MAREKANI YAWATAKA RAIA WAKE KUONDOKA BURUNDI

Serikali ya Marekani imewataka raia wake wanaoeshi nchini Burundi kuondoka mara moja nchini humo kufuatia kuendelea kuhatarishwa kwa hali ya usalama nchini humo tangu pale lilipofeli jaribio la mapinduzi mwezi Mei mwaka huu lililofuatiwa na machafuko na mzozo wa kisiasa.

Katika taarifa ya wizara ya mambo ya nje wa Marekani hapo jana imewataka raia wa Marekani wasiokuwa na shughuli muhimu kuondoka nchini humo na familia zao na kuwataka raia wote wa Marekani kutoelekea Burundi, na wale waliopo nchini humo kuondoka haraka iwezekanavyo.

Zaidi ya watu 90 wameuawa siku ya Ijumaa Juma lililopita baada ya kutokea kwa mashambulizi ya kambi tatu za kijeshi nchini humo, ambapo taarifa za jeshi la nchi hiyo ziliarugu kuuawa kwa waasi 79 na wanajeshi 8.

Jumamosi asubuhi maiti kadhaa zilizshuhudiwa katika mitaa ilioendesha maandamao ya kupinga muhula wa 3, ambapo wengi wa waliouwawa ni vijana. Mashuhuda nchini humo wamevituhumu vikosi vya Usalama kuwashikilia vijana waliokutana nao baada ya shambulio la kambi za kijeshi na kuwauwa, ambapo maiti kadhaa zilionekana zikifungwa kamba mikononi.

Kulingana na taarifa ya pamoja ua mjumbe wa Umoja wa Ulaya Federica Mogherini na kamishna wa ushirikiano wa kimataifa Neven Mimica wameomba ukweli uwekwe wazi kuhusu mauaji haya yanayotokea katika karne hii.

HALI YA SINTOFAHAM YAENDELEA KURIPOTIWA NCHINI BURUNDI BAADA YA KUTOKEA SHAMBULIO LA KAMBI YA KIJESHI

Hali ya sintofahamu yaebdelea kushuhudiwa jijini Bujumbura ambapo vyombo vya usalama vimezingira maeneo kadhaa ya jiji la Bujumbura.

kwa Mujibu wa msemaji wa jeshi Kanali Gaspard Baratuza, Kundi la watu waliokuwa wamejihami kwa silaha nzito, wametekeleza mashambulizi mfululizo katika kambi mbili za jeshi jijini Bujumbura, Burundi, ambapo wapiganaji 12 wameuawa na wengine zaidi ya 24 wametiwa mbaroni, huku wanajeshi wa serikali wanaokadiriwa kufikia watano nao wakiuawa wakati wa makabiliano.

Mashambulizi haya yakupangwa, ni mabaya zaidi kutekelezwa toka kulipofanyika jaribio la mapinduzi lililoshindikana mwezi May mwaka huu.

Wapiganaji hao walivamia kambi ya jeshi ya Nagara kaskazini mwa mji wa Bujumbura pamoja na kituo cha mafunzo ya kijeshi cha Iscam, kilichoko kusini mwa nchi hiyo, baada ya kupora silaha katika kambi moja eneo hilo mashambulizi yaliyoanzwa kutekelezwa alfajiri ya hii leo na kudumu kwa zaidi ya saa nne

Kuliripotiwa pia makabiliano ya risasi katika viunga kadhaa vya jiji la Bujumbura, hali inayozidisha hofu ya kiusalama kwenye taifa hilo, wakati huu ambapo inadaiwa kuwa rais Pierre Nkurunziza amefanya kikao cha dharura na mawaziri wake kuizungumzia hali hiyo.

Shughuli zimesimama jijini Bujumbura, hakuna mawasiliano ya watu kutoka katika mtaa mmoja kuelekea mtaa mwingine, hali ambayo inalalamikwa na wananchi wa kaazi wa jiji la Bujumbura baada ya kukosa chakula kutokana na kuzuiliwa kwa barabara zote kuu

Polisi na wanajeshi nchini Burundi, wanasema wanaendelea na uchunguzi kuhusiana na tukio hili pamoja na kuendesha msako wa wapiganaji zaidi walioripotiwa kukimbia baada ya mashambulizi haya.

Hakuna kundi lolote lililodai kuhusika na mashambulizi ya hivi leo, lakini Serikali inasisitiza kuwa ni makundi ya waasi wanaotaka kuipindua Serikali.

RAIS MPYA NCHINI TANZANIA AHUTUBIA BUNGE, WAPINZANI WAONDOKA UKUMBUNI

Rais wa Jamhuri ya muungano wa Tanzania, John pombe Magufuli, hii leo kwa mara ya kwanza amelihutubia bunge huku akiahidi kuwa serikali yake itafanya kazi kwa weledi, wakati huu pia akimwapisha waziri mkuu mpya, Majaliwa Kassim Majaliwa.

Ni sauti yake waziri mkuu mpya wa Tanzania, Majaliwa Kassim Majaliwa, wakati akila kiapo hii leo mjini dodoma katika ikulu ndogo ya Chamwino, sherehe ambayo mbali na kuhudhiriwa na rais wa Zanzibar na viongozi wastaafu, wabunge na wageni mbalimbali nao walihudhuria.

Baada ya sherehe za kuapishwa kwa waziri mkuu, baadae wabunge walirejea bungeni ambako rais wa jamhuri ya muungano wa Tanzania, John Pombe Magufuli aliwahutubia, ikiwa ni mara yake ya kwanza kufanya hivyo toka alipoteuliwa kuwa rais baada ya uchaguzi wa October 25 mwaka huu.

Kwenye hotuba yake rais Magufuli, aliwashukuru wananchi kwa mara nyingine kwa kumuamini na kumchagua, ambapo ameahidi kuwa kiongozi atakayewatumikia watu wote bila kubagua, na kwamba lengo lake ni kuhakikisha nchi ya tanzania inasonga mebel kimaendeleo.

Rais Magufuli pia kwenye hotuba yake pia akaeleza malalamiko aliyoyapokea kwa wananchi ambayo yeye anaona ni kero kwa wananchi, maeneo ambayo anasema ni lazima yashughulikiwe ipasavyo ili kuleta uaminifu kwa wananchi.

