WATU 7 WAPOTEZA MAISHA KATIKA PWANI YA KENYA

Watu saba wauawa wakiwemo askari polisi 4 baada ya watu wenye silaha kushambulia gari ya abiria katika pwani ya kenya eneo la Lamu.

Washambuliaji walifyatulia risasi gari hilo jirani na mji wa Witu takribani kilomita 50 kutoka kisiwa cha lamu.

Baada ya shambulizi hilo waliwakabili polisi waliowasili katika eneo hilo kuokoa na tayari kundi la wapiganaji wa al shabab limekiri kutekeleza mauaji hayo.

Takribani watu mia moja wameuawa katika ghasia huko Pwani nchini kenya katika msimu huu huku raia wakiyakimbia makazi yao na sekta ya utalii wa ndani kuzorota.

MAANDAMANO DHIDI YA UTAWALA WA ISRAEL YAFANYIKA LICHA YA KUKATAZWA NA POLISI NCHINI UFARANSA

 Maandamano yameshuhudiwa nchini Ufaransa licha ya kukatazwa na serikali nchini humo. Watu wanaopinga mashambulizi yanayotekelezwa na majeshi ya Israeli katika ukanda wa Gaza, wamejitokeza katika maeneo mbalimbali jijini Paris kuwaunga mkono wanancbhi wa Gaza wanaokabiliwa na hali ngumu wakati huu.

Polisi imelazimika kuvurumisha bomu za kutowa machozi ili kuwasambaratisha wandamanaji ambao walikuwa wamejizatiti kuhakikisha maamdamanohayo yanafanyika na ambapo uvurumishianaji wa mawe baina ya waandamanaji na polis umeshuhudiwa katika mji wa Barbe karibu na jiji la Paris.

Ufaransa ni moja kati ya nchi ambazo zimekuwa zikitowa soma la demokrasia katika nchi za bara la Afrika ambapo imekuwa ikiunga mkono maandamano yanayo fanyika katika nchi za bara la Afrika. Kinacho shangaza, maandamano kwa mujibu wa nchi za magharibi ni moja miongoni mwa misingi ya demokrasia, je Ufaransa kupinga watu wake kuandamana kuwaunga mkono wananchi wa Gaza inavunja haki ya msingi kwa wananchi wake?

WATU ZAIDI YA 20 WAJERUHIWA KATIKA NDEGE ILIOKUWA IKTOKEA NCHINI AFRIKA KUSINI KUELEKEA HONG KONG

Watu zaidi ya 20 wamejeruhiwa wawili wakiwa katikahali mbaya wakiwa ndani ya ndege bada ya ndege hiyo kupata hitilafu ambapo ilikuwa ikitokea nchini Afrika Kusini kuelekea mjini Hong Kong nchini China

Majeruhi walisafirishwa haraka sana Hospitalini baada tu ya ndege hiyo ya south African Airlines kutuwa ambapo ilikuwa na jumla ya habiria 165.

Taarifa kutoka kampuni hiyo zinasema watu 25 ndio walijeruhiwa wakiwemo wafanyakazi wa ndani ya ndege. Hata hivo hakuna sababu zozote zilizotolewa na kampuni hiyo katika taarifa hiyo.

Msemaji wa mamlaka ya anga jijini hong Kong amesema kulikuwa na hali ya hatari iliotokea wakati ndege hiyo ikiwa katika anga la malaysia.

Habiria walionusurika wamesema kulitokea na mtikisiko uliodumu dakika kadhaa ambapo habiria waligonga vichwa kwenye paa, rubani wa ndege hiyo aliomba msaada wa matibabu kwa habari waliokuwa ndani ya ndege hiyo wakati tu akijiandaa kutuwa kwenye uwanja wa ndege wa Hong Kong.

MAHAKAMA YA JOHANESBOURG YAREFUSHA MUDA WA KUTATHMINI UWEZEKANO WA KUREJESHWA DRCONGO KWA PASTA JOSEPH MUKUNGUBILA

Mahakama nchini Afrika kusini imerefusha muda wa kutathmini ombi la Serikali ya Jamhuri ya kidemokrasia ya Congo la kurejeshwa nyumbani kwa Pasta Joseph Mukungubila anaye tuhumiwa kupanga njama za kuipinduwa serikali ya nchi hiyo mwaka uliopita.

