAUAJI YA HIVI KARIBUNI

Kiongozi wa upoinzani Kenya Raila Odinga amesema chama chake hakijahusika kwa njia yoyote ile katika mauaji ya watu zaidi ya sitini yaliotokea nchini humo.

Akizungumza na waandishi wa habari, Odinga amelaani vikali mashambulizi yaliotekelezwa usiku wa Jumapili na lile la usiku wa Jumatatu, na kufahamsisha kwamba muungano wa CORD unapinga katu katu mauaji kama njia ya kufikia kwenye malengo ya kisiasa.

Licha ya kundi la Al Shabab kukiri kuhusika na shambulio hilo, rais wa Kenya Uhuru Kenyatta alikanusha kuhusika kwa kundi hilo na kusisitia kuwa yalitekelezwa na mtandao wa ndani wa kisiasa.

RAIS WA KENYA ASEMA MAUAJI YA LAMU YALITEKELEZWA NA KUNDI LA MTANDAO WA NDANI NA SI AL SHABAB

 Rais wa kenya Uhuru Kenya amelaani mmatukio ya ulipuaji wa mabomu yaliyosababisha vifo vya wananchi wake huku kundi la Al Shabab likidai kuwa limehusika na mashambulizi hayo.

Rais Kenyatta kwa upande wake amekanusha kuwa mashambulizi hayo yalifanywa na kundi la kigaidi la Al shabab na kutuhumu mtandao wa kisiasa nchini kenya kuwa unahusika na mauaji hayo.

Kenyatta Ameeleza kuwa uchunguzi wa kiintelijinsia unaonyesha kuwa shambulizi la Lamu mjini Mombasa lilipangwa na kutekelezwa na mtandao huo wa kisiasa unaochochea machafuko ya kikabila kwa jamii ya watu wa kenya.

Rais Kenyatta amesema kuwa shambulizi si la al shabab bali ni mtandao wa ndani ambao pia ulitoa nafasi kwa wahalifu kutekeleza matukio hayo ya uhalifu dhidi ya binadamu ingawaje hakutaja moja kwa moja ni mtandao upi unaohusika.

Kwa upande wake mtandao wa wanaharakati wa Pwani ya Kenya umesema wataandaa maandamano makubwa kama serikali ya kenya haitachukua hatua kukabiliana na mashambulizi ya aina hiyo 

Kwa upande wa wachambuzi wa siasa na usalama wanaona kuwa hatua zaidi lazima zichukuliwe kwa kuhakikisha kuwa vikosi vya usalama vinapata vifaa vya kisasa ili kukabiliana na mashambulizi kama hayo 

Shambulizi la usiku jumapili lilisababisha vifo vya watu 50, na shambulizi la jumatatu usiku lilisababisha vifo vya watu 15 na yote kulndi la Al Shabab limejigamba kutekeleza huku kukiwa na taarifa za kutekwa kwa wanawake 12.

UMOJA WA MATAIFA WATIWA WASIWASI NA HALI YA NCHINI IRAQ

Umoja wa Mataifa umeonya juu yan hali inayoendelea nchini Iraq ya kusonga mbele kwa wanamgambo wa kijihadi kuelea katika mji wa Bagdad na kuongeza kuwa hali hiyo inatishia usalama na mustakabaliu wa nchi hiyo.

Katibu mkuu wa Umoja wa Mataifa Ban Ki Moon amesema kuwa hatua ya wapiganaji wa kijihadi kufika kwenye eneo lililoko kilometa 60 kutoka Bagdad linaashiria kuwa Iraq imeingia katika hatua mbaya na lazima hatua stahili zichukuliwe kudhibiti hali hiyo.

Hayo yanajiri wakati huu Marekani ikiwa imetuma wanajeshi wapatao 275 kulinda ubalozi wa marekani mjini Bagdad na hii ni mara ya kwanza kwa marekani kutuma wanajeshi tangu kuondoka kwa majeshi yake mwaka 2011 kufuatia uvamizi iliofanya mwaka 2003.