Kuhusu Uchumi rais Magufuli amesema kuwa serikali yake itakuwa ni serikali ya viwanda itakayosimamia sheria na kuhakikisha kuwa uchumi wa nchi unasimama kwa kujenga na kuendelea viwanda ili kutengeneza ajira zaidi.

katika hotuba yake pia, rais magufuli hakuacha kugusia suala la katiba mpya, ambapo amesema atahakikisha serikali yake inasimamia mchakato huo na kwamba safari hii utakamilika kwa wakati.

Rais Magufuli pia akagusia suala la muungano pamoja na hali ya kisiasa visiwani zanzibar ambapo amesema yeye ni muumini mkubwa wa muungano uliopo na kwamba anaamini mgogoro wa zanzibar uliojtokeza unatatuliwa kwa amani.

Kabla ya kuanza kwa hotuba yake bungeni, rais Magufuli alishuhudia vioja vya upinzani ambao walikuwa wakipiga kelele wakati viongozi wa zanzibar walipokuwa wakiingia bungeni bungeni, ambapo baadae spika wa bunge Job Ndugai alilazimika kutumia kiti chake kuwafukuza nje ya ukumbi wa bunge ili kupisha hotuba ya rais kuanza, jambo ambalo upinzani ulitii na kutoka nje.

OFISI YA ICGLR KUHAMISHWA KWA MUDA NCHINI ZAMBIA

Ofisi za Jumuiya ya nchi za maziwa makuu ICGLR yenye makao makuu mjini Bujumbura, Burundi, zitahamishia kwa muda shughuli zake mjini Lusaka, Zambia, kwa kile maofisa wake wanachosema kuwa ni hali tete ya kiusalama nchini humo.

ICGLR inasema kuwa kutokana na kuendelea kuzorota kwa hali ya usalama nchini Burundi, ofisi hiyo itahamishia kwa muda shughuli zake nchini Zambia, wakati mzozo wa nchi hiyo ukiendelea kutatuliwa na taasisi husika ikiwemi ICGLR, Jumuiya ya Afrika Mashariki na Umoja wa Afrika.

MASHIRIKA 6 KATIKA JUMUIYA YA AFRIKA MASHARIKI WAOMBA KIKAO CHA DHARURA KUHUSU BURUNDI

Mashirika sita ambayo yote yamesajiliwa ndani ya Jumuiya ya Afrika Mashariki na nchi wananchama, juma hili yamewasilisha hoja kwa spika wa bunge la Jumuiya ya Afrika Mashariki wakimtaka aitishe mkutano wa dharura wa wabunge na kutoa tamko kuhusu machafuko yanyoendelea kushuhudiwa nchini Burundi.

Mashirika hayo, yanatoa wito wa kuchukuliwa kwa hatua madhubuti na za haraka kushughulikia mzozo wa kisiasa na hali ya kibinadamu nchini Burundi, wakati huu mashirika hayo yakidai kuwa hali imezidi kuwa mbaya kwenye taifa hilo hukuviongozi wa Burundi wakikaidi maazimio kadhaa ya wakuu wa nchi za Afrika mashariki na Umoja wa Afrika.

Katika hoja yao, mashirika hayo yanataka kuwekewa vikwazo kwa viongozi wa Burundi, kupelekwa kwa waangalizi wa kimataifa pamoja na wanajeshi wa Umoja wa Afrika watakaolinda usalama wa raia.

Spika wa bunge la Afrika Mashariki, Dan Kidega amepokea hoja ya mashirika hayo, na kusema kuwa imekuja wakati muafaka kwakuwa hali inayoendelea kushuhudiwa nchini Burundi, haiwezi kuendelea kutazamwa bila ya kuchukuliwa hatua.

WAPIGANAJI 2 WADAIWA KUUWA NCHINI MALI KATIKA HOTELI WALIKOVAMIA

Taarifa za hivi punde zinaeleza kwamba washambuliaji wawili waliokuwa miongoni mwa watu waliosambulia na kuwateka watu katika Hoteli moja jijini Bamakao wameuawa wakati wa operesheni za uokozi.

Hayo yanajir wakati huu Wizara ya mambo ya ndani nchini Ufaransa, imethibitisha kupelekwa kwa kikosi maalumu cha wanajeshi wa kukabiliana na ugaidi na hali ya hatari nchini Mali, ambako wanamgambo wenye silaha wanashikilia mateka wat zaidi ya 150 kwenye hoteli moja mjini Bamako.

Zaidi ya wanajeshi 40 wa kikosi maalumu cha Ufaransa cha GIGN wanaelekea nchini Mali kutoa msaada kwa vikosi vya Mali kujaribu kuwaokoa mateka wanaoshikiliwa kwenye hoteli ya Radisson Blu, hoteli inayowahifadhi wageni na maofisa kadhaa wa Umoja wa Mataifa.

Hatua hii ya Ufaransa imekuja ikiwa ni saa chache tu zimepita toka wapiganaji wenye silaha kuvamia hoteli hiyo na kuwashikilia mateka wageni waliofikia kwenye hoteli hiyo.

RAIA WA NIGERIA ASEMA WAHUSIKA WA RUSHWA JESHINI WATAKABILIANA NA MKONO WA SHERIA

Rais wa Nigeria, Muhammadu Buhari, anasema kuwa jeshi lake lilinyimwa silaha na misaada mingine ya kijeshi kukabiliana na kundi la Boko Haram na maelfu ya raia kupoteza maisha kwasababu kulikithiri vitendo vya rushwa wakati wa ununuzi wa baadhi ya vifaa.

Rais Buhari amesema kuwa anataka wale wote watakaobainika kuwa walihusika katika kashfa hiyo ya mamilioni ya fedha wakati wa ununuzi wa zana za kijeshi, kufikishwa mbele ya vyombo vya sheria, kauli anayoitoa punde baada ya kupokea ripoti ya tume iliyoundwa kuchunguza tuhuma za rushwa ndani ya jeshi.

Ripoti hiyo imeonesha kuwa kulikuwa na mazingira tatanishi ya manunuzi ya zana hizo kwakuwa amri ya kununua vifaa ilitolewa wakati jeshi likiwa kwenye mapambano na wapiganaji wa Boko Haram kaskazini mwa nchi hiyo.