Uamuzi huo umechukuliwa na jaji wa mahakama ya mjini Johanesbourg ambaye amesema uchunguzi wa ziada unaendelea zaidi, ambapo baadhi ya faili lililowasilisha na serikali ya DRCongo halikuheshimu sheria na taratibu.

Jaji Deon Van Zyl amesema wanataka ushahidi zaidi unamuhisisha Mukungubila ambaye amesema yupo huru kwa dhamani, lakini anaweza kutiwa ndani iwapo hatoheshimu tarehe ya kuripoti mahakamani ambayo ni Agosti 11 mwaka huu.

Mukungubila mwenyewe alikuwepo mahakamani hapo wakati uamuzi huo unachukuliwa akiwa na baadhi ya watu wa karibu yake ambao waliandamana dhidi ya rais Joseph Kabila.

SERIKALI YA TANZANIA YASISITIZA JUU YA MAZUNGUMZO YA WAASI WA FDLR NA RWANDA

Bernard Membe

 Serikali ya Tanzania imeendelea kusisitiza kuwa, itashirikiana na nchi wanachama za Jumuiya ya Afrika Mashariki na nchi za maziwa makuu katika kusaka suluhu ya mzozo wa Jamhuri ya kidemokrasia ya kongo DRC na kwamba serikali ya Rwanda izungumze na waasi wa FDLR.

Akizungumza na wanahabari jijini Dar Es Salaam waziri wa mambo ya kigeni wa Tanzania Bernard Membe amesema kuwa kwenye mkutano wa Umoja wa Afrika na ule wa SADC, viongozi wakuu walikubaliana kuwa waasi wa FDLR ni lazima wajisalimishe na kwamba Serikali ya Rwanda iwajumuishe baadhi ya wapiganaji hao kwenye jeshi lake.

Kauli hii inatolewa wakati huu nchi ya Rwanda kupitia kwa rais Paul Kagame ikisisitiza kutokuwa tayrai kufanya mazungumzo yoyote na waasi wa FDLR wala kuwajumuisha kwenye serikali yake.

Waziri Membe anasema ili suluhu ipatikane nchini DRC na jirani yake Rwanda ni lazima waasi wa FDLR wajisalimishe na Serikali ya Rwanda ikubali kuwarejesha nchini mwake.

WANAHABARI WAWILI KIZIMBANI KWA TUHUMA ZA KUYUMBISHWA USALAMA WA TAIFA

Eloge Niyonzima

Waandishi wa habari wawili nchini Burundi wamefikishwa kizimbani hapo jana katika mahakama ya Mkoa wa Bubanza kaskazini mwa Burundi. Waandishi hao ni pamoja na Eloge Niyonzima anaye ripoti kutoka mkoani hapo kwa niaba ya Radio ya Umma RPA, pamoja na Alexis Nkeshimana anayewakilisha Radio Bonesha FM katika eneo hilo la Burundi.

Waandishi hao wanatuhumiwa kosa la kutaka kuyumbisha usalama wa taifa kwa kuripoti April 16 mwaka huu taarifa za shughuli za ugavi wa silaha kwa vijana wa chama tawala CNDD-FDD wa Imbonerakure.

Kesi hiyo imewekwa faraghani.

WAASI ZA ZAMANI WA KIHUTU WA RWANDA WA FDLR WAPEWA MUDA WA MIEZI SITA KUJISALIMISHA

Nchi za Jumuiya ya ukanda wa maziwa makuu ICGLR zimewapa muda wa ziada waasi wa kihutu kutoka Rwanda waliopiga kambi nchini DRCongo kujisalimisha kwa khiari ili kuepusha mashambulizi ya kijeshi dhidi yao kwa kipindi cha miezi sita kuanzia sasa.

Kwa mujibu wa taarifa ya pamoja ya mawaziri kutoka nchi wanachama wa ICGLR pamoja na wale wa Jumuiya kiuchumi ya nchi za Kusini mwa Afrika SADC, wajumbe hao wamepokea uamuzi wa kundi la FDLR kujisalimisha na silaha zao, hivyo mpango wa kujisalimisha unatakiwa kutekelezwa kwa kipindi cha miezi sita ijayo kuanzia Julay 2.