Marekani kupitia kwa amiri jeshi mkuu rais Barack Obama inafikiria uwezeka wa kufanya mashambuli ya anga kwa kutumia ndege zisizo na rubani ili kukabiliana na wapiganaji hao ambao wameteka baadhi ya maeneo nchini Iraq.

MAPIGANO MAPYA YAZUKA NCHINI SYRIA

Mapigano mapya yamezuka mashariki mwa syria kati ya waasi wanaotaka rais Bashar al-Assad aondoke madarakani na wapiganaji wa kundi la kijihadi lililoteka baadhi ya maeneo ya mpaka kwenye nchi jirani Iraq.

Hatua hiyo inakuja wakati umoja wa mataifa ukisema kuwa hali si shwari nchini Syria na kwamba mgogoro huo ni tishio kwa usalama wa kanda nzima ya mashariki ya kati.

Mwenyekiti wa tume ya uchunguzi wa ukiukwaji wa haki za binadamu wa umoja wa mataifa Paulo Pinheiro amelieleza baraza la haki za binadamu la umoja huo hii leo kuwa uchunguzi walioufanya nchini syria unaonyesha kuwa kuna makaosa mengi ya uhalifu dhidi ya binadamu.

Kwa upande wake mkuu wa tume ya misaada ya kibinadamu ya umoja wa mataifa VALERIE AMOS amesema kuwa wanakabiliwa na hali ngumu ya kufikia maeneo yanayohitaji misaada tangu rais Bashar al-Assad achaguliwe tena kushika wadhifa huo.

ANGALIA HAPA SAFARI YA TIMU YA TAIFA YA UFARANSA KUELEKEA BRAZIL

OFISI YA UMOJA WA MATAIFA NCHINI BURUNDI YAITAKA SERIKALI YA NCHI HIYO KUREJELEA UAMUZI WAKE

Muakilishi wa Umoja wa Mataifa nchini Burundi Onyang Anyongo

Ofisi ya Umoja wa Mataifa nchini Burundi imeitaka serikali ya nchi hiyo kurejelea upya uamuzi wake wa kumrejesha nyumbani mwanadiplomasia wa kitengo cha Umoja wa mataifa nchini humo aliyekuwa anahusika na maswala ya usalama kwenye ofisi hiyo baada ya kukamatwa na risase kwenye uwanja wa ndege wa kimataifa wa jijini Bujumbura.

Serikali ya Burundi ilimpa siku ya jumanne saa 48 mwanadiplomasia Abednego Mutua raia wa Kenya kuondoka nchini humo kutokana na kitendo hicho cha kumkuta na risase wakati akijiandaa kupanda ndege kuelekea nchini Kenya.

Mutua amekuwa mwanadiplomasia wa pili wa ofisi ya Umoja wa Mataifa nchini Burundi kufurushwa kwa kipindi cha miezi miwili. Msdemaji wa Ofisi ya umoja wa Mataifa nchini Burundi Vladimir Monteiro amesema tukio hilo la kwenye uwanja wa ndege ni la bahati mbaya kwani afisaa huyo alisahau kuondowa risase hizo za silaha yake kwenye begi lake kabla ya kuondoka, kwani mtaalamu huyo wa Usalama anaruhusiwa kubeba silaha kwa mujibu wa makubaliano ya serikali ya burundi na Umoja wa Mataifa

Ofisi ya Umoja wa Mataifa inaiomba serikali ya Burundi kurejelea upya hatuwa yake hiyo

RUSS FEINGOLD MJUMBE WA MAREKANI KATIKA UKANDA WA MAZIWA MAKUU ABAINI WASIWASI KUHUSU KESI YA PIERRE CLAVER MBONIMPA

Mjumbe maalum wa nchi ya Marekani katika ukanda wa maziwa makuu Russ Feingold anaelezea wasiwasi wake kufwatia kesi inayoendeshwa nchini Burundi dhidi ya mwanaharakati Pierre Claver Mbinimpa aliyeko kizuwizini.

Katika mkutano na waandishi wa habari mjini Kinshasa, mjumbe huyo ameiomba serikali ya Burundi kuzingatia taratibu za kisheria katika kuendesha kesi hiyo ya Mbonimpa ambaye anatuhumiwa kuhatarisha usalama kwa madai yake kuwa vijana Imbonerakure wanapewa mafunzo ya kijeshi mashariki mwa DRC, jambo ambalo serikali ya Bujumbura inapinga.