MAREKANI YALAANI HATUWA YA KUIDHINISHWA KWA SHERIA YA MAREKEBISHO YA KATIBA NCHINI RWANDA

Siku moja baada ya bunge nchini Rwanda kupitisha rasmi mependekezo ya kufanyika marekebisho kwenye katiba ya nchi hiyo ili kumpa nafasi nyingine rais Paul Kagame kuwania urais kwa muhula wa tatu mfululizo, serikali ya Marekani imelaani hatua hiyo ya bunge la Seneti.

Kwa mujibu wa taarifa iliyotolewa na wizara ya mambo ya kigeni ya Marekani, haikusema wazi iwapo misaada ya Marekani kwa nchi ya Rwanda itasitishwa lakini ikaonya kuhusu kupitiwa upya kwa mikataba ya ushirikiano kati ya nchi hizo mbili.

Marekani inamtaka rais Kagame kuheshimu kile alichowahi kukisema kuhusu kuendelea kizazi kijacho cha Rwanda kwenye utawala, na kuachana na mpango wake wa kuwania urais mwaka 2017.

KENYA YATANGAZA MIKAKATI MIPYA YA UBANAJI MATUMIZI

Baada ya majuma kadhaa ya tuhuma mbalimbali za rushwa na matumizi mabaya ya fedha, Serikali ya Kenya imetangaza mikakati mipya ya ubanaji matumizi, ambapo imepiga marufuku safari na mafunzo yasiyo ya lazima kwa wafanyakazi wa umma.

Waziri wa fedha Henry Rotich amesema kuwa tayari ameshatoa waraka kwa maofisa wa wizara na vitengo mbalimbali vya uma, akipiga marufuku safari za nje na matumizi mengine yasiyo ya lazima.

Waziri Rotich amesema safari za mafunzo za ndani na zile za kaunti zimepigwa marufuku.

Hatua hii itasaidia Serikali ya Kenya kupunguza matumizi makubwa yanayolalamikiwa na upinzani pamoja na wananchi? Mwenzangu Victor Abuso amezungumza na James Shikwati mchambuzi wa masuala ya Uchumi akiwa jijini Mwanza nchini Tanzania.

MUANDISHI WA HABARI WA RWANDA ATIWA NGUVUNI NCHINI BURUNDI KWA TUHUMA ZA UJASUSI

Hakimu mkuu wa jamhuri katika Mkoa wa Muyinga kaskazini mwa burundi metangaza kumtia nguvuni muandishi wa habari wa Rwanda kwa kosa la upepelezi baada ya kukutwa anafanya kazi mkaoni hapo bila kibali halali.

Hivi karibuni viongozi wa serikali ya Burundi wamepaza sauti kuhusu waandishi wa habari wa kigeni tangu kuanza kwa maandamano mwezi April kupinga umauzi wa rais Nkurunziza kuwani amuhula wa 3.

Etienne Besabesa Mivumbu ambae kulingana na kituo cha habari nchini Rwansa RNA alikuwa anafanya kazi katika kituo binafsi cha Izuba pamoja na mtandao wa Igihe.com.

Hakimu mkuu wa jamuhuri katika Mkoa huo ameeleza kwamba muandishi huyo wa habari alikamatwa akiwa na vifaa vya kunasa sauti pamoja na camera akiwa kwenye besketi akitokea nchini Rwanda katika tarafa ya Giteranyi, hivyo anatuhumiwa kufanyakazi ya kuchukuw ahabari bila kibali.

IKULU YA RAIS BURUNDI YATHIBITISHA UCHAGUZI KUFANYIKA JULAY 15

Siku moja baada ya tume ya taifa ya uchaguzi nchini Burundi kupendekeza tarehe ya kufanyika kwa uchaguzi wa wabunge na ule wa urais, ikulu ya Bujumbura hii leo imethibitisha rasmi kuwa uchaguzi wa wabunge utafanyika June 29 na ule wa urais utafanyika July 15 kama ilivyopendekezwa na tume.

Kusogezwa mbele kwa uchaguzi huu kumeenda sambamba na maazimio ya wakuu wa nchi za Afrika Mashariki na kati ambao walitaka uchaguzi usogezwe mbele ili kupisha kufanyika kwa mazungumzo kati ya upinzani na Serikali ili kusaka muafaka kuhusu muhula watatu wa rais Pierre Nkurunziza.

Tangazo hili la ikulu linatolewa ikiwa ni siku moja tu imepita toka msemaji wa rais Nkurunziza atangaze kuwa suala la kuwania muhula wa tatu kwa rais Nkurunziza ni suala ambalo halina mjadala.

Tangazo hili la Serikali pia limetupilia mbali uwezekano mwingine wa kuahirishwa kwa uchaguzi mkuu nchini humo kinyume na tarehe zilizotangazwa.

SERIKALI YA BURUNDI YASEMA HAKUNA MJADALA KUHUSU MUHULA WA 3 WA RAIS NKURUNZIZA

Licha ya upinzani na maandamano yanayoendelea kushuhudiwa nchini Burundi, Serikali ya Bujumbura inasema kuwa suala la rais Pierre Nkurunziza kuwania urais kwa muhula wa tatu, ni suala ambalo halina mjadala, na kwamba kiongozi huyo hana nia ya kubadili uamuzi wake.

Akizungumza kwenye kituo kimoja cha redio, msemaji wa Serikali Philippe Nzobonariba, amesisitiza kuwa uamuzi wa rais Nkurunziza kuwania uongozi kwa muhula wa tatu, ni uamuzi ambao hauna mjadala, kauli inayozima kabisa madai ya upinzani ambao unataka rais Nkurunziza kutowania tena urais.

Philippe Nzobonariba, ameongeza kuwa mapendekezo yaliyotolewa na tume ya taifa ya uchaguzi kutaka kusogeza mbele baadhi ya chaguzi nchini humo, ni uamuzi wa mwisho na kwamba hata uchaguzi wa rais uliopangwa kufanyika July 15 huenda ukasogezwa mbele.

UPINZANI NCHINI BURUNDI WADAI KUUNDA TUME NYINGINE YA UCHAGUZI

Upinzani nchini Burundi umetupilia mbali pendekezo la kalenda ya uchaguzi iliowasilishwa na tume ya uchaguzi kwa ajili ya uchaguzi wa bunge na ule wa rais na kutowa mashati kadhaa katika maandalizi ya uchaguzi huo.

Mmoja kati ya viongozi wa upinzani bwana Charles Nditije ameomba uundwa wa tume nyingine ya uchaguzi ambapo wajumbe wawili kati ya watano walijiuluzu na kuitoroka nchi.

