RAIS WA MAHAKAMA YA RUFAA MJINI GITEGA NCHINI BURUNDI NA JAJI WA MAHAKAMA HIYO WATIWA MBARONI

Thomas Ntimpirangeze

Thomas Ntimpirangeza, rais wa Mahakama ya rufaa mjini Gitega na Prime Habiyambere, jaji katika mahakama hiyo, wametiwa nguvuni hivi majuzi kufuatia waranti ya kukamatwa kwao kutoka kwa hakimu mkuu wa jamuhuri.

Wawili hao walikamatwa kwa nyakati tofauti, ambapo mmoja alikamatwa ofisini kwake huko Gitega, huku mwingine akikamatwa akiwa ziarani jijini Bujumbura. Wote wawili kwa sasa wamewekwa korokoroni katika jela kuu la Mpimba.

Taarifa za awali zilieleza kwamba wawili hao walikamatwa baada ya kumuacha huru mshukiwa wa wizi wa dheruji ya ujenzi wa uwanja wa mpira wa miguu, ambapo ilikuwa ni msaada kutoka Ikulu ya Rais.

Huku habari nyingine zikieleza kwamba rais Mahakama ya rufaa alikamatwa baada ya kurusha kwenye mitandasno ya kijamii kampeni ya kura ya hapana katika uchaguzi wa kura ya maoni ujao nchini Burundi.

Hata hivyo hakimu mkuu wa Jamuhuri Sylvestre Nyandwi anasema wawili hao wamekamatwa kwa makosa ya Rushwa huku akikanusha taarifa kwamba wawili gao wamekamatwa kutokana na kuendesha kampeni ya hapana.

HASIRA YATAWALA YATAWALA MJINI DAPCHI SIKU 4 BAADA YA KUTOKEWEKA KWA WASICHANA 111

Waziri wa habari nchini Nigeria Lai Mohamed

Siku nne baada ya kutokea kwa shambulio katika shule moja mjini Dapchi nchini Nigeria, kumekuwa na mkanganyiko mkubwa katika mji huo uliopo kaskazini mashariki mwa Nigeria ambako vikosi vya usalama vimekabiliana na wananchi wenye hasira ambao hadi sasa hawajuwi wapi walipo binti zao.

Polisi imethibitisha kuwa wasichana 111 wa shule la wasichana mjini Dapchi wametoweka tangu kutokea kwa shambulio la kundi la kijihadi la Boko Haram

hofu imeendelea kutanda katika eneo hilo ikihofiwa kutokea kwa Chibok mpya, jimbo lililopo jirani na mji wa Borno ambako kundi la Boko Haram liliwateka wasichana 276 April mwaka 2014, tukio lililolaaniwa ulimwengu mzima.

Ujumbe wa serikali ukiongozwa na waziri wa habari Lai Mohamed ulielekea katika eneo hilo na hivyo kuzua hasira miongoni mwa wananchi ambao wanasema hawajuwi nani wa kuwapa msaada.

Hivi majuzi watu wenye silaha walivamia mji huo na kusababisha mtafaruku mkubwa.

Waziri wa ulinzi nchini Nigeria Jenerali Mansour Dan Ali amesema wasichana wengi walikimbia kutokana na uoga na baadhi wameanza kurejea shuleni.