Kwa mara nyingine tena, Mbonimpa amefikishwa jana kizimbani kujibu mashtaka hayo, huku mamia ya wanaharakati, pamoja na mabalozi na waandishi wa habari wakishuhudia tukio hilo.

MONUSCO YASEMA YALIPA KIPAO MBELE SWALA LA KUJISALIMISHA KWA WAASI WA FDLR

Ujumbe wa Umoja wa Mataifa nchini DRCongo Munusco umesema unataka kuandaa mazingira mazuri kuhakikisha waasi wa kihutu waliopiga kambi nchini Congo wanajisalimisha na silaha zao kwa idadi kubwa zaidi ya ilionekana juma lililopita mashariki mwa DRCongo.

Jenerali Abdallah Wafi naibu kiongozi wa Monusco amesema watato mchango wa vifaa, usalama, wanajeshi, chakula na hata madawa kuhakikisha mchakato huo unafikia malengo yake.

Kwa mujibu wa kiongozi huyo, Monusco kwa sasa inatia kipao mbele kuhakikisha mpango huo unafana baada ya kushindikana mara kadhaa kufuatia mazingira mabaya ya kuwakusanya waasi hao.

MWANADIPLOMASIA MWINGINE WA UMOJA WA MATAIFA NCHINI BURUNDI ATIMULIWA BAADA YA KUKAMATWA NA RISASE

Muakilishi wa Umoja wa Mataifa nchini Burundi Balozi Onyang Nyong

Serikali ya burundi imemfukuza nchini humo mwanadiplomasia mwingine wa Umoja wa Mataifa Bnub ambaye imesema alikamatwa na silaha katika uwanja wa ndege wa kimataifa wa jijini Bujumbura, ikiwa ni mwanadimplomasia wa pili wa kitengo wa UN kufurushwa nchini Burundi kwa kipindi cha miezi miwili.

Waziri wa mambo ya nje wa Burundi Laurent Kavakure amesema uongozi wa uwanja wa ndege wa kimataifa wa jijini Bujumbura ulimkuta mwanadiplomasia Abednego Mutua raia wa Kenya na Magazine 2 zikiwa na risase 15 wakati akijiandaa na safari, taarifa iliotolewa kwa ofisi ya Umoja wa Mataifa kabla ya kuchukuliwa hatuwa ya kupewa muda wa saa 48 kuondoka nchini Burundi, na hili haligusi hata kidogo uhusiano bora uliopo kati ya serikali na Umoja wa Mataifa.

Mshauri wa rais anaye husika na mawasiliano Willy Nyamitwe amefahamisha kuwa mwanadiplomasia huyo alikmamatwa na silaha Mei 25 wakati akijiandaa kwa safari kuelekea nchini Kenya.

April 17 serikali ya Burundi ilichukuwa hatuwa kama hiyo ya kumfurusha mwanadiplomasia wa Ofisi ya Umoja wa Mataifa anaye husika na maswala ya Usalama Paul Debbie, baada ya kuvuja kwa taarifa kutoka Umoja huo kuhusu serikali ya burundi kuwapa silaha vijana wa chama tawala cha CNDD-FDD wa Imbonerakure.

Serikali ya Burundi ililaani vikali taarifa hiyo iliozagaa kwenye vyombo vya habari na kuiita kuwa ni uvumi usiokuwa na msingi na ambo unania pekee ya kuipakatope serikali.

Hata hivyo kiongozi mmoja wa Bnub ambaye hakutaka jina lake litajwe amesema serikali ya Burundi inataka tu kulipiza kisase baada ya kuvuja kwa taarifa hizo, kwa sababu Mutua ni kiongozi wa Usalama ambaye anaruhusiwa kumiliki silaha, na hakuwa tu muangalifu kwa kusafiri na silaha.