Miongoni mwa masharti hayo ni pamoja na kuwapokonya silaha vijana wa chama tawala wa Imbonerakure na kumtaka rais kuachana na nia yake ya kuendelea kuwania muhula wa tatu ambao ndio chanzo cha vurugu zinazoendelea nchini humo.

Charles Nditije amesema hawawezi kuandaa uchaguzi wakati huu kabla hawaja kaa chini na kujadili kuhusu uundwaji wa tume nyingine ya uchaguzi, kama hawajadili kuhusu mazingira ya siasa na usalama wakati nchi ikielekea kwenye uchaguzi, kama hawajadili kuhusu kuwapokonya silaha wakereketwa wa chama tawala na kama Nkurunziza hatupilii mbali nia yake ya kuwani amuhula wa 3.

nditije aliyasema hayo muda mfupi baada ya tume ya uchaguzi kupendekeza kufanyika kwa uchaguzi wa Bunge juni 26, uchaguzi ambao hawali ulikuwa umepangwa kufanyika Mei 26 kabla ya kuahirishwa hadi Juni 5 na ule wa rais kufanyika Julay 15.

hapo jana waziri wa mambo ya ndani aliomba upinzani kuwasilisha majina ya watu wawili wataochukuw anafasi ya wajumbe 2 waliojiuzulu kwenye tume ya uchaguzi, lakini upinzani wao unadai iundwe tume nyingine na sio hii iliopo..

Upinzani nchini Burundi umetupilia mbali pendekezo la kalenda ya uchaguzi iliowasilishwa na tume ya uchaguzi kwa ajili ya uchaguzi wa bunge na ule wa rais na kutowa mashati kadhaa katika maandalizi ya uchaguzi huo.

Mmoja kati ya viongozi wa upinzani bwana Charles Nditije ameomba uundwa wa tume nyingine ya uchaguzi ambapo wajumbe wawili kati ya watano walijiuluzu na kuitoroka nchi.

Miongoni mwa masharti hayo ni pamoja na kuwapokonya silaha vijana wa chama tawala wa Imbonerakure na kumtaka rais kuachana na nia yake ya kuendelea kuwania muhula wa tatu ambao ndio chanzo cha vurugu zinazoendelea nchini humo.

Charles Nditije amesema hawawezi kuandaa uchaguzi wakati huu kabla hawaja kaa chini na kujadili kuhusu uundwaji wa tume nyingine ya uchaguzi, kama hawajadili kuhusu mazingira ya siasa na usalama wakati nchi ikielekea kwenye uchaguzi, kama hawajadili kuhusu kuwapokonya silaha wakereketwa wa chama tawala na kama Nkurunziza hatupilii mbali nia yake ya kuwani amuhula wa 3.

Nditije aliyasema hayo muda mfupi baada ya tume ya uchaguzi kupendekeza kufanyika kwa uchaguzi wa Bunge juni 26, uchaguzi ambao hawali ulikuwa umepangwa kufanyika Mei 26 kabla ya kuahirishwa hadi Juni 5 na ule wa rais kufanyika Julay 15.

Hapo jana waziri wa mambo ya ndani aliomba upinzani kuwasilisha majina ya watu wawili wataochukuw anafasi ya wajumbe 2 waliojiuzulu kwenye tume ya uchaguzi, lakini upinzani wao unadai iundwe tume nyingine na sio hii iliopo..

WATU WAWILI WAUAWA KATIKA MASHINDANO YA KUCHORA VIBONZO VYA MTUME MUHAMAD JIJINI TEXAS

Watu wawili wanaodaiwa kuwa huenda walikuwa wamebeba mabomu wameuawa kwa kupigwa risasi, na polisi mmoja kujeruhiwa nje ya ukumbi ambao kulikuwa kunafanyika mashindano ya kuchora kikaragosi cha Mtume Muhammed mjini Texas, Marekani.

Kwa mujibu wa waandaaji wa mashindano hayo kutoka taasisi ya Marekani ya kulinda uhuru wa kutoa maoni, wamesema kuwa watu hao waliuawa baada ya kurusha risasi kuelekea sehemu ambayo shindano hilo lilikuwa linafanyika na ndipo polisi walipolazimika kutumia nguvu kuwakabili.

Kwa mujibu wa mashuhuda wa tukio hili, wanasema kuwa wakati shindano hilo likiendelea, watu wawili waliokuwa na silaha na vifaa vinavyodaiwa kuwa ni mabomu walianza kusogea kwenye eneo la tukio na kabla ya kufika waliwafyatulia risasi polisi walipkuwa jirani na kuwalenga baadhi ya watu waliohudhuria kabla ya kuuawa na kikosi maalumu cha Polisi wanajeshi.

Polisi mjini Texas wanasema wanaendelea kufanya uchunguzi kubaini sababu iliyowafanya watuhumiwa hao kuwafyatulia risasi waandaaji wa shindano hilo, ingawa baadhi ya watu wamewakosoa watu walioandaa shindano hilo wakijua fika kuwa lazima lingewakera baadhi ya waumini wa dini ya kiislamu.

Waumini wa dini ya kiislamu wamelaani shambulio hili lakini wakawakosoa waandaaji wa shindano hilo ambalo mshindi alizawadia dola za Marekani elfu 10 kwa kuchora kibonzo wa kinachomuonesha Mtume Muhammad.

Tukio hili linajiri ikiwa ni miezo michache tu imepita toka kushambuliwa kwa ofisi za gazeti la Charlie Hebdo nchini Ufaransa ambalo lilichapisha kibonzo cha mtume Muhammed, ambapo watu wenye silha waliwashambulia wafanyakazi wake na kuua watu 16.

MAANDAMANO YASHUHUDIWA TENA JIJINI BUJUMBURA KULAANI MUHULA WA 3 WA RAIS NKURUNZIZA

Waandamanaji wamerejea barabarani katika baadhi ya mitaa za manispaa ya jiji la Bujumbura mapema leo asubuhi baada ya Makataa ya saa 48 yaliyotolewa na waandamanaji nchini Burundi kumpa nafasi Rais Nkurunziza kufikiria upya uamuzi wake wa kugombea muhula wa tatu kinyume na katiba na azimio la Arusha kufikia mwisho.