Viongozi hao wamelitahadharisha kundi hilo la FDLR iwapo halitotekeleza hatuwa hyo kwa muda uliotolewa, basi watakabiliwa na hatuwa ngumu.

Kikao hicho cha mawaziri wa ICGLR kimetowa wito pia kwa ajili ya uimarishaji wa utaratibu wa tathmini na utekelezaji wa upunguzaji wa silaha na kuwarejesha makwao wapiganaji hao nchini Rwanda. Hakuna ufumbuzi mwingine uliotolewa na hakuna mapendekezo, yaliotolewa na Monusco pamoja na serikali ya Congo juu ya waasi ambao hawatopendelea kurejea nchini Rwanda.

Taarifa hiyo ya pamoja ilitolewa baada ya majadiliano ya muda mrefu hapo jana jijini Luanda. Wajumbe katika mkutano huo walivutana kuhusu muda uliotolewa, baadhi ya nchi kama vile Rwanda na Angola zilipendekeza waasi hao wapewe muda mfupi mathalan miezi mitatu. Lakini mwishowe wajumbe hao waliafikiana kutowa muda wa miezi sit

MAREKANI YAKIRI KWA MARA YA KWANZA KUWA NA WANAJESHI NCHINI SOMALIA

Kwa mara ya kwanza serikali ya Marekani imethibitisha kuwa imekuwa na kikosi maalumu nchini Somalia ambacho kimekuwa kikifanya kazi kwa siri toka mwaka 2007 licha ya utawala wa nchi hiyo mara kadhaa kukanusha taarifa hizo.

Kwa mujibu wa afisa mmoja wa jeshi la Marekani, amesema kuwa nchi yake inawanajeshi zaidi ya 120 nchini Somalia ambao kazi yao imekuwa ni kutoa mafunzo na ushauri kwa vikosi vya Serikali.

Taarifa hii ya Marekani inatolewa wakati huu wanamgambo wa Al-Shabab nchini Somalia wameapa kuendelea na mashambulizi yao dhidi ya nchi ambazo zinawanajeshi wake nchini Somalia pamoja na zile zinazotoa mafunzo.

ULINZI WAIMARIKA KWENYE UWANJA WA NDEGE WA ANTEBBE JIJINI KAMPALA

ulinzi na usalama vimeimarishwa vya kutosha kwenye uwanja wa ndege wa kimataifa wa Antebbe nchini Uganda baada ya kuwepo kwa taarifa za kutokea kwa shambulio la kigaidi.

Kitisho hicho kimetolewa wakati huu viwanja vya ndege vya ulaya na mashariki ya kati vikiimarisha usalama zaidi baada ya Marekani kuarifu kuhusu kitisho cha kutokea kwa mashambulizi ya kigaidi.

Ubalozi wa Marekani jijini Kampala ulipewa taarifa na polisi nchini Uganda juu ya uwepo wa mpango wa kutokea kwa shambulio la Kigaidi hapo jana usiku saa tatu usiku hadi saa tano kwenye uwanja wa ndege wa Antebbe na kundi lisilojulikana.

Hakuna tukio liliripotiwa hadi sasa. Hata hivyo Hakuna jina lolote lililotajwa la kundi ambalo linalotishia kuendesha mashambulizi. Wanamgambo wa Al Shabab, hivi karibuni walikiri kuhusika katika mashambulio nchini Kenya , Djibouti na Somalia.

URW YALITUHUMU JESHI LA CONGO NA MONUSCO KUSHINDWA KUZUIA MAUAJI YA MUTARULE HUKO KIVU YA KUSINI

Shirika la kimataifa linalo tetea haki za binadamu lenye makao yake makuu nchini Marekani la Human Right Watch limelituhumu jeshi la jamhuri ya kidemokrasia ya Congo la FARDC pamoja na vikosi vya Umoja wa Mataifa nchini humo Monusco kwa kupuuzia kuzuia kutokea kwa machafuko ya mwezi uliopita huko mashariki mwa DRCongo.