KONGAMANO KUHUSU SUDANI KUSINI KUANZA LEO NCHINI ETHIOPIA

Mazungumzo ambayo yalitarajiwa kuanza jana baina ya waasi wa Sudani Kusini na serikali ya rais Salva Kiir kwa lengo la kumaliza machafuko yalioanza tangu mwezi Desemba mwaka jana, yameahirishwa hadi tarehe ambayo hakufahamishwa na duru za upatanishi.

Hakuna sababu zozote zilizotolewa za kuahirishwa kwa mazungumzo hayo yaliositishwa kwa mara ya tatu tangu Mei 9, baada ya pande mbili katika mazungumzo hayo kushindwa kuafikiana, ambapo awamu ya kwanza ilimalizika kwa kufikia makubaliano ya kusitisha vita ambayo hayajawahi kushimiwa.

Hata hivyo kongamano linalo wajumuiya wajumbe wa serikali, wajumbe waasi na wale wa mashirika ya kiraia, pamoja na taasisi za kidini linatarajiwa kuanza hii leo alhamisi jijijni Addsi Ababa nchini Ethiopia, baada ya kongoamano hilo huenda tarehe ya kuanza kwa mazungumzo hayo ikatangazwa.

MAREKANI YAINYOOSHEA KIDOLE SERIKLI YA RWANDA KWA KUWANYANYASA WAPINZANI WAKE

Serikali ya Marekani inaituhumu serikali ya Rwanda kuwakamata watu pasipo sababu na kuiomba serikali ya Kigali kuheshimu uhuru wa kujieleza, jambo ambalo limeilazimu serikali ya Rais Paul Kagame kujibu bila ya subira.

Katika taarifa iliyosomwa na Marie Harf, msemaji wa wizara ya mambo ya nje wa Marekani, serikali ya rais Obama imeeleza wasiwasi wake kuhusu kutoweka kwa idadi kubwa ya watu katika mazingira tatanishi pamoja na vitisho vinavyoendelea dhidi ya waandishi wa habari.

Aidha, serikali ya Marekani inaiomba Rwanda kutoa maelezo kuhusu hatma ya raia wa rwanda waliokamatwa katika kipindi cha miezi miwili iliyopita na kuitaka iheshimu haki za binadamu kwa mujibu wa sheria za Rwanda na za kimataifa.

Onyo hilo limekuja saa chache baada ya kiongozi wa chama upinzani nchini Rwanda cha PS-Imberakuri Bernard Ntaganda kuachiwa huru ambapo ametumikia kifungo cha miaka minne jela kwa tuhuma za kujenga chuki, utengano na mifarakano nchini humo.

Akijibu tuhuma hizo za Marekani dhidi ya serikali, Louise Mukishiwabo Waziri wa Mambo ya Nje wa Rwanda amewataka watu kuacha kutumia kila neno au tendo litakalowatia nguvu waasi wa kihutu wa FDLR pamoja na washirika wao na hivyo kuhatarisha maisha ya Wanyarwanda, na kwamba nchi yake haitasita kuchukua hatuwa madhubuti za kushughulikia tishio lolote kwa usalama wa Rwanda. 

WALINDA AMANI NCHINI JAMHURI YA AFRIKA YA KATI WALAUMIWA KUTEKELEZA MAUAJI

Vikosi vya kulinda amani nchini jamhuri ya Afrika ya kati vimetuhumiwa kwa mara nyingine kutekeleza vitendo vya uhalifu na ukiukwaji wa haki za binadamu dhidi ya raia nchini humo.

Baada ya tuhuma zilizoelekezwa kwa askari wa Tchad waliolazimika kuondoka nchini humo, sasa ni askari wa Congo Brazzaville ndio wanaotuhumiwa kwa kukiuka haki za Binadamu kama ilivyoripotiwa na shirika la kimataifa la Human Rwight watch.

Ripoti hiyo inabaini kuwa watu wasiopungua 11 waliokamatwa na askari wa Congo-Brazaville tarehe 24 mwezi Mei mjini Boali kwenye umbali wa kilomita themanini na mji mkuu Bangui wametoweka na kupelekwa kusikojilikana.