Taarifa kutoka Bujumbura zaeleza kuwa waandamanaji katika mitaa ya Buterere, Musaga, Nyakabiga, Bwiza wamechoma ma tyri barabarani huku katika tarafa ya buterere risase zikisikika kwa wingi, na huko Kinama vipeperushi vimesambazwa vinavyo wartia hofu waandamanaji kwamba ataeandamana basi watakiona cha moto

Tangu kuanza kwa maandamano hayo April 26 mwaka huu, watu 10 wameuawa wakati wa maandamano na ambapo shughuli za mazishi kwa baadhi ya wahanga hao zikifanyika hapo jana ambapo rais wa zamani wa Burundi Domitien Ndayizeye alisisitiza kuheshimiwa kwa katiba ya nchi.

Wakati hayo yakijiri, Mkuu wa jeshi nchini humo, Jenerali Prime Niyongabo akisoma tangazo maalum la jeshi, amerejelea kauli ya waziri wa Ulinzi Nchini Humo Brigadia Jenerali Pontien Gaciyubwenge siku ya jumamosi, ambapo amelisifu jeshi nchini humo kwa weledi wake katika kipindi chote cha maandamano hayo na kulionya kutokuwa na upande wowote.

Wataalamu wanaona kwamba taarifa ya jeshi ya kutaka viongozi kuheshimu katiba na mkataba wa Arusha ni ujumbe wa moja kwa moja kwa rais Nkurunziza ambae kulingana na Upinzani na wanaharakati wa mashirika ya kirai, anataka kuvunja makubaliano ya Arusha.

Kumekuwa na mitazamo tofauti kuhusiana na hali inayoendelea nchini Burundi wakati huu polisi ikiendelea kuwatisha raia kutoandamana, jambo ambalo linalowafanya raia kuwoana polisi kama adui.

Jumuiya ya Kimataifa imeonya Burundi kuhusu hali inayoendelea kushuhudiwa nchini humo na kwamba iwapo hatua hazitachukuliwa mapema huenda taifa hilo likaingi kwenye machafuko.

MAREKANI YALAANI MASHAMBULIZI DHIDI YA WAGENI NCHINI AFRIKA KUSINI

Mfalme Goodwill Zwelithini wa jamii ya waZulu nchini Afrika kusini aliyetuhumiwa kuwa chanzo cha vurugu dhidi ya wageni amekanusha kuhusika kwake na matukio hayo.

Katika mkutano wa hadhara Zwelithini amekanusha kuhusika katika vurugu hizo na kudai kuwa ametafsiriwa vibaya baada ya kauli yake ya kuomba wageni kufungasha virago na kuondoka nchini humo.

Mkutano wa dharura wa viongozi wa kijadi nchini humo akiwepo mfalme huyo pamoja na mkutano baina yake na mawaziri wa Mambo ya Ndani na wa Usalama yaonekana kuwa chachu ya kukomesha mashambulizi hayo ambapo Mfalme Zwelithini amesema kuwa mashambulizi dhidi ya wageni ni aibu kubwa kwa taifa.

Serikali ya Marekani imelaani jana machafuko ya ubaguzi dhidi ya wageni yanayoshuhudiwa nchini Afrika Kusini na kuwatolea wito viongozi wa nchi hiyo kuchukuwa hatuwa madhubuti kukomesha mashambulizi dhidi ya wageni.

Machafuko hayo yaliwalenga raia wa kigeni waishio nchini Afrika Kusini na kusababisha vifo vya watu 7 na maelfu wengine kukimbia katika miji ya Durban na Johanesbourg.

Msemaji wa wizara ya mambo ya nje Marie Harf amesema Marekani kama vile mataifa mengine pamoja na mashirika ua kiraia wanalaani vikali mauaji dhidi ya wageni yanayo shuhudia nchini Afrika Kusini.

Hayo yanajiri wakati huu mataifa kadhaa barani Afrika yakiendelea kujiandaa kuwarejesha nyumbani raia wake waishio nchini Afrika Kusini. Miongoni mwa mataifa hayo ni pamoja na, Malawi, Msumbiji, Zambia, Zimbabwe na Tanzania.

SERIKALI YA BURUNDI YATISHIA KUTUMIA JESHI KUZIMA MAANDAMANO

Serikali ya Burundi imetishia jana kulitumia jeshi iwapo maandamano ya kupinga muhula wa tatu wa rais Pierre Nkurunziza yatagubikwa na ghasia wakati huu nchi hiyo ikielekea kwenye uchaguzi mkuu wa rais.

Waziri wa ulinzi nchini humo jenerali Pontien Gaciyubwenge amesema iwapo itahitajika na kamanda wa majeshi ambae ni rais wa jamuhuri jeshi lake litajiunga na vikosi vingine katika swala zima la ulinzi dhidi ya wanataka kuyumbisha amani.

Upande wake waziri wa mambo ya ndani Edouard Nduwimana amesema vikosi vya Usalama na utawala vipo makini na vitachukuw ahatuwa stahiki ili kuwafikisha mahakamani wahusika wote wa maandamano.

Hayo yanajiri wakati huu wanasiasa wa Burundi waliokimbilia ugenini wakimtaka rais Nkurunziza kutumia uamuzi wa busara na kutowa uhuru kwa wote kwa ajili ya maandalizi thabiti ya uchaguzi.

SERIKALI YA AFRIKA KUSINI YAWAONYA WACHOCHEZI WA VURUGU DHIDI YA WAGENI

Serikali ya Afrika Kusini imeahidi hapo jana kuwahukumu wahusika wa machafuko dhidi ya raia wa Kigeni nchini humo yaliosababisha vifo vya watu takriban saba tangu mwanzoni mwa mwezi April wakati huu Malawi na Zimbabwe zikijiandaa kuwarejesha nyumbani raia wake.

Waziri wa mambo ya ndani nchini Afrika Kusini Malusi Gigaba amesema jana katika mkutano na waandhishi wa habari kwamba wametuma ujumbe mzito kwa wale waliohusika na machafuko hayo kwamba watakamatwa na watakiona cha moto.

Kulingana na waziri huyo watu 307 wametiwa nguvuni tangu mwanzoni mwa machafuko hayo yalioanza mwishoni mwa mwezi March na ambayo yanawalenga raia wa Kigeni walioomba hifadhi nchini Afrika Kusini.