Shirika hilo limesema majeshi ya Congo na yale ya Monusco hayakuingilia kati ili kukomesha machafuko yaliogharimu maisha ya watu zaidi ya 30 na ambayo yalitokea katika kijiji cha Mutarule katika usiku ya Juni 6 kuamkia Juni 7 katika mkoa wa Kivu ya Kusini

shirika hilo limeendelea kuwa wanajeshi hao waliwaacha wananchi wa Mutarule waendelee kuuawa wakati ambapo kulikuwa na taarifa za kutokea kwa machafuko hayo na ambapo wananchi waliomba msaada tangu tu yalipoanza machafuko hayo na walikuwa karibu wangeliweza kuingilia kati.

Hivi karibuni kiongozi wa majeshi ya Monusco nchini DRCongo Martin Koble alibaini maskitiko yake kuona vikosi vya Umoja wa Mataifa vilishindwa kuziia mauaji hayo yasitokei.

Shirika hilo limesema hakuna muhusika hata mmoja wa mauaji hayo aliyekamatwa, hivyo Human rights watch limeilitolea wito jeshi la FARDC na Umoja wa Mataifa nchini DRCongo Munusco kuchunguza nini kilichotokea na kuhakikishi mauaji kama hayo hayatokei tena.

MALUMBANO KATI YA MUUNGAJO WA MADARAKANI WA JUBILEE NA UPINZANI WA CORD WAENDELEA KUSHUHUDIWA

Siku nne zikiwa zimesalia kabla ya siku ya saba saba kuwadia nchini Kenya ambapo muungano wa upinzani, CORD, umepanga kufanya mkutano mkubwa kushinikiza kufanyika kwa mazungumzo ya kitaifa, kamati maalumu ya bunge la kitaifa na Seneti imeundwa kujaribu kunusuru mvutano kati ya CORD na Jubilee.

Kamati hiyo inayojumuisha wajumbe 33 toka kila upande unaohusika kwenye mzozo huo, itaongozwa na mwenyekiti ambaye hatoki upande wowote wa kisiasa unaovutana kuhusu kufanyika ama kutofanyika kwa mazungumzo ya kitaifa.

Mutava Musyimi ni mbunge wa Mberee Kusini nchini Kenya na yeye ndiye aliyehusika kwa sehemu kubwa kuandaa na kuundwa kwa kamati hii maalumu ya wabunge.

Licha ya kamati huu kutangazwa kuundwa na kuwahusisha wabunge toka pande zote mbili, kiongozi wa muungano wa JUBILEE kwenye bunge la kitaifa Aden Duale ameendelea kusisitiza muungano wao kutojihusisha na mazungumzo haya kamwe.

Katika hatua nyingine muungano wa CORD umesisitiza kufanyika kwa mkutano wao siku ya Jumatatu na kwamba polisi imeruhusu mkutano wao kufanyika na kuahidiwa usalama.

Kinara wa muungano wa CORD Raila Odinga na wenzake wanashinikiza musuala muhimu matano kujadiliwa kati yake na rais Uhuru Kenyatta pamoja na naibu wake William Ruto.

WAHANGA WA MAUAJI YA AJALI YA SANGE KIVU YA KUSINI WAKUMBUKWA

Wahanga wa mauaji ya ajali ya moto uliotokana na kuteketea kwa lori la mafuta katika kijiji cha Sange Mkoa wa Kivu ya Kusini kwenye umbali wa kilometa takriban 70 na mji wa Biukavu, wamekumbukwa hapo jana. Ajali hiyo ilitokea miaka minne iliopita Julay 2 mwaka 2010 na kugharimu maisha ya watu zaidi ya 220.

Lori hilo la mafuta lilipata ajali katika kijiji hicho, ambapo mafuta yalivuka, na ndipo wananchi wa eneo hilo wakasogea kwa ajili ya kuchota mafuta, jamboo ambalo lilikuwa hatari sana kwako.