MABALOZI WAANDAMIZI WA UN, AU, NA EU, WAISHUTUMU SERIKALI YA BURUNDI KUWANYIMA HAKI WAPINZANI

Russ Feingold

Ma balozi kadhaa waandamizi wanaohusika na ukanda wa maziwa makuu wametowa shutma katika taarifa yao ya pamoja iliotolewa jana kuhusu kuminywa kwa harakati za upinzani na uhuru wa kujitetea nchini Burundi wakati huu taifa hilo likielekea kwenye uchaguzi mkuu wa rais uliopangwa kufanyika mwakani.

Merry Robinson

Mjumbe maalum wa Umoja wa Mataifa Mary Robinson, muakilishi wa Umoja wa Afrika Boubakar Diarra, mratibu wa shughuli za Umoja wa Ulaya Koen Vervaeke pamoja na mjumbe maalum wa Marekani

Russ Feingold wamekutana mwishoni mwa juma lililopita na rais wa Burundi Pierre Nkurunziza.

Katika taarifa yao ya pamoja wajumbe hao wamesema kutiwa wasiwasi sana na hali iliopo nchini Burundi ambapo nafasi za kisiasa na uhuru wa raia na kuzuia kwa shughuli za upinzani, mashirika ya kiraia na vyombo vya habari, wakati huu nchi hiyo ikielekea kwenye uchaguzi mkuu 2015 ".

Martin Kobler

Ma balozi hao wameshtumu pia hatuwa zinazo vuruga mchakato wa uchaguzi hatuwa inayoweza kuzuia ushiriki wa wadau wote, hali ambayo inayoweza kurudisha nyuma hatuwa zilizofikiwa katika kuponya donda la maumivu yaliolikumba katika miaka ya hivi karibuni.

SERIKALI YA JAMHURI YA AFRIKA YA KATI YAZUIA MATUMIZI YA UJUMBE MFUPI KWENYE SIM

Waziri Mkuu wa Jmhauri ya Afrika ya Kati Andre Nzapayeke

Matumizi ya ujumbe mfupi wa simu yamepigwa marufuku nchini jamhuri ya Afrika ya kati kwa ajili ya usalama nchini humo, hatuwa hiyo imechukuliwa baada ya kuwepo kwa dalili kuwa unachangia kuhamasisha machafuko nchini humo.

Hatua hiyo ya kiusalama imetangazwa jana na Wizara ya Posta na Mawasiliano na kuanza kutekelezwa hadi itakapotangazwa tena upya ili kuchangia kurejesha usalama katika nchi ambayo imegubikwa na matukio ya vurugu na ukiukwaji wa haki za binadamu.

Uamuzi huo unakuja baada ya Waziri mkuu wa nchi hiyo André NZAPAYEKE kuwaandikia barua Waziri na wakurugenzi wa Posta na mawasiliano baada ya vurugu zilizojitokeza juma lililopita na baada ya wito wa mgomo uliotolewa mapema wiki hii kwa njia ya sms.

Aidha, hatua hii inakuja baada ya wito wa Waziri mkuu kuwaomba wafanyakazi wote warejee kazini kuanzia jana baada ya siku kadhaa za maandamano na kusimamishwa kwa shughuli zote za kijamii mjini Bangui.

Taarifa kutoka vyanzo vya kiserikali zimebaini kuwa matumizi ya ujumbe mfupi au sms yatasimamishwa kwa siku chache zijazo, na tayari watu wakijaribu kutuma ujumbe wa maandishi kupitia mtandao wa Orange maarufu mjini Bangui yanatokea majibu kwamba ni marufuku kuandika SMS.

TWITE VALERIE NAHAYO NAHODHA WA TIMU YA TAIFA YA BURUNDI ASTAFU KUICHEZEA TIMU YA TAIFA

Nahodha wa timu ya taifa ya Burundi Intamba Mu Rugamba Valerie Nahayo ambaye anacheza soka la kulipwa barani Ulaya, ametangaza hivi majuzi kupitia mtandao wa kijamii wa Facebook kwamba amestafu kuchezea timu ya taifa ya Burundi baada ya kupeperusha bendera ya taifa kwa kipindi cha miaka 12.