Licha ya kupungua kwa ghasia hizo, katika usiku wa Jumamosi kuamkia Jumapili kumeshuhudiwa mashambulizi mengine dhidi ya raia wa kigeni katika miji ya Johanesbourg na D

MAANDAMANO MAPYA YAITISHWA TENA LEO JUMATATU NA UPINZANI NCHINI BURUNDI

Upinzani nchini Burundi imetowa wito wa maandamano tena leo Jumatatu April 20 mwaka 2015 katika jiji kuu la Bujumbura. Wito huu umetolewa na mmoja kati ya viongozi wa upinzani wa chama cha UPD-Zigamibanga Chauvino Murwengezo ambae amewataka wafuasi wa upinzani na wale wote wanaopinga muhula wa 3 wa rais Pierre Nkurunziza.

Hayo yanajiri wakati mwishoni mwa Juma mahakama kuu jijini Bujumbura ikiwafungulia Mashtaka waandamanaji 65 waliokamatwa wakati wa maandamamno ya kumshinikiza rais Piere Nkuzrunziza kutowania urais kwa muhula wa tatu.

Siku ya Ijumaa juma lililopita shughuli zilizorota kutokana na vurugu za maandamano ambapo Polisi wa Usalama waliwasambaratisha waandamanaji ambao walidai kuandamana kwa amani na utulivu.

Kidole cha lawama kinaelekezwa kwa vyombo vya Usalama nchini humo ambavyo vimeonekana kuegemea upande mmoja, kwani wafuasi wa rais Nkurunziza wanaounga mkono muhula wa 3 wanapoafanya maandamano hupewa ulinzi mkali wa polisi.

Kiongozi mmoja wa upinzani amesema iwapo machafuko yatatokea au vurugu, zinasababishwa na polisi na wao ndio wataulizwa kupitia viongozi wao ambao hawataki kutowa haki sawa kwa wote.

Hali hii ya wasiwasi inayo shuhudiwa kwa sasa nchini Burundi imesababisha watu zaidi ya elfu nane kukimbilia nchini Rwanda na DRCongo kwa hofu ya kuzuka kwa machafuko.

Upinzani pamoja na Mataifa ya Magharibi yanamtaka rais Nkurunziza kuheshimu katiba na kutowania wadhifa huo wakati wa Uchaguzi wa urais mwezi Juni.

Nkurunzinza mwenyewe hajajitokeza na kutangaza ikiwa atawania au la.

MAREKANI NA ETHIOPIA WALAANI MAUAJI YA ISLAMIC STATE DHIDI YA WA CHRISTO

Serikali ya Ethiopia imelaani vikali mkanda wa Video uliochapishwa na kundi la Islamic State ukionyesha watu 28 wakiuawa kwa kukatwa vichwa na ambao waliwasilishwa na kundi hilo kama raia wa Ethiopia.

Mbali na Ethiopia, serikali ya Marekani pia imetowa taarifa ambamo pia imelaani mauaji hayo ambayo imeyaita ya kinyama.

Kundi hilo la IS kitengo cha Libya limeoyesha mkanda huo ikiwa ni miezi miwili baada ya kuonyeshwa kwa mauaji mengine ya watu 21 wachristo waumini wa Copte kutoka Misri, hali iliozua ghadhabu kwa serikali ya Misri iliojibu tukio hilo kwa mashambulizi ya kijeshi katika ngome za kundi hilo nchini Libya

mkanda huo wa video wenye dakika 29 inaonyesha makundi mawili ya watu waliowasilishwa kama waumini wa kanisa la Ethiopia ambalo wamesema ni adui.

MONUSCO YAITAKA SERIKALI YA RDCONGO KUANDAA MAZINGIRA MAZURI YA KISIASA KUELEKEA UCHAGUZI

Umoja wa Mataifa umeitaka serikali ya Jamhuri ya Kidemokrasia ya Congo kudhaminia usawa baina ya wanasiasa, mashirika ya kiraia, pamoja na watetezi wa haki za binadamu wakati huu taifa hilo likielekea kwenye chaguzi mbalimbali zitazo tamatishwa na ule wa Rais hapo Novemba mwaka 2016.

Akizungumza katika mahojiano na shirika la habari la Ufaransa AFP, mwakilishi maalum wa katibu mkuu wa Umoja wa mataifa Martin Kobler amesema ni muhimu kutowa nafasi kwa vyama vyote vya kisiasa, mashirika ya kiraia, wanaharakati wanaotetea haki za binadamu na kwamba wanawasiliana na serikali kuhakikisha hatuwa hii muhimu inakuwepo.

Martin Kobler amesema jukumu la Monusco ni kutetea pia haki za binadamu, na hili sio swala la kuingilia ndani maswala ya serikali bali ni kuomba haki za binadamu ziheshimishwe.

Wachambuzi wa siasa wanaonakuwa wito huo umekuja wakati muafaka, licha ya kudorora kwa ushirikiano kati ya mashirika ya kiraia na serikali katika siku za hivi karibuni

UMOJA WA MATAIFA WALAANI MAUAJI YA WAGENI NCHINI AFRIKA KUSINI

Umoja wa Mataifa umesema umeguswa na unalaani mauaji ya raia wa kigeni nchini Afrika Kusini kutokana na mashambulizi yanayoendeshwa na raia wa Afrika Kusini.

Umoja huo wa mataifa umesema kuwa mpaka sasa zaidi ya raia wa kigeni elfu tano wamekimbia makazi yao na machafuko hayo yamesababisha vifo ya watu sita katika miji ya Durban na Johannesburg.

Shirika la umoja wa mataifa la kushughulikia wakimbizi UNHCR limesema kuwa watu walioathirika na machafuko hayo ya kibaguzi ni raia wa kigeni wakiwemo wakimbizi waliokwenda kutafuta hifadhi nchini Afrika Kusini.

Umoja huo umetaka kukomeshwa mara moja mashambulizi dhidi ya raia wa kigeni kwa sababu wengine walikwenda nchini humo kwa ajili ya kujilinda na kutafuta mahali salama pa kuishi.

Abdulkarim Atiki ni mchambuzi wa siasa za kimataifa na hapa anaangazia hali ya mambo nchini Afrika Kusini wakati huu hofu ikitanda miongoni mwa raia wa kigeni.

Rais wa AFRIKA kusini hiyo jana aliaani mashambulizi na mauaji hayo lakini amekuwa akikosolewa na wanasiasa kwa kutolipa kipaumbele suala hilo.