Baada ya muda kadhaa, lori hilo lililipuka na kusababisha maafa hayo makubwa ya wananchi na hata nyumba mali na vitu vilivyokuwa karibu vyote viliteketea. Rais wa taifa hilo Joseph Kabila siku mbili baada ya kutokea kwa ajali hiyo mbaya kuwahi kutokea alizuru katika eneo hilo na kutangaza siku mbili za maombolezo ya kitaifa.

VIONGOZI WA KIDINI JIJINI BANGUI WAYATUHUMU MAKUNDI YA WAASI KUWA CHANZO CHA USALAMA MDOGO

Maaskofu wa makanisa mbalimbali nchini Jamhuri ya Afrika ya Kati, wameyatuhumu makundi ya Seleka na Anti-Balaka kuwa chanzo cha kuendelea kuzorota kwa hali ya usalama kwenye taifa hilo ambalo linakabiliwa na changamoto za kiusalama kufuatia mauaji ya kidini.

Viongozi hao wa kidini wanadai kuwa makundi kama vile ya Seleka, Anti-Balaka, na kundi la LRA la nchini Uganda yamekuwa yakijichukulia sheria mkononi kwa kutekeleza mauaji dhidi ya raia wanaowakamata.

Licha ya sehemu kubwa ya mauaji ya kudhibitiwa mjini Bangui, bado maeneo mengine ya nchi yemeendelea kushuhudia uwepo wa matukio ya unyanyasaji, mateso na mauji dhidi ya raia yanayofanywa na makundi haya, ambapo viongozi wa dini sasa wanataka makundi hayo kukomesha vitendo vya kikatili.

NAIBU BALOZI WA LIBYA NCHINI TANZANIA ISMAIL NWAIRAT AJIPIGA RISASE NA KUFA

Polisi nchini Tanzania imeanza uchunguzi kuhusu tukio la kujipiga risasi na kufa kwa kaimu balozi wa Libya nchini humo, Ismail Nwairat.

Kamishna wa kanda maalumu ya dar es Salaam, Suleimani Kova amethibitisha kutokea kwa tukio hilo na kuongeza kuwa tayari kikosi cha askari wa upelelezi wameanza uchunguzi kuhusiana na tukio hili.

Kwa mujibu wa wizara ya mambo ya nje nchini humo na mkurugenzi wa idara ya habari maelezo Assa Mwambene, amesema balozi Nwairat alijipiga risasi mwenyewe akiwa kwenye chumba cha ofisi yake ambapo wafanyakazi wa ubalozi walilazimika kuvunja mlango ili kujua kilichotokea.

Ubalozi wa Libya nchini Tanzania umethibitisha kifo cha kaimu balozi wake na kuongeza kuwa mipango imeanza ya kuusafirisha mwili wake kwenda mjini Tripoli.

WANAJESHI WA MAREKANI WALIOTUMWA IRAQ KUPEWA UWEZO WA KUTUMIA NDEGE

Zaidi ya wanajeshi 500 wa Marekani waliotumwa nchini Iraq kulinda ubalozi wake wameelezwa kuwa watakuwa na uwezo wa kutumia ndege za kivita pamoja na zile zisizo na rubani kwaajili ya usalama mjini Baghdadi, Pentagon imesema.

Jumatatu ya wiki hii rais Barack Obama aliagiza kuongezwa kwa wanajeshi 200 zaidi nchini Iraq kuhakikisha maofisa wake wa Ubalozi wanakuwa salama wakati huu vikosi vya Serikali ya Iraq vikiendelea kukabiliwa na upinzani toka kwa waasi wa kiislamu wa ISIL.

Jeshi la Iraq limezidisha mashambulizi kwenye mji wa Tikrit alikozaliwa marehemu Saddam Hussein, mji ambao unakaliwa na wapiganaji hao ambao wametangaza utawala wa kiislamu.

WAKIMBIZI ZAIDI YA LAKI NANI WAKABILIWA NA KITISHO CHA NJAA

Antonio Guterres, mkuu wa Umoja wa Mataifa anayehusika na wakimbizi UNHCR

Zaidi ya wakimbizi wanaokadiriwa kufikia milioni moja barani Afrika, wanakabiliwa na baa la njaa wakati huu mashirika ya misaada ya kimataifa yakiendelea kukabiliana na changamoto ya kupata chakula cha msaada, Umoja wa Mataifa umesema.