Nahayo amesema ameridhishwa kuichezea timu ya taifa na hato jutia kamwe uamuzi wake wa kuichezea timu yake ya taifa kwa moyo mkunjufu, na kutowa shukran za dhati kwa wale wote waliomtolea sapoti kwa kipindi chote hiki akiwa nahodha wa timu hiyo. Amesema ata miss mambo mengi katika timu ya taifa na kuwatakia wachezaji wenzake kila la kheri.

Hata hivyo Twite Valerie Nahayo hakuweka bayana sababu zilizomlazimu kuchukuwa uamuzi huo, ambao ameutowa muda tu baada ya timu ya taifa Intamba Murugamba kushindwa kusonga mbele kwenye mtoano wa kuwania kufuzu kombe la mataifa bingwa barani Afrika huko Moroco mwakani.

RAIS WA MAREKANI BARACK OBAMA ZIARANI BARANI ULAYA

Rais wa Marekani Barack Obama anasubiriwa mapema leo asubihi jijini Varsovie kwa ajili ya kujaribu kuuhakikishia washirika wake wa Ulaya kuhusu hofu iliopo juu ya mzozo wa Ulaya ya mashariki na mwenendo wa serikali ya Moscou nchini Ukraine wakati huu mapigano makali yakiripotiwa kati ya wanajeshi wa serikali na wakereketwa wanaodai mjitengo.

Rais Obama ambaye ameondoka jijini Washington jana jioni atashiriki katika sherehe za maadhimisho ya miaka 25 ya uchaguzi wa kwanza kidemokrasia nchini Pologne iliokuwa zamani katika muungano wa kisovieti.

Ben Rhodes naibu mshauri wa rais Obama anayehusika na maswala ya Usalama amesema, Rais Obama atatumia fursa ya ziara yake hiyo barani Ulaya kusisitiza juu ya ushirikiano kati ya Marekani na Umoja wa ulaya kwa ajili ya Usalama katika bara la Ulaya ya mashariki kulinda demokrasia.

Watakuwepo pia jijini Varsovie ma rais francois Hollande wa Marekani, Knasela wa ujerumani Angela Merkel na Joachim Gauck pamoja na viongozi kadhaa wa kisiasa barani Ulaya ya kati na ya kaskazini.

WATU 21 WAPOTEZA MAISHA KATIKA MAPIGANO JIJINI BENGHAZI NCHINI LIBYA

watu 21 wameripotiwa kupoteza maisha na wengine 112 wamejeruhiwa katika mapigano yalioibuka hapo jana kwenye mji wa Benghazi mashariki mwa Libya, mapigano yanayodaiwa kuwa ni kati ya wapiganaji wa kundi la Ansar al-Shariah na wapiganaji wafuasi wa kiongozi wa zamani wa jeshi, Khalifa Haftar.

Wakazi wa mji wa Benghazi wamethibitisha kusikia milio ya risasi kwenye mji huo, ambapo mbali na mapigano ya Jumatatu ya wiki hii, siku ya Jumapili pia kulishuhudiwa makabiliano kati ya makundi haya hasimu.

Mapigano hayo yalianza pale kundi la Ansar Al Charia liliposhambulia kambi ya kijeshimjini Benghazi lenye wapiganaji wengi waliojiunga hivi karibuni na jenerali aliye asi Khalifa Haftar. Shmbulio hilo ni jibu la wazi kwa jenerali huyo anaye endesha kampeni dhidi ya Uslam tangu Mei 16.

DRCONGO NA CONGO KINSHASA ZAJADILIANA KUHUSU HATUWA YA KUFURUSHWA KWA WA CONGO JIJINI BRAZAVILLE

Majadiliano baina ya Serikali ya Jamhuri ya Kidemokrasia ya Congo na ujumbe maalum kutoka serikali ya Congo- Brazzaville yanaingia hii leo katika siku yake ya pili mjini Kinshasa, ikiwa ni jaribio la kupunguza mvutano uliojitokeza kati ya nchi hizo mbili baada ya wakongo wa DRC kufukuzwa kutoka nchi ya Congo Brazaville hivi karibuni.

Katika kipindi cha miezi miwili iliyopita, takriban watu laki moja na elfu arobaini wamelazimika kuvuka mpaka baada ya kufukuzwa katika mazingira tatanishi na kuzua mgogoro wa kidiplomasia baina ya nchi hizo jirani.