UMOJA WA MATAIFA WASEMA WARUNDI ZAIDI YA ELF 8 WAKIMBILIA NCHINI RWANDA NA DRCONGO

Umoja wa Mataifa umesema kwamba zaidi ya watu 8000 wameitoroka Burundi katika kipindi cha majuma mawili yaliopita kutokana hofu ya kutokea mchafuko wakati huu nchi hiyo ikielekea kwenye uchaguzi mkuu wa rais.

Msemaji wa shirika la Umoja wa mataifa linalo hudumia wakimbizi duniani UHCR Adrian Edwards amesema katika mkutano na waandhisi wa habari kwamba jumla ya warundi zaidi ya elf 7.099 wamevuka mpaka kuingia nchini Rwanda huku 1.060 wakikimbilia nchini DRCongo.

ASilimia 60 ya wanaokimbilia nchini Rwanda ni watoto ambao wanawasili wakiwa hawana lolote.

Hofu hii ya wananchi kukimbilia nchini Rwanda imesababishwa na mvutano uliopo wa kisiasa huku vijana wa chama tawala cha CNDD-FDD wa Imbonerakure, wakielezwa kuwa tishio wakati huu mashirika ya kiraia yakitangaza kusubiri tamko la rais Nkurunziza kuwania muhula wa 3 ili waingia barabarani kuopinga kwa nguvu zote hatuwa hiyo.

POLISI YATUMIA NGUVU KUZIMA MAANDAMANO JIJINI BUJUMBURA WATU 3 WAKIWEMO POLISI WAJERUHIWA

Askari polisi wawili wamejeruhiwa huku watu zaidi ya kumi wakitiwa mbaroni jijini Bujumbura hii leo Ijumaa wakati polisi ilipokuwa ikijaribu kuzima maandamano ya upinzani unaopinga hatuwa ya rais Pierre Nkurunziza kutaka kuwania muhula wa 3 wa rais, jambo ambalo linaelezwa kuwa kinyume cha sheria mama ya nchi hiyo.

Licha ya kwamba rais Nkurunziza hajajitangza rasmi kuwania muhula huo wa 3, upoinzani na mashirika ya kiraia yanamtuhumu kuonyesha dalili za kuwania nafasi hiyo licha ya kushauriwa na wanadiplomasia kutoka ndani na nje ya Burundi.

Mwenyekiti wa heshima wa chama cha upinzani cha UPD Zigamibanga Chavino murwengezo ambae alijiunga na waandamanaji jijini Bujumbura amesema, polisi imewazuia kuandamana kwa amani, wakati juma lililopita polisi hiyo iliwaliandia Usalama wale wanaounga mkono muhula wa 3.

kiongozi huyo wa Heshma wa UPD ambae aliandamana pamoja na viongozi wengine wa upinzani amesema maandamano hayo yataendelea hadi pale rais Nkurunziza atapo salim amri.

Polisi imetumia maji na mabomu ya kutoa machozi katika kuwatawanya waandamanaji huku mwanamke mmoja akiripotiwa kupoteza fahamu kutokana na moshi wa bomu hizo za kutowa machozi.

ZUMA AGHADHABISHWA NA MASHAMBULIZI DHIDI YA WAGENI

Rais wa Afrika Kusini Jacob Zuma ametoa wito wa kukomeshwa kwa mashambulizi na mauaji dhidi ya raia wa kigeni tatizo ambalo linaonekana kuendelea kusambaa nchini humo.

Wimbi hilo la mashambulizi na mauaji dhidi ya raia wa kigeni linaonekana kukithiri nchi Afrika kusini ambapo mpaka sasa watu wasiopungua sita wameuawa.

Rais Jakob Zuma amesema kuwa taifa limeshudia matukio ya kutisha na kwamba haikubaliki raia wa kigeni kushambuliwa na kuuawa wakati hawana hatia na hawastahili kufanyiwa unyama.

Zuma ameeleza kuwa polisi wamesambazwa katika maeneo mbalimbali ili kuwalinda raia wa kigeni na kuwakamata watekelezaji wa mashambulizi na mauaji hayo.

Amesema kuwa hakuna kosa lolote linaloweza kuhalalisha mauaji na kuharibiwa kwa mali za watu hao na kuongeza kuwa serikali yake itafanya kila linalowezekana kukomesha hali hiyo.

Wiki mbili zilizopita maduka na nyumba zinazomomilikiwa na raia wa kigeni kutoka nchi za Somalia, Ethiopia, Malawi na nchi nyingine zilizingirwa mjini Durban na familia kulazimishwa kuondoka.

MWENYEITI WA ZAMANI WA CHAMA CHA CNDD FDD JEREMIE NGENDAKUMANA APINGA MUHULA WA 3 WA RAIS NKURUNZIZA

Kiongozi wa zamani wa chama tawala nchini Burundi cha CNDD-FDD Jeremie Ngendakumana amesema mwenyekiti wa sasa wa chama hicho Pascal Nyabenda anavunja sheria za chama katika kuwafuata uanachama wafuasi wa chama hicho wanaopinga hatuwa ya muhula wa 3 kwa rais Pierre Nkurunziza.

Jeremie Ngendakumana amemshauri kiongozi huyo wa chama tawala kuwaleta pamoja wafuasi wote wa chama hicho na kujadiliana kwa pamoja kuhusu muhula huo wa 3 wa rais Nkurunziza unaoleta utata.

Kuhusiana na swala hilo la Muhula wa 3, Jeremie Ngendakumana amesema mkataba wa Arusha upo wazi, hakuna rais anaeruhusiwa kuwania mihula 3.

hayo yanajiri wakati huu aliekuwa msemaji wa chama cha CNDD-FDD Onesime Nduwimana akiondolewa kwenye uadhifa wake kama mkurugenzi mtendaji na msimamizi wa shirika la bima SOCABU.