Idadi hii imeongezeka kutokana na mashirika ya Umoja wa Mataifa kama vile UNHCR na shirika la mpango wa chakula duniani WFP kuanza kusitisha na kupunguza ugawaji wa chakula cha kila siku kwa maelefu ya wakimbizi duniani kutokana na kukabiliwa na uhaba wa chakula.

Mashirika haya yanasema kuwa ili kunusu hali kuwa mbaya zaidi yanahitaji kupata kiasi cha dola za Marekani milioni 225 ili kuwawezesha kupata chakula cha kila siku kwa wakimbizi na kuondoa kabisa mpango wao wa kupunguza ugawaji wa chakula.

MAWAZIRI WA NCHI 11 ZA UKANDA WA AFRIKA MAGHARIBI WAKUTANA KUJADILI KUHUSU MARADHI YA EBOLA

Shirika la afya duniani WHO linasema kuwa idadi ya watu waliokufa kutokana na virusi vya ugonjwa wa Ebola kwenye nchi za Afrika Magharibi imefikia watu 467 na kuonya kuwa idadi hiyo huenda ikaongezeka.

Kwenye taarifa yake kwa vyombo vya habari kuhusu mwenendo wa ugonjwa huo uliozikumba nchi za Guinea, Liberia na Sierra Leone, WHO inasema kuwa mpaka sasa wamebaini kuwepo kwa maambukizi mapya zaidi ya 759 kwenye ukanda huo hali inayoogofya kuhusu kuendelea kusambaa kwa virusi hivyo.

Idadi hii mpya inafanya kufikia kiwango cha asilimia 38 cha maambukizi mpaya ukilinganisha na kiwango cha asilimia 27 mwezi April mwaka huu wakati shirika la Afya duniani lilipotoa takwimu za mwisho kuonesha mwenendo wa ugonjwa huo ambao ulionekana kana kwamba umedhibitiwa.

Takwimu hizi zimetolewa wakati wa mkutano unaowakutanisha mawaziri wa afya toka mataifa kumi na moja ya ukanda wa Afrika Magharibi, mkutano unaofanyika nchini Ghana ukilenga kutafuta mbinu mpya za kukabiliana na maambukizi zaidi ya virusi vya Ebola.

Virusi vya Ugonjwa wa Ebola huweza kuambukizwa kwa njia ya hewa na kugusana hii ni kwa mujibu wa ripoti ya WHO, ambapo umetajwa kuwa miongoni mwa magonjwa hatari zaidi duniani, ugonjwa ambao mpaka sasa haujapatiwa tiba.

Mtu aupatapo ugonjwa huu huweza kuwa na homa kali, maumivu ya viungo, kutapika na kuhara na wakati mwingine kushindwa kufanya kazi kwa baadhi ya ogani za mwili na kutokwa damu mfululizo.

ADF-NALU YAWEKEWA VIKWAZO NA UMOJA WA MATAIFA

Baraza la Usalama la Umoja wa Mataifa limeamuwa kuliwekea vikwazo kundi la waasi wa Uganda la ADF lililopiga kambi mashariki mwa Jamhuri ya Kidemokrasia ya Congo. Vikwazo hivyo vitawahusu viongozi wa kundi hilo kuwazuia kusafiri na kuhodhi fedha zao.

Vikwazo hivyo vilipendekezwa na mataifa ya Ufaransa, Marekani na Uingereza. ADF linaongozwa tangu mwaka 2007 na Jamil Mukulu ambaye alikuwa mkristo kabla ya kuslim kuwa muislam pamoja na kiongozi wa kijeshi Hood Lukwago ambao wamewekwa katika orodha ya viongozi wa makundi ya kigaidi na Marekani pamoja na Umoja wa Ulaya.

Kundi la ADF ambalo pia linatambulika kwa jina la ADF-NALU linatuhumiwa kuwasajili watoto wenye umri wa chini ya miaka 18 katika kundi hilo na kutekeleza mauaji lakini pia ubakaji dhidi ya kinamama na watoto na kuwashambulia wanajeshi wa kulinda amani nchini DRCongo Monusco.