Waziri wa mambo ya ndani wa DRC na kiongozi wa ujumbe wa nchi hiyo katika majadilianao hayo Richard Muyej amekosoa na kushutumu operesheni hiyo aliyoiita kuwa ya kikatili pamoja na ukiukwaji wa haki za binadamu.

Kwa upande wa Congo-Brazaville, msimamo ulionekana kutoyumbishwa na shutma hizo  huku wakiahidi kuendelea na operesheni hiyo huku wakizingatia taratibu za kisheria.

Raymond Zephyrin Mboulou

Naye Gavana wa Jimbo la Kivu Kaskazini Julien Paluku aliyehitimisha ziara yake katika makambi walioko raia hao wa DRC waliorejeshwa mjini Kinshasa amesema kuwa operesheni hiyo ilikiuka haki za bianadamu na haikubaliki.

Julien Paluku Kahongya

MASHIRIKA YA KIRAIA NCHINI BURUNDI YATAKA UCHUNGUZI UFANYIKE KUHUSU TAARIFA ZA UGAVI WA SILAHA KWA VIJANA WA CHAMA TAWALA

Vijana wa Imbenerakure katika moja ya sherehe zao

Miezi miwili baada ya kuvuja kwa taarifa kutoka Umoja wa Mataifa kuhusu uwepo wa shughuli za ugavi wa silaha kwa vijana wa chama tawala cha CNDD-FDD nchini Burundi Imbonerakure, hatuwa iliopelekea kufukuzwa nchini humo kwa mwanadiplomasia wa Umoja huo na ambayo imekuwa sababu ya kutiwa nguvuni kwa mwanaharakati wa haki za binadamu na mtetezi wa haki za wafungwa Pieere Claver Mbonimpa, mashrika ya kiraia nchini humo yameomba uchunguzi ufanyike kuhusu taarifa hii.

Muungano wa mashirika ya kiraia nchini humo umesaini waraka kwa raia wa Burundi Pierre Nkurunziza na kwa rais wa Jamhuri ya Kidemokrasia ya Congo na Umoja wa Mataifa kwa ajili ya kufanyika kwa uchunguzi kuhusu taarifa hii.

Vital Nshimirimana mwenyekiti wa mashirika ya kiraia FORSC

Mratibu wa shughuli kwenye muungano wa mashirika ya kiraia Vital Nshimirimana amesema lengo hasa ni kutaka kujuwa ukweli kuhusu taarifa hii kwani serikali ya burundi haitaki kufanyika kwa uchunguzi ili kutowa mwanga zaidi kuhusu taarifa za vijana wa chama tawala wanaopewa mafunzo ya kijeshi katika ardhi ya Congo.

Lengo hasa la waraka huu ni kuhakikisha zinakusanywa ma elfu ya sahihi kwa kipindi cha majuma mawili kuishinikiza serikali ya burundi na jumuiya ya kimataifa kuanzisha uchunguzi kuhusu taarifa hii ya kutatanisha.

Philippe Nzobonariba

Upande wake ya Burundi imetupilia mbali harakati hizo za masharika ya kiraia nchini humo ya kupiga kampeni ili kukusanya saini kwa maelfu katika wiki mbili zijazo, kuilazimisha kuanzisha mchakato wa kuchunguza madai kwamba imegawa silaha kwa vijana wa chama tawala – Imbonerakure.

Majibu ya Serikali ya Burundi hayakuwa na kigugumizi wakati Msemaji wa Serikali ya Burundi Philippe Nzobonariba ametuhumu mashrika ya kiraia nchini humo kuendelea kuwa vibaraka wa vyama vya upinzani.

RAIS WA JAMHURI YA AFRIKA YA KATI CATHERINE SAMBA PANZA AWAJULIA HALI WAATHIRIKA WA MACHAFUKO

Rais wa kipindi cha mpito nchini jamhuri ya afrika ya kati Catherine Samba Panza, amezuru jana Jumapili katika Hospitali kuu jijini Bangui kuwajulia hali waathirika wa machafuko ya kidini yanayolikumba taifa hilo.