Katika hatuwa nyingine Ofisi ya haki za Binadamu nchini Burundi imefahamisha kwamba inafuatilia kwa karibu zaidi taafiza za uwepo wa vitishi na vitimbi dhidi ya wale wote waliobaini msimao wao wa ku0inga muhula wa 3 kwa rais Pierre Nkurunziza

AGATHON RWASA AITAKA CENI KUONGEZA MUDA WA WAGOMBEA UCHAGUZI KUWASILISHA FAILI ZAO

Kiongozi wa upinzani nchini Burundi wa chama cha FNL tawi lisilo tambulika na serikali Agathon Rwasa ametowa wito kwa tume ya uchaguzi nchini humo kuongeza muda wa zaidi kwa wagombea kuwasilisha faili zao, wakati huu tume ya uchaguzi CENI ikianza kupokea faili za wagombea katika chaguzi mbalimbali.

Agathon Rwasa amesema kutokana na muda wa majuma mawili na idadi ya wagombea, muda uliotolewa hautotosha, hivyo unahitajika muda zaidi. Rwasa ametuhumu pia baadhi ya viongozi ambao wamekuwa wakiwazuia kuwafikia wafuasi wao na hata kuwahutubia.

MAKAM MWENYEKITI WA SAHWANYA FRODEBU ASEMA MAANDAMANO YA AMANI YAGEUZWA KUWA KAMPENI ZA CHAMA TAWALA

Makam wa rais wa zamani nchini Burundi Frederick Banvuginyumvira ambae pia ni naibu mwenyekiti wa chama cha upinzani cha Sahwanya Fredebu, amesema maandamano ya amani yanayoandaliwa na waziri wa mambo ya ndani Edouard Nduwimana ni kampeni tosha za kisasa za chama cha CNDD-FDD.

Banvuginyuvira amesema waandamanaji wanaondamana kwa ajili ya amani hawawezi kuimba na kutowa wito wa kumchaguwa Nkurunziza huku wakionyesha picha yake pamoja na ujumbe wanaotowa wa vitisho dhidi ya wanasiasa wa upinzani na wanaharakati wa mashrika ya kiraia.

Makam huyo wa rais wa zamani ameitaka tume ya uchaguzi kutoendelea kukaa kimya kiasi cha kuonekana kwamba inaunga mkono hali hiyo, amewataka pia viongozi wakuu wa serikali kutafuta suluhu ya matatizo ya warundi na sio kuendelea kuwatumia wananchi.

MKANGANYIKO WAENDELEA KUSHUHUDIWA KATIKA CHAMA TAWALA NCHINI BURUNDI

Wakati shinikizo likiendelea kutolewa kutoka ndani na nje ya Burundi kumtaka rais Pierre Nkurunziza kutowania uchaguzi mkuu wa Juni mwaka huu nchini humo, rais Nkurunziza amewafuta kazi wajumbe wa chama tawala cha CNDD-FDD waliosaini waraka wa kumtaka kutowania muhula mwingine wa 3.

Gervais Abayeho aliekuwa naibu msemaji wa rais amechukuwa nafasi ya Leonidas Hatungimana aliekuwa msemaji wa rais kabla kuonyesha msimamo wake dhidi ya muhula wa tatu wa rais Nkurunziza.

Jerome Nzokirantevye aliekuwa msemaji wa Baraza la Seneti ameteuliwa kuwa mkurugenzi mkuu wa Radio na Televishieni ya taifa kuchukuwa nafasi ya Tadee Siryumunsi ambae ni miongoni mwa vigogo wa chama tawala wanaopinga muhula wa 3 wa rais Nkurunziza.

HUYU HAPA NDIE RAIA WA BURUNDI ALIEKAMATWA KWA KUSHUKIWA KUWA AL SHABAB KUTOKANA NA NDEVU ZAKE

Anaitwa Bigirimana, anakadiriwa kuwa na umri wa miaka 31, raia wa Burundi anaeshi Uganda, hapo jana alitiwa nguvuni baada ya kushukiwa kuwa mfuasi wa Al Shabab. hii imetokana na ndevu zake. jambo ambalo limeibuwa mjadala iwapo kila anaefuga ndevu kiasi hicho ni muislam.

Bigirimana alikamatwa akiwa kanisa wakati wa Ibada ya Jumapili ya Matende( Dimanche de rameaux) baada ya waumini kumshku na kutowa ripoti kwa polisi. baada ya uchunguzi, aliachiwa huru  baada ya polisi wa Uganda kujiridhisha kwamba sio mfuasi wa Al Shabab na kwamba ni muumini wa dini katoliki.

Juma lililopita Marekani ilifahamisha kwamba kundi la Al shabab limepanga kufanya mashambulizi ya kujitowa muhanga kwa mara nyingine tena nchini Uganda baada ya lile lilifanyika mwaka 2010 lililogharimu maisha ya watu zaidi ya 70.

KIONGOZI WA UPINZANI NCHINI BURUNDI AGATHON RWASA AVITUHUMU VYOMBO VYA USALAMA KUHUSIKA NA JARIBIO LA MAUAJI YA MKEWE

Hali ya afya ya mke wa kiongozi wa upinzani nchini burundi Agathon Rwasa yaelezwa kuimarika baada ya kushambuliwa hapo jana Jumapili wakati akiwa kwenye saloon ya kutengeneza Nywele.

Tukio hilo liliotokea katika kata ya warabuni jijini Bujumbura wakati bi Annonciate Haberisoni alipokuwa akitengeneza nywele ambapo mtu aliekuwa na bastola aliingia saloon na kumfyatulia risase kichwani, lakini kwa bahati nzuri mfanyakazi wa Saloon alimsukuma na hivo kunusurika kimiujiza na kumjeruhi kichwani.

Agathon Rwansa anasema kwa sasa mkwe anaendelea vizuri, na muda wowote atarhusiwa kurejea nyumbani huku akivitumu vyombo vya usalama kuhusika na tukio hilo.

Aidha Kiongozi huyo wa tawi la chama cha FNL lisilo tambulika serikalini licha ya kuw ana ushawishi mkubwa, amemtaka rais Nkurunziza kutoingilia familia yake na kwamba iwapo anamatitizo na kiongozi huyo mkewe au mwanae hana tatizo lolote.

Mbali na hayo Agathon Rwasa ametaja majina kadhaa ya watu waliorodheshwa kuuawa katika kipindi hiki kuelekea kwenye uchaguzi mkuu, katika orodha amabayo amesema imepangwa na viongozi wa idara ya Usalama.

Tukio hilo limetokea wakati huu joto la kisisa likiendelea kupanda nchini humo kuelekea kwenye uchaguzi mkuu wa rais wa Juni utaofanyika baada ya ule wa Bunge na seneti mwezi Mei