Samba Panza amejiunga na familia za waathirika hao katika kuwatolea msaada wa fedha kwa ajili ya matibabu na maswala mengine muhimu hususan chakula.

Rais Panza amesema kulikuwa na umuhimu wa kuwajulia hali watu hao wanaendelea kutaabika na hali iliowakumba, na kwamba shughuyli za upokonyaji silaha lazima zifanyike kwa mpango zikisimamiwa na kikosi cha umoja wa Afrika, na kikosi cha ufaransa cha operesheni Sangaris nchini humo Misca.

UN WATIWA WASIWASI NA KUZUILIWA KWA MWANAHARAKATI WA HAKI ZA BINADAMU NCHINI BURUNDI PIERRE MPONIMPA

Umoja wa Mataifa umesema mwishoni mwa juma kwamba unatiwa wasiwasi na kuzuiliwa jela kwa mwanaharakati wa haki za binadamu nchini burundi, Pierre  Claver Mponimba tangu Mei 15.

Kwa mujibu wa msemaji wa Umoja wa Mataifa Strephane Dujarric, Umoja wa Mataifa unawasiwasi kuhusu mwanaharakati huyo Pierre Mbonimpa na kuitaka serikali ya burundi kuheshimu haki ya msingi na kuruhusu kesi yake isikilizwe huku misingi ya kimataifa ya haki za binadamu ikiheshimiwa.

Pierre Claver Mbonimpa mwanaharakati wa haki za binadamu na za wafungwa APRODEH anazuiliwa jela kwa kosa la uhaini.

MARINE LE PEN WA CHAMA CHA FN ATUPIA PICHA KUKANUSHA TAARIFA ZA KUTALAKIANA

Baada ya gazeti la Closer nchini Ufaransa kuchapisha habari za kutengana kwa ndoa ya mwenyekiti wa chama cha mrengo wa kushoto cha FN Marine Le Pen ambacho kimejipatia ushindi katika uchaguzi wa serikali za mitaa uliofanyika hivi karibuni nchini Ufaransa, mwenyekiti huyo Marine Le Pen ametupia picha kwenye mtandao wa kijamii wa Twitter akimbusu mpenzi wake kama ishara ya kukanusha taarifa hiyo.

Marine Le Pen na mbunge wa Umoja wa Ulaya Louis Alliot wapo katika mauhusiano tangu mwaka 2009

HATUWA YA KUACHWA HURU KWA WAFUNGWA WATANO WA TALIBAN YAZUA MTAFARUKU

Viongozi watano wa kundi la Taliban wamewasili nchini Qatar baada ya kuachiwa huru kutoka katika jela la Guantanamo Bay katika hatuwa ya Marekani kubadilishana wafungwa na Taliban, hatuwa ambayo imezua mtafaruku.

Wafungwa hao wa Taliban walisafirishwa kwa ndege ya kijeshi ya Marekani C-17 katika eneo la huba jana jumapili. Viongozi hao wa Taliban ni pamoja na Mohammad Fazl, le mollah Norullah Noori, Mohammed Nabi, Khairullah Khairkhwa na Abdul Haq Wasiq.

Kiongozi mkuu wa Taliban aliyeachiwa huru Mollah Omar amepongexza hatuwa hiyo na kusema kuwa ni ushiondi mkubwa kwa kundi hilo.

Kufuatia hatua hiyo umeibuka wasiwas juu ya usalama baada ya kuachiwa kwa viongozi wandamizi wa Taliban lakini Rais wa Marekani Barack Obama anaona kuwa Marekani itabaki kuwa salama hata baada ya kuachiwa kwa wafungwa hao wa Taliban.

Kwa upande wake waziri wa Ulinzi wa Marekani Chuck Hagel amesema kuwa walichukua hatua hiyo ili kumrejesha mwanajeshi Bowe Bergdahl lakini hadhani kama hatua inaweza kutishia usalama wa marekani.

Aidha Chuck Hagel amekanusha kuwa taarifa kuwa serikali yake imefanya makubaliano na magaidi na kuongeza kusema kuwa hatua hiyo ni ya kawaida katika utaratibu wa kuachiwa kwa wafungwa kivita.